LIVE TV
ଓଡ଼ିଶା ଷ୍ଟାଫ୍ ସିଲେକ୍ସନ୍ କମିଶନ (ଓଏସ୍ଏସ୍ସି) ରାଜ୍ୟ ପରିବହନ ପ୍ରାଧିକରଣ (STA) ଅଧୀନରେ ପ୍ରାରମ୍ଭିକ ନିଯୁକ୍ତିଦାତା ଭାବେ ସବ୍-ଇନ୍ସପେକ୍ଟର (ଟ୍ରାଫିକ୍) ପଦବୀରେ ନିଯୁକ୍ତି ପାଇଁ ପ୍ରାର୍ଥୀ ଚୟନ ପାଇଁ ଏକ ବିଜ୍ଞାପନ ପ୍ରକାଶ କରିଛି।
ଅନ୍ଲାଇନ୍ ପଞ୍ଜୀକରଣ, ପରୀକ୍ଷା ଫି ଦେୟ ଏବଂ ସବ୍ ଇନ୍ସପେକ୍ଟର (ଟ୍ରାଫିକ୍) ର ନଅଟି ପଦବୀ ପୂରଣ ପାଇଁ ଆବେଦନ ଦାଖଲ ଆଜିଠାରୁ ଆରମ୍ଭ ହୋଇଛି। ଅନ୍ଲାଇନ୍ ଆବେଦନ ଦାଖଲ କରିବାର ଶେଷ ତାରିଖ ୨୦୨୨ ଏପ୍ରିଲ୍ ୨୦ ରହିଛି।
Also Read
ସର୍ବନିମ୍ନ ଶିକ୍ଷାଗତ ଯୋଗ୍ୟତା:
କୌଣସି ସ୍ୱୀକୃତିପ୍ରାପ୍ତ ବିଶ୍ୱବିଦ୍ୟାଳୟ କିମ୍ବା ପ୍ରତିଷ୍ଠାନରୁ ସ୍ନାତକ ଡିଗ୍ରୀ ହାସଲ ସହିତ ଓଡିଆ ଭାଷା ରଖି ମାଧ୍ୟମିକ ବିଦ୍ୟାଳୟ ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବେ କିମ୍ବା HSC ପରୀକ୍ଷାରେ କିମ୍ବା ମାଧ୍ୟମିକ ପରୀକ୍ଷା ଭାବରେ ଓଡିଆ ଭାଷା ରଖି ଉତ୍ତୀର୍ଣ୍ଣ ହୋଇଥିବେ।
ବୟସ:
୦୧-୦୧-୨୦୨୧ ସୁଦ୍ଧା ସର୍ବନିମ୍ନ ବୟସ ୨୧ ବର୍ଷ ଏବଂ ସର୍ବାଧିକ ବୟସ ୩୮ ହୋଇଥିବ।
ଦରମା:
ନିଯୁକ୍ତିର ପ୍ରାରମ୍ଭରେ ପ୍ରଥମ ବର୍ଷରେ ମାସିକ ଦରମା ୨୫,୩୦୦ ଥିବାବେଳେ ଓଡ଼ିଶା ସରକାରଙ୍କ ନିଷ୍ପତ୍ତି ଅନୁଯାୟୀ ଏହି ଦରମା ସଂଶୋଧିତ ହେବ।
କିପରି ଆବେଦନ କରିବେ:
ଆଶାୟୀମାନଙ୍କୁ ଆୟୋଗର ଅଫିସିଆଲ୍ ୱେବସାଇଟ୍ www.ossc.gov.in ବ୍ୟବହାର କରି ଅନ୍ଲାଇନ୍ରେ ଆବେଦନ କରିବାକୁ ପଡିବ।
ପରୀକ୍ଷା ଦେୟ:
ଏସସି / ଏସଟି ବର୍ଗ ବ୍ୟତୀତ ଅନ୍ୟ ପ୍ରାର୍ଥୀଙ୍କୁ ୨୦୦ ଟଙ୍କା ଦେବାକୁ ପଡିବ। ଅନ୍ଲାଇନ୍ ଆବେଦନ ଫର୍ମ ସହିତ ଲିଙ୍କ୍ ହୋଇଥିବା ଇଣ୍ଟର୍ନେଟ୍ ବ୍ୟାଙ୍କିଙ୍ଗ୍ / ଡେବିଟ୍ କାର୍ଡ / କ୍ରେଡିଟ୍ କାର୍ଡ / ୟୁପିଆଇ / ଅନ୍ୟାନ୍ୟ ଉପଲବ୍ଧ ପେମେଣ୍ଟ ପଦ୍ଧତି ବ୍ୟବହାର କରି ଏହି ଫି’ କେବଳ ଅନ୍ଲାଇନ୍ ମୋଡ୍ରେ ଜମା କରାଯାଇପାରିବ।
ଚୟନ ପ୍ରକ୍ରିୟା:
ପ୍ରଥମ ପର୍ଯ୍ୟାୟ - ଲିଖିତ ପରୀକ୍ଷା
ଦ୍ୱିତୀୟ ପର୍ଯ୍ୟାୟ - ଫିଜିକାଲ୍ ଷ୍ଟାଣ୍ଡାର୍ଡ ମେଜରମେଣ୍ଟ୍ ଏବଂ ଫିଜିକାଲ୍ ଟେଷ୍ଟ୍
ତୃତୀୟ ପର୍ଯ୍ୟାୟ - ସାର୍ଟିଫିକେଟ୍ ଯାଞ୍ଚ୍ ଏବଂ ଭାଇଭା ଭୋସ୍ ଟେଷ୍ଟ୍
