LIVE TV
ଆପଣ ନିଶ୍ଚୟ ଲୋକେମାନେ ଏହା କହୁଥିବାର ଶୁଣିଥିବେ ଯେ ଥରେ ସରକାରୀ ଚାକିରି ପାଇଗଲେ ଜୀବନ ସ୍ଥିର ହୋଇଯିବ। ଭାରତର ପ୍ରାୟ ସମସ୍ତ ଯୁବକଙ୍କର ସରକାରୀ ଚାକିରି ପାଇବାକୁ ଇଚ୍ଛା ଥାଏ। ପ୍ରତିବର୍ଷ ସରକାରୀ ଚାକିରି ପାଇଁ ପରୀକ୍ଷାରେ କୋଟି କୋଟି ପ୍ରାର୍ଥୀ ମଧ୍ୟ ଉପସ୍ଥିତ ହୁଅନ୍ତି।
ଅନେକ ଲୋକ ନିଜ ଜୀବନର ୫-୧୦ ବର୍ଷ ସରକାରୀ ଚାକିରି ପାଇଁ ଦେଇଦିଅନ୍ତି। ଏଭଳି ପରିସ୍ଥିତିରେ ଆମ ଦେଶରେ ସରକାରୀ ଚାକିରିକୁ କାହିଁକି ଏତେ ଗୁରୁତ୍ୱ ଦିଆଯାଉଛି, ଏହାର ଲାଭ କ’ଣ, ଲୋକେ କାହିଁକି ଏହା ପଛରେ ଗୋଡଉଛନ୍ତି ଆଉ ଏତେ ପରିଶ୍ରମ କରୁଛନ୍ତି ଆସନ୍ତୁ ସେ ବିଷୟରେ ଜାଣିନେବା।
ସର୍ବପ୍ରଥମେ ଆମକୁ ବୁଝିବାକୁ ପଡିବ ଯେ ସରକାରୀ ଚାକିରି କ’ଣ? ସେହି ଚାକିରି ତାକୁ ହିଁ କୁହାଯାଏ, ଯେଉଁଥିରେ ଜଣେ ବ୍ୟକ୍ତି କେନ୍ଦ୍ର କିମ୍ବା ରାଜ୍ୟ ସରକାରଙ୍କ କର୍ମଚାରୀ ଥାଏ। ସରକାରୀ ଚାକିରି ଅଧୀନରେ UPSC, ବ୍ୟାଙ୍କ୍, ପ୍ରତିରକ୍ଷା, ରେଳବାଇ, SSC, ରାଜ୍ୟ ସେବା, PSU, ଶିକ୍ଷକଠାରୁ ଆରମ୍ଭ କରି ଅନ୍ୟାନ୍ୟ ଚାକିରି ଆସିଥାଏ। ଏହି ଚାକିରିଗୁଡ଼ିକର ମୁଖ୍ୟ ଲାଭଗୁଡ଼ିକ କ’ଣ ଆସନ୍ତୁ ଜାଣିବା।
Also Read
ଅଧିକ ପଢ଼ନ୍ତୁ: UPSC ପରୀକ୍ଷାରେ ଏକାଥରେ ସଫଳ ହେବାକୁ ଚାହାନ୍ତି କି? ଆପଣଙ୍କ ପାଇଁ ଟିପ୍ସ
ଚାକିରି ସୁରକ୍ଷା:
ସରକାରୀ ଚାକିରି ଏକ ଅତ୍ୟନ୍ତ ସୁରକ୍ଷିତ ଚାକିରି ଭାବେ ବିବେଚନା କରାଯାଏ, କାରଣ ସରକାରୀ କର୍ମଚାରୀଙ୍କୁ ତାଙ୍କ ଚାକିରିରୁ ସହଜରେ ହଟାଯାଇ ପାରେ ନାହିଁ। କେବଳ ଚରମ ପରିସ୍ଥିତିରେ, ଜଣେ ସରକାରୀ କର୍ମଚାରୀଙ୍କୁ ବରଖାସ୍ତ କରାଯାଏ। ନଚେତ୍ ଅନ୍ୟ କୌଣସି ବେସରକାରୀ ଚାକିରି ତୁଳନାରେ ଏ ସରକାରୀ ଚାକିରି ଅତ୍ୟନ୍ତ ନିରାପଦ ଏବଂ ଭଲ ବୋଲି ବିବେଚନା କରାଯାଏ।
ସନ୍ତୁଳନ ଜୀବନ:
ସରକାରୀ କର୍ମଚାରୀଙ୍କ କାର୍ଯ୍ୟ ସମୟ ସ୍ଥିର ହୋଇଥାଏ ଏବଂ କାମରେ ଅଧିକ ଚାପ ନଥାଏ। ଏହା ବ୍ୟତୀତ ସମସ୍ତ ପର୍ବପର୍ବାଣୀରେ ନିୟମିତ ଛୁଟି, ଏବଂ ଅତିରିକ୍ତ ଛୁଟି ମଧ୍ୟ ମିଳିଥାଏ। ଏହା ଫଳରେ ସରକାରୀ କର୍ମଚାରୀମାନେ ସେମାନଙ୍କର ଚାକିରି ଜୀବନ ଓ ବ୍ୟକ୍ତିଗତ ଜୀବନକୁ ସହଜରେ ସନ୍ତୁଳିତ କରିପାରନ୍ତି
ଅବସରକାଳୀନ ସୁବିଧା:
ସରକାରୀ କର୍ମଚାରୀମାନେ ଅବସର ପରେ ପେନସନ୍ ପାଆନ୍ତି। ଏହା ବ୍ୟତୀତ, PF ସମେତ ଅନ୍ୟାନ୍ୟ ପ୍ରକାରର ଅବସରକାଳୀନ ସୁବିଧା ସରକାର ପ୍ରଦାନ କରନ୍ତି, ଯେଉଁ କାରଣରୁ ଚାକିରି ପରେ ମଧ୍ୟ ସରକାରୀ କର୍ମଚାରୀ ଭଲରେ ବଞ୍ଚିବାରେ ସକ୍ଷମ ହୁଅନ୍ତି।
ଭଲ ଦରମା:
ସରକାରୀ କର୍ମଚାରୀମାନଙ୍କୁ ଦରମା ମଧ୍ୟ ଭଲ ଦିଆଯାଏ। କେବଳ ଏତିକି ନୁହେଁ ସରକାର ସମୟ ସମୟରେ ମୁଦ୍ରାସ୍ଫୀତି ଏବଂ ଅନ୍ୟାନ୍ୟ ଭତ୍ତା ବୃଦ୍ଧି କରିଚାଲିଛନ୍ତି, ଯେଉଁଥିପାଇଁ କର୍ମଚାରୀଙ୍କ ଦରମା ମଧ୍ୟ ବୃଦ୍ଧିପାଏ। ଏହା ବ୍ୟତୀତ, ସରକାରୀ ଚାକିରିର ସବୁଠାରୁ ବଡ ସୁବିଧା ହେଉଛି, ସେମାନେ ଠିକ୍ ସମୟରେ ଦରମା ପାଆନ୍ତି।
ଚିକିତ୍ସା ସୁବିଧା:
ସରକାରୀ କର୍ମଚାରୀଙ୍କ ବୀମା ମଧ୍ୟ ସରକାରଙ୍କ ଦ୍ୱାରା କରାଯାଇଥାଏ। ଏହା ବ୍ୟତୀତ କର୍ମଚାରୀଙ୍କ ଚିକିତ୍ସା ପାଇଁ ଅନେକ ପ୍ରକାରର ରିହାତି ମଧ୍ୟ ମିଳେ।
ଭତ୍ତା ସୁବିଧା:
ଦରମା ବ୍ୟତୀତ ସରକାରୀ କର୍ମଚାରୀଙ୍କୁ ଅନେକ ପ୍ରକାରର ଭତ୍ତା ଦିଆଯାଏ। ଯେଉଁଥିରେ ରହିବା ଠାରୁ ଆରମ୍ଭ କରି ଯାତାୟତ ସହ ବିଭିନ୍ନ ପ୍ରକାର ଖର୍ଚ୍ଚ ରହିଛି। ଉଚ୍ଚ ପଦବୀରେ କାର୍ଯ୍ୟରତ କର୍ମଚାରୀଙ୍କୁ ସରକାର ବଡ଼ ଘର ଏବଂ ମହଙ୍ଗା ଯାନ ମଧ୍ୟ ଯୋଗାଇ ଦେଇଥାନ୍ତି।
ଉଚ୍ଚ ସାମାଜିକ ସ୍ଥିତି:
ଆମ ସମାଜରେ ସରକାରୀ ଚାକିରିଆକୁ ବହୁତ ଉଚ୍ଚ ମାନ୍ୟତା ଦିଆଯାଏ। ଏହି କାରଣରୁ ଜଣେ ସରକାରୀ ଚାକିରିଆ ସମାଜରେ ବହୁତ ସମ୍ମାନ ପାଆନ୍ତି।
