LIVE TV
ଏକ ରିପୋର୍ଟ ଅନୁଯାୟୀ, ଶିଳ୍ପ କ୍ଷେତ୍ରର ୭୫ ପ୍ରତିଶତ କମ୍ପାନୀ ଯୁବକମାନଙ୍କ ମଧ୍ୟରେ ଦକ୍ଷତାର ଅଭାବକୁ ଜଣାଇଛନ୍ତି। ଏହାର ଅର୍ଥ ହେଉଛି ଯୁବକମାନେ କଲେଜ ଏବଂ ବିଶ୍ୱବିଦ୍ୟାଳୟରୁ ଡିଗ୍ରୀ ହାସଲ କରୁଛନ୍ତି ସତ କିନ୍ତୁ ଆଜିର ଚାକିରି ପାଇଁ ଆବଶ୍ୟକ କୌଶଳ ଶିଖୁ ନାହାଁନ୍ତି।
ଆଜିର ଡିଜିଟାଲ ଯୁଗରେ ଚାକିରିର ପରିସ୍ଥିତି ସଂପୂର୍ଣ୍ଣ ବଦଳିଯାଇଛି। ବୈଷୟିକ ଜ୍ଞାନକୌଶଳ ବୃଦ୍ଧି ହେତୁ ଆଜିର ଡିଜିଟାଲ କ୍ଷେତ୍ର ଯୁବପିଢି ଏକ ବଡ଼ ଚାକିରି ବଜାର ପାଲଟିଛି। ଆନ୍ତର୍ଜାତୀୟ ସ୍ତରର ଏକ ୱେବ୍ ସର୍ବିସ୍ ତା’ର ଏକ ରିପୋର୍ଟରେ ଜଣେଇଛି ୨୦୨୫ ସୁଦ୍ଧା ଭାରତରେ ଡିଜିଟାଲ୍ କ୍ଷେତ୍ରରେ ନଅ ଗୁଣ ଅଧିକ ଡିଜିଟାଲ୍ କୁଶଳୀ ଯୁବକ ଆବଶ୍ୟକ ହେବ। ଏହି କାରଣରୁ ପ୍ରାୟ ୩.୯ କୋଟି ଯୁବକଙ୍କ ପାଇଁ ଚାକିରିର ସୁଯୋଗ ଉପଲବ୍ଧ ହେବ। ଏହାର ଅର୍ଥ ଏହା ନିଶ୍ଚିତ ଯେ ଯେଉଁମାନଙ୍କର ଡିଜିଟାଲ୍ ଦକ୍ଷତା ଥିବ ସେମାନଙ୍କୁ ତୁରନ୍ତ ଚାକିରି ପାଇଁ ନିଯୁକ୍ତି ଦିଆଯିବ।
ଡିଜିଟାଲ୍ ସେକ୍ଟରରେ କୋଟି କୋଟି ଚାକିରି ସୁଯୋଗକୁ ବିଚାର କରି ଡିଜିଟାଲ୍ ମାର୍କେଟିଂ ପ୍ରୋଗ୍ରାମ୍ ଏବଂ ଗ୍ରାଫିକ୍ ଡିଜାଇନ୍ ପ୍ରୋଗ୍ରାମରେ ଆଡଭାନ୍ସ ସାର୍ଟିଫିକେସନ୍ ଆରମ୍ଭ ହୋଇଛି। ଯାହା ଦ୍ୱାରା ଜଣେ ଭଲ ଦରମା ପ୍ରାପ୍ତ ଚାକିରି କରିପାରିବେ। ତେବେ ଆଜିର ଯୁବକମାନେ ଚାକିରି ଖୋଜିବାବେଳେ ୫ଟି ଭୁଲ୍ କରୁଛନ୍ତି ଯାହା ସେମାନେ କରିବା ଉଚିତ ନୁହେଁ। ଆସନ୍ତୁ ସେସବୁ ଜାଣିବା।
Also Read
ଡିଜିଟାଲ୍କୁ କେବଳ ଗୋଟିଏ ବିକଳ୍ପ ଭାବିବା:
ବର୍ତ୍ତମାନ ସମୟରେ ଲକ୍ଷ ଲକ୍ଷ ଯୁବକ ଭାବନ୍ତି ଯେ କ୍ୟାରିୟର କରିବା ପାଇଁ ଡିଜିଟାଲ୍ କୌଶଳ କେବଳ ଗୋଟିଏ ବିକଳ୍ପ। କିନ୍ତୁ ଏପରି ଯୁବକମାନଙ୍କୁ ସେମାନଙ୍କର ଚିନ୍ତାଧାରା ବଦଳାଇବାକୁ ପଡ଼ିବ। କାରଣ ଆଜି ଡିଜିଟାଲ୍ କୌଶଳ କେବଳ ଗୋଟିଏ ବିକଳ୍ପ ହୋଇ ନାହିଁ। ବରଂ ଏହା ସବୁଠାରୁ ଗୁରୁତ୍ୱପୂର୍ଣ୍ଣ କୌଶଳ ହୋଇପାରିଛି ଯାହା ପ୍ରତ୍ୟେକ ଆଗାମୀ କାମ ପାଇଁ ଉପଯୋଗୀ ହେବ।
ୟୁଟ୍ୟୁବରୁ ଦେଖି ଶିଖିବା:
ଦେଶରେ ଲକ୍ଷ ଲକ୍ଷ ଯୁବକ ଅଛନ୍ତି ଯେଉଁମାନେ ୟୁଟ୍ୟୁବ୍ ଭିଡିଓ କିମ୍ବା କୌଣସି ଆପ୍ ସାହାଯ୍ୟରେ ଡିଜିଟାଲ୍ ମାର୍କେଟିଂ ଶିଖିବାକୁ ଚେଷ୍ଟା କରନ୍ତି। ସେଠାରେ ରେକର୍ଡ ହୋଇଥିବା ଭିଡିଓଗୁଡିକରେ, ସେମାନେ କେବଳ ପୁରୁଣା ପଦ୍ଧତି ଏବଂ ପୁରୁଣା ସଫଳତା ଦେଖନ୍ତି। ଏଥିପାଇଁ ସେମାନେ ନୂଆ ପଦ୍ଧତି, ନୂଆ କୌଶଳ ଏବଂ ନୂଆ ସିଲାବସ୍ ବିଷୟରେ ସୂଚନା ପାଆନ୍ତି ନାହିଁ। ତେଣୁ, ଆପଣଙ୍କର ଡିଜିଟାଲ୍ ଦକ୍ଷତା ତାଲିମ ପାଇଁ ଉତ୍ତମ ଅନୁଷ୍ଠାନ ବାଛନ୍ତୁ।
ଗୋଟିଏ କାମକୁ ଯଥେଷ୍ଟ ଭାବିବା:
ଯଦି ଆପାଣ ପୁରୁଣା ଢାଞ୍ଚାରେ ବିଶ୍ୱାସ କରନ୍ତି ଯେ କେବଳ ଚାକିରି କରି ଜୀବନରେ ଅଗ୍ରଗତି କରିପାରିବ, ତେବେ ଏହି ମାନସିକତାକୁ ପରିବର୍ତ୍ତନ କରିବା ଜରୁରୀ। ବର୍ତ୍ତମାନ ସମୟରେ ଗୋଟିଏ ଚାକିରି କରି ଆପଣ ନିଜ ପରିବାରକୁ ଚଳାଇ ପାରିବେ ନାହିଁ କି ଗୋଟିଏ ଚାକିରି ଉପରେ ନିର୍ଭର କରି ଅଭିବୃଦ୍ଧି ହାସଲ କରିପାରିବେ ନାହିଁ। ତେଣୁ, ଏକାଧିକ ଚାକିରି ଫର୍ମାଟ୍ରେ କାମ କରିବାକୁ ନିଜକୁ ପ୍ରସ୍ତୁତ କରନ୍ତୁ।
ଡିଗ୍ରୀ ଉପରେ ସମ୍ପୂର୍ଣ୍ଣ ନିର୍ଭର କରିବା:
ଆଜିକାଲି ଦ୍ୱାଦଶ ପାଶ୍ କରିଥିବା ଯୁବକମାନେ ୩ ରୁ ୬ ମାସର ସର୍ଟ ଟର୍ମ କୋର୍ସ କରି ଡିଜିଟାଲ୍ ଶିଳ୍ପରେ ପ୍ରବେଶ କରୁଛନ୍ତି। ସେମାନେ ୩ରୁ ୫ ବର୍ଷିୟା ସ୍ନାତକୋତ୍ତର-ମାଷ୍ଟର ଡିଗ୍ରୀକୁ ପସନ୍ଦ କରନ୍ତି ନାହିଁ। ଏପରି ପରିସ୍ଥିତିରେ ଆପଣ ଯଦି ଦ୍ୱାଦଶ ପରେ ୫ ବର୍ଷିୟା କୌଣସି ଡିଗ୍ରୀ କରିବାକୁ ଚାହୁଁଛନ୍ତି ତେବେ ପଛରେ ପଡିଯିବେ। ନିଜର ଦୃଷ୍ଟିକୋଣ ପରିବର୍ତ୍ତନ କରନ୍ତୁ ଏବଂ ଡିଜିଟାଲ୍ ସ୍କିଲ୍ ହାସଲ କରିବା ଦିଗରେ ପଦକ୍ଷେପ ନିଅନ୍ତୁ।
ନିୟମିତ ଚାକିରି ପସନ୍ଦ କରିବା:
ଦେଶରେ ଆର୍ଥିକ ଅସୁରକ୍ଷିତତାକୁ ଏଡାଇବା ପାଇଁ ହଜାର ହଜାର ଯୁବକ ଫ୍ରିଲାନ୍ସ କାମକୁ ଅବହେଳା କରନ୍ତି କିମ୍ବା ଏହାକୁ ପସନ୍ଦ କରନ୍ତି ନାହିଁ। ସେମାନେ ଭାବନ୍ତି ଯେ ରେଗୁଲାର୍ ଚାକିରି ଏକ ସମ୍ମାନଜନକ ବୃତ୍ତି। ତେବେ ବିଶ୍ୱ ବ୍ୟାଙ୍କ ତଥ୍ୟ ଅନୁଯାୟୀ, ୨୦୨୪ ରେ କେବଳ ଫ୍ରିଲାନ୍ସ ଚାକିରି ବୃଦ୍ଧି ହେଉନାହିଁ ବରଂ ସେମାନଙ୍କ ଦରମା ମଧ୍ୟ ବୃଦ୍ଧି ପାଉଛି।
