LIVE TV
ଆଜି ୨୦୨୧ ମସିହା, ନଭେମ୍ବର ମାସ ୧୪ ତାରିଖ, ରବିବାର, ତୁଳା ୨୯ ଦିନ, କାର୍ତ୍ତିକ ମାସ, ଶୁକ୍ଳପକ୍ଷ, ଏକାଦଶୀ ତିଥି। ଜାଣନ୍ତୁ ଆଜି କେମିତି କଟିବ ଆପଣଙ୍କ ଦିନ ଓ କ’ଣ ରହିଛି ଆପଣଙ୍କ ରାଶିରେ...
ମେଷ: ମାଙ୍ଗଳିକ କାର୍ଯ୍ୟ ହେଉ କିମ୍ବା କର୍ମକ୍ଷେତ୍ରକୁ ନେଇ ଶୁଭ ଖବର ମିଳିପାରେ। ଆର୍ଥିକ ସମସ୍ୟା ଦୂର ହୋଇପାରେ ଏବଂ ବ୍ୟବସାୟରେ ଲାଭ ମିଳିପାରେ। ଘରକୁ ଅତିଥିଙ୍କର ଆଗମନ ହେବ ଏବଂ ପରିବାରରେ ହସଖୁସିରେ ସମୟ ବିତିବ।
ବୃଷ: କର୍ମକ୍ଷେତ୍ରରେ ମାନ ସମ୍ମାନ ମିଳିବାରୁ ମନ ଖୁସି ରହିବ। ସ୍ୱାସ୍ଥ୍ୟରେ ଆଗ ଅପେକ୍ଷା ଉନ୍ନତି ହେବ। ପ୍ରତ୍ୟେକ କାର୍ଯ୍ୟରେ ବିଜୟ ମିଳିପାରେ। ସମାଜ ସେବା କରିବା ପାଇଁ ମନ ବଳାଇବେ।
ପ୍ରତିକାର- ଗୋମାତାଙ୍କୁ ଖାଦ୍ୟ ଦିଅନ୍ତୁ
ମିଥୁନ: ଆଜି ଦିନଟି ପୂଜାପୂଜିରେ ସମୟ ଅତିବାହିତ କରିବେ। ଯେକୌଣସି ସାଂସ୍କୃତିକ କାର୍ଯ୍ୟକ୍ରମରେ ଯୋଗ ଦେବେ। ବ୍ୟବସାୟ ବାଣିଜ୍ୟରେ ସଫଳତା ପାଇପାରନ୍ତି। ପାରିବାରିକ ଜୀବନ ସୁଖମୟ ହେବ
ପ୍ରତିକାର- ଶ୍ରୀ ଗଣେଷଙ୍କୁ ଦୂବ ଅର୍ପଣ କରନ୍ତୁ
କର୍କଟ: ପ୍ରତ୍ୟେକ କାର୍ଯ୍ୟରେ ଶୀର୍ଷରେ ପହଁଞ୍ଚିବା ପୂର୍ବରୁ ବାଧାବିଘ୍ନ ଦେଖା ଦେଇପାରେ। ସ୍ୱାସ୍ଥ୍ୟଗତ ସମସ୍ୟାକୁ ନେଇ ଅର୍ଥ ବ୍ୟୟ ହେବ। ନିଜର ଲୋକମାନେ ଇର୍ଷା କରିବେ ଏବଂ ଗୁପ୍ତଶତ୍ରୁ ବୃଦ୍ଧି ହେବ। ଯାନବାହାନରେ ସାବଧାନ ସହିତ ଯାଆନ୍ତୁ।
ପ୍ରତିକାର- ମା’ଙ୍କର ପାଦ ଛୁଇଁ ପ୍ରଣାମ କରନ୍ତୁ
ସିଂହ: ଶତ୍ରୁମାନେ ପରାଜିତ ହେବେ ଏବଂ ବନ୍ଧୁତାର ହାତ ବଢାଇବେ। ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଉତ୍ତମ ବୁଝାମଣା ସହିତ ପ୍ରେମ ଭାବ ବୃଦ୍ଧି ହେବ। ପ୍ରତ୍ୟେକ କାର୍ଯ୍ୟରେ ସଫଳତା ମିଳିପାରେ। ରାଜନୀତିରେ ଥିବା ବ୍ୟକ୍ତିଙ୍କ ପାଇଁ କିଛି ସମସ୍ୟା ଲାଗି ରହିବ।
ପ୍ରତିକାର- ଶ୍ରୀ ହନୁମାନ ଗାୟତ୍ରୀ ପାଠ କରନ୍ତୁ
କନ୍ୟା: କର୍ମକ୍ଷେତ୍ରରେ ଉନ୍ନତି ହେବ ଏବଂ ବ୍ୟବସାୟରେ ଲାଭ ପାଇପାରେ। ସାମାଜିକ କ୍ଷେତ୍ରରେ ମାନ ସମ୍ମାନ ଓ ଯଶପ୍ରାପ୍ତି ହେବ। ବହୁ ଦିନରୁ ଚିନ୍ତା କରୁଥିବା କାର୍ଯ୍ୟକୁ ପୂରଣ କରିବେ। କିନ୍ତୁ ପାରିବାରିକ କଳହ ଲାଗିବ।
ପ୍ରତିକାର- ବ୍ରାହ୍ମଣଙ୍କୁ ପ୍ରଣାମ କରନ୍ତୁ
ତୁଳା: ଆଜି ବହୁଦିନର ଦୂରବନ୍ଧୁଙ୍କ ସହିତ ମିଳନ ହେବ। ଛାତ୍ରଛାତ୍ରୀମାନଙ୍କ ପାଇଁ ଦିନଟି ଭଲ ରହିବ। ପାରିବାରିକ ବୁଝାମଣା ଠିକ୍ ରହିବା ସହିତ ବ୍ୟବସାୟରେ ଉନ୍ନତି କରିବେ। ମାଙ୍ଗଳିକ କାର୍ଯ୍ୟ କରିବା ପାଇଁ ବନ୍ଧୁଙ୍କ ସହିତ ଆଲୋଚନା କରିବେ।
ପ୍ରତିକାର- ଗ୍ରାମ ଦେବୀଙ୍କ ପାଖରେ ଘିଅଦ୍ୱୀପ ଜାଳନ୍ତୁ
ବିଛା: କର୍ମକ୍ଷେତ୍ରରେ ବାଧାବିଘ୍ନର ସମ୍ମୁଖୀନ ହେବେ ଓ ଅପମାନ ପାଇବାର ଯୋଗ ରହିଛି। ନୂତନ କର୍ମ ଲାଗି ଦୂରସ୍ଥାନକୁ ଯାତ୍ରା କରିବେ। ପରିବାରରୁ ପୂର୍ଣ୍ଣ ସମର୍ଥନ ନ ମିଳିବାରୁ ମନ ଭଲ ରହିବ ନାହିଁ।
ପ୍ରତିକାର- ଶ୍ରୀ ହନୁମାନ ଚାଳିଶା ପାଠ କରନ୍ତୁ
ଧନୁ: ସନ୍ତାନମାନଙ୍କର କାର୍ଯ୍ୟକଳାପ ସନ୍ତୋଷଜନକ ହେବ। ପରିବାରରେ ଭାତୃବିବାଦ ବୃଦ୍ଧି ହେବ। ବ୍ୟବସାୟରେ ଲାଭବାନ ହେବେ ଏବଂ ନୂତନ ଜିନିଷ ଘର ପାଇଁ କ୍ରୟ କରିପାରନ୍ତି। ଘରକୁ ବନ୍ଧୁଙ୍କର ଆଗମନ ହେବ ଏବଂ ସୁସ୍ୱାଦୁ ଭୋଜନ କରିବେ।
ପ୍ରତିକାର- ମଥାରେ ଚନ୍ଦନ ଧାରଣ କରନ୍ତୁ
ମକର: ବ୍ୟବସାୟୀମାନେ ଆଶାନୁସାରେ ଫଳ ପାଇବେ ନାହିଁ। ବ୍ୟୟ ବୃଦ୍ଧି ହୋଇପାରେ। ନିଜର ଉତ୍ତମ ବ୍ୟବହାର ଦ୍ୱାରା ସମସ୍ତଙ୍କୁ ନିଜର କରିପାରିବେ। କଳାକ୍ଷେତ୍ରରେ ମାନସମ୍ମାନ ପ୍ରାପ୍ତି ହେବ।
ପ୍ରତିକାର- ଶ୍ରୀ ହନୁମାନଙ୍କ ସିନ୍ଦୁର ମଥାରେ ଲଗାନ୍ତୁ
କୁମ୍ଭ: ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଦାମ୍ପତ୍ୟ ଜୀବନ ସୁଖମୟ ହେବ। ଛାତ୍ରଛାତ୍ରୀମାନେ ପାଠପଢାରେ ଉନ୍ନତି କରିବେ। ବସ୍ତ୍ର ବ୍ୟବସାୟ କରୁଥିବା ବ୍ୟକ୍ତି ଲାଭ ପାଇପାରିବେ।
ପ୍ରତିକାର- କୁଆ, ପାରାଙ୍କୁ ଖାଦ୍ୟ ଦିଅନ୍ତୁ
ମୀନ: ପାରିବାରିକ ଅଶାନ୍ତି ଲାଗି ରହିବ ଏବଂ କଳହ ଯୋଗ ରହିଛି। ବ୍ୟବସାୟରେ ବ୍ୟୟ ହୋଇପାରେ। ଅସୁସ୍ଥ ଅନଭୁବ କରିପାରନ୍ତି। କୌଣସି ଏକ ଜରୁରୀ କାର୍ଯ୍ୟ ପାଇଁ ଦୂରସ୍ଥାନକୁ ଯାତ୍ରା କରିବେ।
ପ୍ରତିକାର- ବାପା-ମା’ଙ୍କୁ ପ୍ରଣାମ କରନ୍ତୁ
