ଡାକ ବିଭାଗରେ ନିଯୁକ୍ତି ପାଇବେ ୪୦,୮୮୯ ପ୍ରାର୍ଥୀ; ଓଡିଶାରେ ୧୩୮୨

ଡାକ ବିଭାଗରେ ଜବରଦସ୍ତ ନିଯୁକ୍ତି ବାହାରିଛି। ୧୦ମ ପାଶ୍‌ ପ୍ରାର୍ଥୀମାନେ ଏହାର ସୁଯୋଗ ନେବେ। ମୋଟ୍ ୪୦,୮୮୯ପ୍ରାର୍ଥୀ ନିଯୁକ୍ତି ପାଇବେ। ଏନେଇ କୌଣସି ଲିଖିତ ପରୀକ୍ଷା ହେବନି।

29 Jan 2023 17:12 IST

ଅଦ୍ୟତନ ହୋଇଛି 30 Jan 2023 12:18 IST

India Post Office GDS Recruitment 2023 — GDS post notification vacancy application form

ଡାକ ବିଭାଗରେ ୧୦ମ ପାସ୍ ପ୍ରାର୍ଥୀଙ୍କ ପାଇଁ ଜବରଦସ୍ତ ନିଯୁକ୍ତି ବାହାରିଛି। ଦେଶର ବିଭିନ୍ନ ରାଜ୍ୟରେ ଶାଖା ପୋଷ୍ଟ୍‌ମାଷ୍ଟର୍‌, ଆସିଷ୍ଟାଣ୍ଟ୍‌ ଶାଖା ପୋଷ୍ଟ୍‌ମାଷ୍ଟ୍‌ର ଏବଂ ଡାକ ସେବକ ପଦବୀ ନିଯୁକ୍ତି ନେଇ ଡାକ ବିଭାଗ ଏକ ବିଜ୍ଞପ୍ତି ଜାରିକରିଛି। ଏଥିରେ ଓଡିଶା, ୟୁପି, ବିହାର, ଦିଲ୍ଲୀ, ରାଜସ୍ଥାନ, ମହାରାଷ୍ଟ୍ର, ଗୁଜୁରାଟ ସମେତ ଦେଶର ଅନେକ ରାଜ୍ୟ ରହିଛି। ମୋଟ ୪୦,୮୮୯ଟି ପଦବୀ ପୂରଣ କରାଯିବ। ଓଡିଶାରେ ମୋଟ୍ ୧୩୮୨ ପ୍ରାର୍ଥୀ ନିଯୁକ୍ତି ପାଇବେ।

Advertisment

୧୦ମ ପାସ୍ ପ୍ରାର୍ଥୀମାନେ ଏହି ନିଯୁକ୍ତି ପାଇଁ ଫର୍ମ ପୂରଣ କରିପାରିବେ। ଫର୍ମ ପୂରଣ କରିବାକୁ, ପ୍ରାର୍ଥୀଙ୍କୁ ଅଫିସିଆଲ୍ ୱେବସାଇଟ୍ indiapostgdsonline.gov.in କୁ ଯିବାକୁ ପଡିବ। ଆବେଦନ ପ୍ରକ୍ରିୟା ଜାନୁଆରୀ ୨୭ରୁ ଆରମ୍ଭ ହୋଇଯାଇଛି। ପ୍ରାର୍ଥୀମାନେ ଫେବୃଆରୀ ୧୬ ପର୍ଯ୍ୟନ୍ତ ନିଯୁକ୍ତି ଫର୍ମ ପୂରଣ କରିବାକୁ ସକ୍ଷମ ହେବେ। ଏହା ପରେ, ପ୍ରାର୍ଥୀମାନେ ଆବେଦନକୁ ଫେବୃଆରୀ ୧୭-୧୯ ପର୍ଯ୍ୟନ୍ତ ସଂଶୋଧନ କରିବାକୁ ସମର୍ଥ ହେବେ।