ଘୁଞ୍ଚିଲା KVS ର PGT, TGT ନିଯୁକ୍ତି ନେଇ ଆବେଦନ ତାରିଖ

କେନ୍ଦ୍ରୀୟ ବିଦ୍ୟାଳୟ(KVS)ରେ PGT, TGT ର ବମ୍ପର ନିଯୁକ୍ତି ପାଇଁ ଯେଉଁମାନେ ଆବେଦନ କରିପାରି ନାହାନ୍ତି ସେମାନଙ୍କ ପାଇଁ ଖୁସି ଖବର। ଏବେ ପ୍ରିନ୍ସିପାଲ୍, ଟ୍ରେନିଂ ଗ୍ରାଜୁଏଟ୍ ଶିକ୍ଷକ (ଟିଜିଟି), ପୋଷ୍ଟ ଗ୍ରାଜୁଏଟ୍ ଟ୍ରେନିଂ ଶିକ୍ଷକ (ପିଜିଟି), ଲାଇବ୍ରେରିଆନ୍ ଏବଂ ଅନ୍ୟାନ୍ୟ ପଦବୀ ପାଇଁ ଆବେଦନ କରିବାର ସମୟସୀମା ବୃଦ୍ଧି କରିଛି KVS । ଯୋଗ୍ୟ ଏବଂ ଆଗ୍ରହୀ ପ୍ରାର୍ଥୀମାନେ ବର୍ତ୍ତମାନ ଜାନୁୟାରୀ ୨, ୨୦୨୩ ପର୍ଯ୍ୟନ୍ତ ଏହି ଆବେଦନ କରିପାରିବେ।

ଅନଲାଇନ୍‌ରେ ଆବେଦନ କରିବାକୁ ପ୍ରାର୍ଥୀଙ୍କୁ KVର ଅଫିସିଆଲ୍ ୱେବସାଇଟ୍ kvsangathan.nic.in କୁ ଯିବାକୁ ପଡିବ। KV ନିଯୁକ୍ତି 2022 ପାଇଁ ଆବେଦନ ଫର୍ମଗୁଡିକ ଡିସେମ୍ବର ୫ରୁ ପୂରଣ ହେଉଛି। ପୂର୍ବ ବିଜ୍ଞପ୍ତି ଅନୁସାରେ ଏହି ନିଯୁକ୍ତି ପାଇଁ ଆବେଦନ କରିବାର ଶେଷ ତାରିଖ ଡିସେମ୍ବର ୨୬ ଥିଲା। ବର୍ତ୍ତମାନା ଏହାକୁ ଜାନୁୟାରୀ ୨କୁ ବୃଦ୍ଧି କରାଯାଇଛି। ତେବେ ଏହି ନିଯୁକ୍ତି ବୟସ, ଯୋଗ୍ୟତା, ଅଭିଜ୍ଞତା ଇତ୍ୟାଦି ସମ୍ବନ୍ଧୀୟ ଅନ୍ୟାନ୍ୟ ସର୍ତ୍ତାବଳୀ ପୂର୍ବ ବିଜ୍ଞପ୍ତି ଅନୁସାରେ ସମାନ ରହିବ।

ଅଧିକ ପଢ଼ନ୍ତୁ:ନୂଆବର୍ଷରେ ବଡ ସୁଯୋଗ: ସେଣ୍ଟ୍ରାଲ୍ ସିଲ୍କ ବୋର୍ଡରେ ଚାକିରି

ତେବେ ଏଯାଏ ଏହାର ନିଯୁକ୍ତି ପରୀକ୍ଷା ତାରିଖ ଘୋଷଣା କରାଯାଇ ନାହିଁ। KVS ର ଏହି ନିଯୁକ୍ତି ପାଇଁ ସାଧାରଣ ବର୍ଗ, OBC ଏବଂ EWS ବର୍ଗ ପ୍ରାର୍ଥୀଙ୍କୁ ୧୦୦୦ ଟଙ୍କା ପଞ୍ଜୀକରଣ ଶୁଳ୍କ ଦେବାକୁ ପଡିବ। ପ୍ରାର୍ଥୀମାନେ ଅନଲାଇନ୍ ମୋଡ୍‌ରେ ପଞ୍ଜୀକରଣ ଫି ଦେବେ। ଅନ୍ୟପକ୍ଷରେ, ଏସ୍‌ସି, ଏସ୍‌ଟି ଏବଂ ପିଡବ୍ଲ୍ୟୁଡି ବର୍ଗର ପ୍ରାର୍ଥୀଙ୍କୁ କୌଣସି ପଞ୍ଜୀକରଣ ଶୁଳ୍କ ଦେବାକୁ ପଡିବ ନାହିଁ।

ଖାଲି ଥିବା ପଦବୀ:

• ପ୍ରାଥମିକ ଶିକ୍ଷକ: ୬୪୧୪
• ସହାୟକ କମିଶନର: ୫୨
• ଆଚ୍ଚାର୍ଯ୍ୟ: ୨୩୯
• ଉପାଧ୍ୟକ୍ଷ: ୨୦୩
• ସ୍ନାତକୋତ୍ତର ଶିକ୍ଷକ: ୧୪୦୯
• ତାଲିମପ୍ରାପ୍ତ ସ୍ନାତକ ଶିକ୍ଷକ: ୩୧୭୬
• ଲାଇବ୍ରେରିଆନ୍: ୩୫୫
• ପ୍ରାଥମିକ ଶିକ୍ଷକ (ସଙ୍ଗୀତ): ୩୦୩
• ଫାଇନାନ୍ସ ଅଫିସର୍: ୬
• ଆସିସ୍‌ଷ୍ଟାଣ୍ଟ୍ ଯନ୍ତ୍ରୀ (ସିଭିଲ୍): ୨
• ଆସିସ୍‌ଷ୍ଟାଣ୍ଟ୍ ସେକ୍ସନ୍ ଅଫିସର: ୧୫୬
• ହିନ୍ଦୀ ଅନୁବାଦକ: ୧୧
• ସିନିୟର୍ ସେକ୍ରେଟାରିଏଟ୍ ଆସିଷ୍ଟାଣ୍ଟ: ୩୨୨
• ଜୁନିଅର ସେକ୍ରେଟାରିଏଟ୍ ଆସିଷ୍ଟାଣ୍ଟ: ୭୦୨
• ଷ୍ଟେନୋଗ୍ରାଫର୍ (ଗ୍ରେଡ୍ ୨): ୫୪

ଚୟନ ପ୍ରକ୍ରିୟା:

• ଏକ ଲିଖିତ ପରୀକ୍ଷା (ଏହି ପରୀକ୍ଷା କମ୍ପ୍ୟୁଟର ଆଧାରିତ ମୋଡ୍‌ରେ ହେବ)
• ଦକ୍ଷତା ପରୀକ୍ଷା
• ସାକ୍ଷାତକାର ରାଉଣ୍ଡ
• ଡକ୍ୟୁମେଣ୍ଟ ଯାଞ୍ଚ
• ଡାକ୍ତରୀ ପରୀକ୍ଷା

ପ୍ରାର୍ଥୀମାନେ କେଭିଏସ୍ ପରୀକ୍ଷାରେ ଯୋଗଦେବା ପାଇଁ କେନ୍ଦ୍ରୀୟ ଶିକ୍ଷକ ଯୋଗ୍ୟତା ପରୀକ୍ଷା (CTET) ପରୀକ୍ଷାରେ ଯୋଗ୍ୟତା ହାସଲ କରିବାକୁ ପଡିବ।

କିପରି କରିବେ ଆବେଦନ:

• ଆଗ୍ରହୀ ଏବଂ ଯୋଗ୍ୟ ପ୍ରାର୍ଥୀମାନେ KVS ର ଅଫିସିଆଲ୍ ୱେବସାଇଟ୍ kvsangathan.nic.in କୁ ଯାଆନ୍ତୁ
• ହୋମ୍‌ପେଜ୍‌ରେ Recruitment ଉପରେ କ୍ଲିକ୍ କରନ୍ତୁ
• 'LDCE ପରୀକ୍ଷା' ଚୟନ କରନ୍ତୁ
• ଯେଉଁ ପଦବୀ ପାଇଁ ଆବେଦନ କରିବାକୁ ଚାହୁଁଛନ୍ତି ତାହାକୁ ଚୟନ କରନ୍ତୁ
• ଅନଲାଇନ୍ ଫର୍ମ ପୂରଣ କରନ୍ତୁ
• ଆବଶ୍ୟକ ଡକ୍ୟୁମେଣ୍ଟ୍ ଅପଲୋଡ୍ କରନ୍ତୁ
• ଆବେଦନ ଶୁଳ୍କ ପୈଠ କରନ୍ତୁ
• ଶେଷରେ Submit ଉପରେ କ୍ଲିକ୍ କରନ୍ତୁ