ONGCରେ ଖାଲିପଡିଛି ବହୁ ପଦବୀ, ତୁରନ୍ତୁ କରନ୍ତୁ ଆବେଦନ

ଅଏଲ ଆଣ୍ଡ ନ୍ୟାଚୁରାଲ ଗ୍ୟାସ୍‌ କର୍ପୋରେସନ ଲିମିଟେଡ(ONGC)ରେ ଖାଲିପଡିଛି ଜୁନିଅର କନସଲଟାଣ୍ଟ ଏବଂ ଆସୋସିଏଟ୍‌ କନସଲଟାଣ୍ଟ ପଦବୀ । ଇଚ୍ଛୁକ ଏବଂ ଯୋଗ୍ୟ ପ୍ରାର୍ଥୀ ଓଏନଜିସିର ଅଫିସିଆଲ ୱେବସାଇଟକୁ ଯାଇ ଅନଲାଇନ ଆବେଦନ କରିପାରିବେ। ଏହି ପଦବୀରେ ଆବେଦନ କରିବା ପାଇଁ ଶେଷ ତାରିଖ ୩୦ ମାର୍ଚ୍ଚ ୨୦୨୨ ରହିଛି।

(ONGC)ରେ ମୋଟ୍ ୩୬ଟି ପଦବୀ ପାଇଁ ବିଜ୍ଞପ୍ତି ପ୍ରକାଶ ପାଇଛି । ଜୁନିଅର କନସଲଟାଣ୍ଟ ପାଇଁ ୧୪ଟି ପଦବୀ । ଆସୋସିଏଟ୍‌ କନସଲଟାଣ୍ଟ ପାଇଁ ୨୨ଟି ପଦବୀ ରହିଛି । ଆବେଦନ କରିବାର ଶେଷ ତାରିଖ ୩୦ ମାର୍ଚ୍ଚ ୨୦୨୨ ରହିଛି।

ମାସିକ ଦରମା ଓ ବୟସ ସୀମା:

ଆସୋସିଏଟ କନସଲଣ୍ଟାଣ୍ଟ ପଦବୀ ପାଇଁ ମାସିକ ୬୬ ହଜାର ଟଙ୍କା ଏବଂ ଜୁନିଅର କନସଲଣ୍ଟାଣ୍ଟ ପଦବୀ ପାଇଁ ମାସିକ ୪୦ ହଜାର ଟଙ୍କା ମିଳିବ। ପ୍ରାର୍ଥୀଙ୍କ ବୟସ ୬୫ ବର୍ଷରୁ ଅଧିକ ହୋଇନଥିବ।

ଆବେଦନ ଶୁଳ୍କ:

ସାଧରଣ ବର୍ଗ/ EWC/OBC ପ୍ରାର୍ଥୀ ୩୦୦ ଟଙ୍କା ଏବଂ ଅନୁସୂଚିତ ଜାତି/ଜନଜାତି/PWD ଶ୍ରେଣୀର ପ୍ରାର୍ଥୀଙ୍କୁ କୌଣସି ଆବେଦନ ଶୁଳ୍କ ଦେବାକୁ ପଡିବ ନାହିଁ।

କିପରି କରିବେ ଆବେଦନ:

• ପ୍ରଥମେ ଅଧିକାରକ ୱେବସାଇଟ ongcindia.comକୁ ଯାଆନ୍ତୁ।
• ଏହାପରେ Recruitment Notices ଉପରେ କ୍ଲିକ କରନ୍ତୁ।
• ଏହାପରେ Apply Online ଉପରେ କ୍ଲିକ କରନ୍ତୁ।
• ଏହାପରେ ଯେଉଁ ଦସ୍ତାବିଜ ପୂରଣ କରିବା ପାଇଁ ରେଜିଷ୍ଟ୍ରେସନ ପ୍ରକ୍ରିୟା ପୂରଣ କରନ୍ତୁ।
• ରେଜିଷ୍ଟ୍ରେସନ ପରେ ଆପ୍ଲିକେସନ ଫର୍ମ ପୂରଣ କରିବେ।

ଚୟନ ପ୍ରକ୍ରିୟା:

ଜାରି ହୋଇଥିବା ନୋଟିଫିକେସନ ମୁତାବକ, ଚୟନ ଲିଖିତ ପରୀକ୍ଷା ଏବଂ ଇଣ୍ଟରଭ୍ୟୁ ଆଧାରରେ କରାଯିବ। ପଠାଯାଇଥିବା ଆବେଦନ ପତ୍ର ସର୍ଟଲିଷ୍ଟ ହେବା ପରେ ଲିଖିତ ପରୀକ୍ଷା ଏବଂ ସାକ୍ଷାତକାର ତାରିଖ, ସ୍ଥାନ ଏବଂ ରିପୋର୍ଟିଂ ସମୟ ସୂଚନା ଇମେଲ ମାଧ୍ୟମରେ ଦିଆଯିବ।