ଲୁଚିଛପି ଯାଇଥିଲେ ବିଦେଶ; ଚାଟାର୍ଡ ଫ୍ଲାଇଟ୍‌ରେ ବିଦା କଲା ଆମେରିକା

ଆପଣ ବଲିଉଡ ସୁପରଷ୍ଟାର ଶାହରୁଖ ଖାନ୍‌ଙ୍କ ‘ଡଙ୍କି’ ଫିଲ୍ମ ତ ନିହାତି ଦେଖିଥିବେ। ବିଦେଶ ଯିବାକୁ ଇଚ୍ଛା କରୁଥିବା ଏକ ବନ୍ଧୁଗୋଷ୍ଠୀର କାହାଣୀକୁ ନେଇ ଫିଲ୍ମଟି ଦର୍ଶକଙ୍କ ମନ କିଣିଥିଲା। କିପରି ବେଆଇନ୍ ସଂସ୍ଥା ଜାଲ୍ କାଗଜପତ୍ର ମାଧ୍ୟମରେ ଭାରତୀୟଙ୍କୁ ଫସାଇ ବିଦେଶ ପଠାନ୍ତି ଓ ସେଠାରେ ସେମାନଙ୍କ ଅବସ୍ଥା କଣ ହୁଏ ତାହା ଫିଲ୍ମରେ ଦର୍ଶା ଯାଇଛି। ତେବେ ଏବେ ଫିଲ୍ମରେ ନୁହେଁ ବରଂ ରିୟଲରେ ବେଆଇନ ଭାବରେ ରହୁଥିବା ଭାରତୀୟଙ୍କ ବିରୋଧରେ ଆମେରିକା ସରକାର କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ସେମାନଙ୍କୁ ଏକ ସ୍ୱତନ୍ତ୍ର ଫ୍ଲାଇଟ୍ ଯୋଗେ ଭାରତକୁ ପଠାଇ ଦିଆଯାଇଛି।

ବେଆଇନ ଭାବେ ବାସ କରୁଥିବା ଭାରତୀୟଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେଇଛନ୍ତି ଆମେରିକା ସରକାର। ବେଆଇନ ଭାବେ ରହୁଥିବା ଭାରତୀୟ ନାଗରିକଙ୍କୁ ଦେଶରୁ ବିତାଡିତ କରିବା ପାଇଁ ଆମେରିକା ଏକ ଚାର୍ଟାର୍ଡ ​​ଫ୍ଲାଇଟ୍ ବୁକ୍ କରିଛି। ଏଥିରେ ଭାରତ ସରକାରଙ୍କଠାରୁ ସହଯୋଗ ମଧ୍ୟ ନିଆଯାଇଥିବା ଆମେରିକାର ଗୃହ ସୁରକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି।

ହୋମଲାଣ୍ଡ ସିକ୍ୟୁରିଟିର ଉପସଚିବ କ୍ରିଷ୍ଟି ଏ କୈନଗୌଲା କହିଛନ୍ତି, ଆମେରିକାରେ ବେଆଇନ୍ ଭାବରେ ବାସ କରୁଥିବା ଭାରତୀୟଙ୍କୁ ହଟାଇ ଦିଆଯିବ। ତେଣୁ ଚୋରା ଚାଲାଣକାରୀଙ୍କ ଜାଲରେ ଆଦୌ ପଡନ୍ତୁ ନାହିଁ। ଗତ ୨୨ ଅକ୍ଟୋବରରେ ବେଆଇନ ଭାବରେ ରହୁଥିବା ଭାରତୀୟଙ୍କୁ ସେମାନଙ୍କ ଦେଶକୁ ପଠାଇ ଦିଆଯାଇଛି। ଏଥିରେ ଭାରତ ସଂପୂର୍ଣ୍ଣ ସହଯୋଗ କରିଛି। ବର୍ତ୍ତମାନ ବିଭାଗ ପକ୍ଷରୁ ଇମିଗ୍ରେସନ ନିୟମ ଲାଗୁ କରାଯିବ। ଯେଉଁମାନେ ବେଆଇନ ଭାବେ ଦେଶରେ ପ୍ରବେଶ କରିବେ ସେମାନଙ୍କ ପାଇଁ କଠୋର ଦଣ୍ଡ ବ୍ୟବସ୍ଥା କରାଯିବ ଓ ସେମାନେ ସମସ୍ୟାରେ ପଡିବେ।

ଆମେରିକାରେ ବେଆଇନ ପ୍ରବେଶକୁ ରୋକିବା ପାଇଁ ଜୁନ୍ ୨୦୨୪ରେ ଏକ ନୂତନ ନିୟମ ଲାଗୁ କରାଯାଇଛି। ଏହି ନିୟମ ଲାଗୁ ହେବା ପରେ ଦକ୍ଷିଣ-ପଶ୍ଚିମ ସୀମାରେ ଥିବା ବନ୍ଦର ଦେଇ ଲୋକଙ୍କ ଆଗମନରେ ୫୫ ପ୍ରତିଶତ ହ୍ରାସ ଘଟିଛି। ବିବୃତ୍ତିରେ କୁହାଯାଇଛି ଯେ ୨୦୨୪ ଆର୍ଥିକ ବର୍ଷରେ ୧ଲକ୍ଷ ୬୦ହଜାରରୁ ଅଧିକ ଲୋକଙ୍କୁ ଦେଶରୁ ବିତାଡିତ କରାଯାଇଛି। ଭାରତ ସମେତ ୧୪୫ ଦେଶ ପାଇଁ ୪୯୫ରୁ ଅଧିକ ଅନ୍ତର୍ଜାତୀୟ ପ୍ରତ୍ୟାବର୍ତ୍ତନ ବିମାନ ସେବା ଆରମ୍ଭ କରାଯାଇଥିଲା।

ଦେଶବାସୀ ନିଜ ଲୋକଙ୍କୁ ଫେରାଇ ଆଣିବାରେ ସାହାଯ୍ୟ କରିବା ପାଇଁ ହୋମଲ୍ୟାଣ୍ଡ ସୁରକ୍ଷା କହିଛି। ଆନ୍ତର୍ଜାତୀୟ କାରବାର ନେଟୱାର୍କକୁ ଦୁର୍ବଳ କରୁଥିବା ପ୍ରବାସୀମାନଙ୍କୁ ଶୋଷଣ କରୁଥିବାବେଳେ ଆଇନ୍ ପ୍ରକ୍ରିୟା ବିନା ଲୋକଙ୍କ ପ୍ରତ୍ୟାବର୍ତ୍ତନ ନିଶ୍ଚିତ କରିବାକୁ DHS ଚେଷ୍ଟା କରେ। ଗତ କିଛି ମାସ ମଧ୍ୟରେ, DHS କଲମ୍ବିଆ, ଇକ୍ୟୁଏଡର୍, ପେରୁ, ଇଜିପ୍ଟ, ମରିସାନିଆ, ସେନେଗାଲ, ଉଜବେକିସ୍ତାନ ଏବଂ ଚୀନ୍ ସମେତ ବିଭିନ୍ନ ଦେଶରୁ ଲୋକଙ୍କୁ ଦେଶରୁ ବିତାଡିତ କରିଛି ।