Career Tips: UPSC ପରୀକ୍ଷା ଫର୍ମ ପୂରଣ କରୁଛନ୍ତି କି… କରନ୍ତୁ ନାହିଁ ଏହି ଭୁଲ୍, ନଚେତ ପରୀକ୍ଷାରୁ ହେବେ ବଞ୍ଚିତ

୨୦୨୪ ମସିହାରେ UPSC ସିଭିଲ୍‌ ସର୍ଭିସେସ୍ ପରୀକ୍ଷା ଦେବାକୁ ଚାହୁଁଥିବା ପ୍ରାର୍ଥୀମାନଙ୍କ ପାଇଁ ପଞ୍ଜୀକରଣ ଲିଙ୍କ୍ ସକ୍ରିୟ କରାଯାଇଛି। UPSC Prelims 2024 ପରୀକ୍ଷା ଫର୍ମ ଅଫିସିଆଲ୍ ୱେବ୍‌ସାଇଟ୍ upsc.gov.in କିମ୍ବା upsconline.nic.in ରୁ ଡାଉନଲୋଡ୍ ହୋଇପାରିବ।

UPSC Prelims ପରୀକ୍ଷା ୨୬ ମେ ୨୦୨୪ରେ ଅନୁଷ୍ଠିତ ହେବ। ଆଇଏଏସ୍, ଆଇପିଏସ୍ ଭଳି ପଦବୀରେ ସରକାରୀ ଚାକିରି ପାଇବାକୁ ପ୍ରାର୍ଥୀଙ୍କୁ UPSC ପରୀକ୍ଷାରେ ଉତ୍ତୀର୍ଣ୍ଣ ହେବାକୁ ପଡିବ, ଯାହା ଦେଶର ସବୁଠାରୁ କଠିନ ପରୀକ୍ଷା ଅଟେ।

ତେବେ UPSC ର ସରକାରୀ ପରୀକ୍ଷା ପାଇଁ ଫର୍ମ ପୂରଣ କରିବା ସହଜ ନୁହେଁ। ଏପରିକି ଏଥିରେ ଏକ ଛୋଟ ଭୁଲ ମଧ୍ୟ ଆପଣଙ୍କୁ ପରୀକ୍ଷାରେ ଉପସ୍ଥିତ ହେବାକୁ ବାରଣ କରିପାରିବ। ୟୁପିଏସ୍‌ସି ପରୀକ୍ଷା ଫର୍ମ ପୂରଣ କରିବାବେଳେ, କେନ୍ଦ୍ର ଲୋକ ସେବା ଆୟୋଗ ଦ୍ୱାରା ଜାରି କରାଯାଇଥିବା ନିର୍ଦ୍ଦେଶାବଳୀକୁ ଭଲଭାବେ ପଢିବା ଉଚିତ।

Also Read

ICG Recruitment: ଇଣ୍ଡିଆନ୍ କୋଷ୍ଟଗାର୍ଡରେ ଖାଲିପଡ଼ିଛି ୭୦ ପଦବୀ..ତୁରନ୍ତ କରନ୍ତୁ ଆବେଦନ..

Read More

NIA Recruitment: NIA ଏକ ନିଯୁକ୍ତି ବିଜ୍ଞପ୍ତି ପ୍ରକାଶ କରିଛି; ପୂରଣ ହେବ ଷ୍ଟେନୋଗ୍ରାଫର ସହ ଅନେକ ପୋଷ୍ଟ୍

Read More

RRB Recruitment: ରେଳବାଇରେ ଭର୍ତ୍ତିହେବେ ୯୦୦୦ ପ୍ରାର୍ଥୀ; ଅଧିକ ଜାଣିବା ପାଇଁ ଦେଖନ୍ତୁ

Read More

ପ୍ରତିବର୍ଷ ଲକ୍ଷ ଲକ୍ଷ ଯୁବକ UPSC ପରୀକ୍ଷା ପାଇଁ ଆବେଦନ କରନ୍ତି କିନ୍ତୁ ପରୀକ୍ଷା ପୂର୍ବରୁ ମଧ୍ୟ ସେମାନଙ୍କ ମଧ୍ୟରୁ ଅନେକଙ୍କ ଫର୍ମ ପ୍ରତ୍ୟାଖ୍ୟାନ କରାଯାଇଥାଏ। ଏନେଇ UPSC ପରୀକ୍ଷା ଫର୍ମ ୨୦୨୪ରେ କିପରି ଫଟୋ ରଖିବେ ଜାଣନ୍ତୁ।

• ୟୁନିୟନ ପବ୍ଲିକ୍ ସର୍ଭିସ କମିଶନ ପରୀକ୍ଷା ଫର୍ମ ପୂରଣ ସହିତ ଜଡିତ କିଛି ନିର୍ଦ୍ଦେଶାବଳୀ ଅଂଶୀଦାର କରିଛି। ପ୍ରତ୍ୟେକ ପ୍ରାର୍ଥୀଙ୍କୁ ବାଧ୍ୟତାମୂଳକ ଭାବେ ଏହାକୁ ଅନୁସରଣ କରିବାକୁ ପଡ଼ିବ। UPSC ପରୀକ୍ଷା ଫର୍ମ ପୂରଣ କରିବା ପୂର୍ବରୁ, ଫଟୋ ସମ୍ବନ୍ଧୀୟ ବିଶେଷ ନିୟମ ଜାଣନ୍ତୁ।
• UPSC CSE ବିଜ୍ଞପ୍ତି ୨୦୨୪ ଅନୁଯାୟୀ, ଆପଣ Prelims ଫର୍ମରେ ଯେଉଁ ଫଟୋ ଅପଲୋଡ୍ କରୁଛନ୍ତି ତାହା ଯେପରି ଅନ୍‌ଲାଇନ୍ ଆବେଦନ ପ୍ରକ୍ରିୟା ଆରମ୍ଭ ହେବାର ୧୦ ଦିନ ପୂର୍ବରୁ ଅଧିକ ପୁରୁଣା ହୋଇ ନଥିବ।
• UPSC ୨୦୨୪ ଫର୍ମରେ ଆପଣ ଯେଉଁ ଫଟୋ ଅପ୍‌ଲୋଡ୍ କରୁଛନ୍ତ ସେଥିରେ ଆପଣଙ୍କ ନା’ ଏବଂ ଏହାକୁ ଉଠାଇବାର ତାରିଖ ଲେଖିବା ଜରୁରୀ।
• ଏକ ଫଟୋ ଉଠାଇବା କିମ୍ବା କ୍ରପ୍ କରିବାବେଳେ, ମନେରଖନ୍ତୁ ଯେ ସମଗ୍ର ଫଟୋର ତିନି ଚତୁର୍ଥାଂଶରେ ଆପଣଙ୍କ ଚେହେରା ଦେଖାଯିବା ଉଚିତ।
• ଫଟୋ ସହିତ ଆପଣଙ୍କର ଦସ୍ତଖତ ଏବଂ ଫଟୋ JPG ଫର୍ମାଟ୍‌ରେ ହେବା ଉଚିତ। ଆହୁରି ମଧ୍ୟ, ଏହାର ଆକାର 20kb ରୁ 300kb ମଧ୍ୟରେ ରଖାଯିବ।
• UPSC ଫର୍ମର ଫଟୋରେ ଦେଖାଯାଉଥିବା ପରି ଆପଣଙ୍କ ଲୁକ୍ UPSC ପରୀକ୍ଷାର ସମସ୍ତ ପର୍ଯ୍ୟାୟରେ ସମାନ ହେବା ଉଚିତ ଯଥା ପ୍ରି, ମେନ୍ ଏବଂ ସାକ୍ଷାତକାର। ଫଟୋରେ ଯଦି ଆପଣଙ୍କର ନିଶ-ଦାଢି ଅଛି କିମ୍ବା ଚଷମା ଲଗାଇଛନ୍ତି ତେବେ ପରୀକ୍ଷା ଏବଂ ସାକ୍ଷାତକାର ଦିନ ଆପଣଙ୍କ ଚେହେରା ସେହିଭଳି ହେବା ଉଚିତ। ଯଦି ଆପଣଙ୍କର ଚେହେରା ଫଟୋ ସହିତ ମେଳ ନ ଖାଏ ତେବେ ଏହା ସମ୍ଭବ ଯେ ଆପଣ କେନ୍ଦ୍ରରେ ପ୍ରବେଶ କରିପାରିବେ ନାହିଁ।

OTV is now on Whatsapp

Join and get latest news update delivered to you via whatsapp

Join Now