ISRO ରେ ବୈଜ୍ଞାନିକ-‍ଇଂଜିନିୟର ହେବାକୁ ଚାହୁଁଛନ୍ତି କି; ଆପଣଙ୍କ ପାଇଁ ଏହି ଖବର...

ISRO ବିକ୍ରମ ସାରାଭାଇ ସ୍ପେସ୍ ସେଣ୍ଟର (VSSC) ବୈଜ୍ଞାନିକ / ଇଂଜିନିୟର-ଏସ୍‌ଡି(SD) ଏବଂ ବୈଜ୍ଞାନିକ / ଇଂଜିନିୟର- ଏସସି(SC) ପଦ ପାଇଁ ବିଜ୍ଞପ୍ତି ଜାରି କରିଛି। ଆବେଦନ ପ୍ରକ୍ରିୟା ଚାଲିଛି ଏବଂ ଆବେଦନ ଫର୍ମ ଦାଖଲ କରିବାର ଶେଷ ତାରିଖ ହେଉଛି ୨୧ ଜୁଲାଇ। ଆଗ୍ରହୀ ପ୍ରାର୍ଥୀମାନେ ଅଫିସିଆଲ୍ ୱେବସାଇଟ୍ www.vssc.gov.in ମାଧ୍ୟମରେ ଅନ୍‌ଲାଇନ୍‌ରେ ଆବେଦନ କରିପାରିବେ।

ଖାଲି ପଦବୀ:

ଏହି ନିଯୁକ୍ତି ପ୍ରକ୍ରିୟା ମାଧ୍ୟମରେ ବୈଜ୍ଞାନିକ / ଇଂଜିନିୟର-ଏସ୍‌ଡି ଏବଂ ବୈଜ୍ଞାନିକ / ଇଂଜିନିୟର-ଏସସି ପଦଗୁଡ଼ିକ ପାଇଁ ମୋଟ୍ ୬୧ଟି ପଦବୀ ପୂରଣ ହେବ।

ଆବେଦନ ଶୁଳ୍କ:

• ଆବେଦନ ଶୁଳ୍କ ଭାବେ ସମସ୍ତ ପ୍ରାର୍ଥୀଙ୍କୁ ୭୫୦ ଟଙ୍କା ଦେବାକୁ ହେବ
• ଲିଖିତ ପରୀକ୍ଷାରେ ପହଞ୍ଚିବା ପରେ ମହିଳା, ଏସ୍‌ସି, ଏସ୍‌ଟି, ପୂର୍ବତନ ଚାକିରିଆ ଏବଂ ବେଞ୍ଚମାର୍କ ଭିନ୍ନକ୍ଷମ (PWBD) ବ୍ୟକ୍ତିଙ୍କୁ ପୂରା ଆବେଦନ ଶୁଳ୍କ ଫେରସ୍ତ କରାଯିବ।

କିପରି କରିବେ ଆବେଦନ:

• ଅଫିସିଆଲ୍ ୱେବସାଇଟ୍ www.vssc.gov.in କୁ ଯାଆନ୍ତୁ
• ହୋମ୍‌ପେଜ୍‌ରେ ଥିବା career ଟ୍ୟାବ୍ ଉପରେ କ୍ଲିକ୍ କରନ୍ତୁ
• ତା’ପରେ, “VSSC Recruitment Advertisement No: RMT327” ଉପରେ କ୍ଲିକ୍ କରନ୍ତୁ।
• ସ୍କ୍ରିନ୍‌ରେ ଏକ ନୂତନ ପେଜ୍ ଖୋଲିବ
• ଆବେଦନ ଫର୍ମ ପୂରଣ କରନ୍ତୁ
• ସମସ୍ତ ଆବଶ୍ୟକୀୟ ଡକ୍ୟୁମେଣ୍ଟ୍ ଅପଲୋଡ୍ କରନ୍ତୁ
• ଆବେଦନ ଶୁଳ୍କ ପ୍ରଦାନ କରନ୍ତୁ
• ଫର୍ମ Submit କରନ୍ତୁ ଏବଂ ଭବିଷ୍ୟତର ସନ୍ଦର୍ଭ ପାଇଁ ଏକ ପ୍ରିଣ୍ଟ ଆଉଟ୍ କାଢନ୍ତୁ

ଆବେଦନ କରିବା ପାଇଁ ଏଠାରେ କ୍ଲିକ୍ କରନ୍ତୁ