UPSC CDS Exam (I) 2025 Notification: UPSCରେ ୪୫୭ଟି ପଦବୀ ପୂରଣ ହେବ; ଜାଣନ୍ତୁ କେଉଁମାନେ କରିବେ ଆବେଦନ

ୟୁନିଅନ୍ ପବ୍ଲିକ୍ ସର୍ଭିସ କମିଶନ (UPSC) ଏହାର ଅଫିସିଆଲ୍ ୱେବ’ସାଇଟରେ UPSC CDS (I) ପରୀକ୍ଷା ୨୦୨୫ ପାଇଁ ସରକାରୀ ବିଜ୍ଞପ୍ତି ପ୍ରକାଶ କରିଛି।

ମିଳିତ ପ୍ରତିରକ୍ଷା ସେବା ପରୀକ୍ଷା (I), ୨୦୨୫ ପାଇଁ ଆବେଦନ କରିବାକୁ ଚାହୁଁଥିବା ପ୍ରାର୍ଥୀମାନେ UPSC ର ଅଫିସିଆଲ୍ ୱେବସାଇଟ୍ upsc.gov.in କୁ ଯାଇ ଆବେଦନ କରିପାରିବେ।

ଗୁରୁତ୍ୱପୂର୍ଣ୍ଣ ତାରିଖ:

• ସରକାରୀ ବିଜ୍ଞପ୍ତି ଅନୁଯାୟୀ, ମିଳିତ ପ୍ରତିରକ୍ଷା ସେବା ପରୀକ୍ଷା (I), ୨୦୨୫ ପାଇଁ ଅନ୍‌ଲାଇନ୍ ଆବେଦନ ଦାଖଲ କରିବାର ଶେଷ ତାରିଖ ହେଉଛି ୩୧ ଡିସେମ୍ବର ୨୦୨୪।
• ପଞ୍ଜୀକରଣରେ ସଂଶୋଧନ ପାଇଁ ଶେଷ ତାରିଖ ୭ ଜାନୁୟାରୀ ୨୦୨୫
• ପ୍ରାର୍ଥୀମାନେ ୦୧ ଜାନୁଆରୀ ୨୦୨୫ ରୁ ୦୭ ଜାନୁୟାରୀ ୨୦୨୫ ପର୍ଯ୍ୟନ୍ତ ଆବେଦନ ଫର୍ମରେ ସଂଶୋଧନ କରିପାରିବେ।
• ୧୩ ଏପ୍ରିଲ ୨୦୨୫ରେ ପରୀକ୍ଷା ହେବ

କେମିତି ପାଇବେ ଆଡମିଟ୍ କାର୍ଡ:

ଯୋଗ୍ୟ ପ୍ରାର୍ଥୀଙ୍କୁ ପରୀକ୍ଷା ତାରିଖ ପୂର୍ବରୁ ସପ୍ତାହର ଶେଷ କାର୍ଯ୍ୟ ଦିବସରେ ଇ-ଆଡମିଟ୍ କାର୍ଡ ପ୍ରଦାନ କରାଯିବ। UPSC ୱେବସାଇଟ୍ (http://upsc.gov.in) ରେ ପ୍ରାର୍ଥୀମାନଙ୍କ ଦ୍ୱାରା ଡାଉନ୍‌ଲୋଡ୍ ପାଇଁ ଇ-ଆଡମିଟ୍ କାର୍ଡ ଉପଲବ୍ଧ ହେବ। ସରକାରୀ ବିଜ୍ଞପ୍ତିରେ କୁହାଯାଇଛି ଯେ କୌଣସି ଇ-ଆଡମିଟ୍ କାର୍ଡ ଡାକ ଦ୍ୱାରା ପଠାଯିବ ନାହିଁ।

ପ୍ରାର୍ଥୀମାନେ ଧ୍ୟାନ ଦେବା ଉଚିତ୍ ଯେ ଭୁଲ ଉତ୍ତର ପାଇଁ ନକରାତ୍ମକ ମାର୍କିଂ ହେବ।

ଖାଲି ପଦବୀ:

• ନିଯୁକ୍ତି ପ୍ରକ୍ରିୟା ମାଧ୍ୟମରେ ସଂଗଠନରେ ସମୁଦାୟ ୪୫୭ଟି ପଦବୀ ପୂରଣ କରାଯିବ।
• ଇଣ୍ଡିଆନ୍ ମିଲିଟାରୀ, ଏକାଡେମୀ: ଜାନୁୟାରୀ ୨୦୨୬ରୁ ଆରମ୍ଭ ହେବାକୁ ଥିବା ୧୬୦ତମ (DE) ପାଠ୍ୟକ୍ରମ – ୧୦୦ ପୋଷ୍ଟ୍‌
• ଇଣ୍ଡିଆନ୍ ନାଭାଲ୍ ଏକାଡେମୀ, ଏଝିମାଲା; ଜାନୁଆରୀ, ୨୦୨୬ରୁ ଆରମ୍ଭ ହେବାକୁ ଥିବା ପାଠ୍ୟକ୍ରମ କାର୍ଯ୍ୟନିର୍ବାହୀ ଶାଖା – ୩୨ ପୋଷ୍ଟ୍‌
• ବାୟୁସେନା ଏକାଡେମୀ, ହାଇଦ୍ରାବାଦ; ଜାନୁଆରୀ, ୨୦୨୬ରୁ ଆରମ୍ଭ ହେବାକୁ ଥିବା (ପ୍ରି-ଫ୍ଲାଇଙ୍ଗ୍) ଟ୍ରେନିଂ ପାଠ୍ୟକ୍ରମ – ୩୨ ପୋଷ୍ଟ
• ଅଫିସର୍ ଟ୍ରେନିଂ ଏକାଡେମୀ, ଚେନ୍ନାଇ (ମାଡ୍ରାସ): ଏପ୍ରିଲ୍, ୨୦୨୬ରୁ ଆରମ୍ଭ ହେବାକୁ ଥିବା ୧୨୩ ତମ SSC (ପୁରୁଷ) (NT) (UPSC) ପାଠ୍ୟକ୍ରମ – ୨୭୫ ପୋଷ୍ଟ୍‌
• ଅଫିସର୍ ଟ୍ରେନିଂ ଏକାଡେମୀ, ଚେନ୍ନାଇ (ମାଡ୍ରାସ): ଏପ୍ରିଲ୍, ୨୦୨୬ରୁ ଆରମ୍ଭ ହେବାକୁ ଥିବା ୩୭ ତମ SSC ମହିଳା (NT) (UPSC) ପାଠ୍ୟକ୍ରମ – ୧୮ ପୋଷ୍ଟ୍‌

ଯୋଗ୍ୟତା:

• ଆର୍ମି ପଦ ପାଇଁ ଆବେଦନ କରିବାକୁ ହେଲେ ପ୍ରାର୍ଥୀମାନେ ନିଶ୍ଚିତ ଭାବରେ ଏକ ସ୍ୱୀକୃତିପ୍ରାପ୍ତ ବୋର୍ଡରୁ ଦ୍ୱାଦଶ ପାସ୍ କରିଥିଲେ।
• ନୈସେନା, ବାୟୁସେନା ଏବଂ ନାଭାଲ୍ ଏକାଡେମୀ (NA) ରେ ୧୦ + ୨ କ୍ୟାଡେଟ୍ ପ୍ରବେଶ ପାଇଁ ପ୍ରାର୍ଥୀମାନେ ପଦାର୍ଥ ବିଜ୍ଞାନ ଏବଂ ଗଣିତ ସହିତ ୧୦ + ୨ କରିଥିବା ଉଚିତ।

ବୟସ ସୀମା:

• ସର୍ବନିମ୍ନ ବୟସ – ୨୦ ବର୍ଷ
• ସର୍ବାଧିକ ବୟସ – ୨୪ ବର୍ଷ

ଆବେଦନ ଶୁଳ୍କ:

• SC/ST/ମହିଳା – ଦେୟମୁକ୍ତ
• ଅନ୍ୟମାନେ – ୨୦୦ ଟଙ୍କା

କିପରି କରିବେ ଆବେଦନ:

• UPSC ର ଅଫିସିଆଲ୍ ୱେବସାଇଟ୍ upsconline.nic.in କୁ ଯାଆନ୍ତୁ
• ଏହା ପରେ UPSC NDA & NA, CDS I Exam 2025 Registration ଲିଙ୍କ୍‌ରେ କ୍ଲିକ୍ କରନ୍ତୁ
• ବର୍ତ୍ତମାନ ପଞ୍ଜୀକରଣ ପ୍ରକ୍ରିୟା ସମାପ୍ତ କରିବା ପରେ, ଫର୍ମରେ ଆବଶ୍ୟକ ବିବରଣୀ ପୂରଣ କରନ୍ତୁ
• ଆବଶ୍ୟକ ଡକ୍ୟୁମେଣ୍ଟ୍ ଅପଲୋଡ୍ କରନ୍ତୁ
• ଆବେଦନ ଶୁଳ୍କ ଦାଖଲ କରିବା ପରେ, ଫର୍ମର ଏକ ପ୍ରିଣ୍ଟଆଉଟ୍ ବାହାର କରି ଭବିଷ୍ୟତ ପାଇଁ ସୁରକ୍ଷିତ ରଖନ୍ତୁ