ବନ୍ଦୀ ହେଲେ ତାଲିବାନଙ୍କୁ ଖୋଲା ଚ୍ୟାଲେଞ୍ଜ ଦେଇଥିବା ଲେଡି ଗଭର୍ଣ୍ଣର ସଲିମା ମଜାରୀ

କାବୁଲ : ଭାଙ୍ଗିଗଲା ଶେଷ ଆଶା । ମଉଳିଗଲା ସ୍ୱାଧୀନତାର ସ୍ୱପ୍ନ । ବିଦ୍ରୋହୀଙ୍କ ବିରୋଧରେ ସ୍ୱର ଉଠାଇ ବନ୍ଦୀ ହେଲେ । ନିଜେ ଫଉଜ ତିଆରି କରି ତାଲିବାନୀଙ୍କୁ ନାକେଦମ୍ କରିଥିବା ଲେଡି ଗଭର୍ଣ୍ଣର ସଲିମା ଶେଷରେ ବନ୍ଦୀ ହୋଇଛନ୍ତି । ଆଫଗାନିସ୍ତାନର ଅନ୍ୟ ନେତା ଯେତେବେଳେ ଦେଶ ଛାଡ଼ି ପଳାୟନ କରୁଥିଲେ, ସେତେବେଳେ ପ୍ରାଣଭୟରେ ପଛଘୁଞ୍ଚା ଦେଇନଥିଲେ ସଲିମା ମଜାରୀ । ସମର୍ଥକଙ୍କ ସହ ମିଶି ତାଲିବାନ ବିରୋଧରେ ଏକୁଟିଆ ଛିଡ଼ା ହୋଇଥିଲେ । ଆଫଗାନିସ୍ତାନର ବଲ୍ଖ ପ୍ରଦେଶ ଯେତେବେଳେ ତାଲିବାନ କବଜାକୁ ଆସିଗଲା, ସେତେବେଳେ କ୍ରୁର ନିର୍ଦ୍ଦୟ ତାଲିବାନଙ୍କ ହାତରେ ଧରାପଡ଼ିଗଲେ ସାହସୀ ମହିଳା ଗଭର୍ଣ୍ଣର ।

ଆଫଗାନିସ୍ତାନର ମୋଟ୍ ତିନି ମହିଳା ଗଭର୍ଣ୍ଣରଙ୍କ ମଧ୍ୟରୁ ପ୍ରଥମ ଥିଲେ ସଲିମା ମଜାରୀ । ତାଙ୍କ ନେତୃତ୍ୱ ଅଞ୍ଚଳ ଚାହରର ସମୁଦାୟ ଜନସଂଖ୍ୟା ଥିଲା ୩୨ ହଜାରରୁ ଅଧିକ । ଶେଷ ମୁହୂର୍ତ୍ତ ପର୍ଯ୍ୟନ୍ତ ତାଲିବାନକୁ ନିଜ ଅଞ୍ଚଳ ଦଖଲ କରିବାକୁ ଦେଇନଥିଲେ । ସେହି ସ୍ଥାନକୁ କବଜା କରିବାକୁ ତାଲିବାନକୁ ବହୁ ଉଦ୍ୟମ କରିବାକୁ ପଡିଥିଲା । ଇରାନରେ ଜନ୍ନିତ ସଲିମା ମଜାରୀ ହୋଇଥିଲେ ସୋଭିଏତ୍ ଯୁଦ୍ଧ ସମୟରେ ସେ ଆଫଗାନିସ୍ତାନ ଚାଲି ଆସିଥିଲେ । ସେ ତେହେରାନ ବିଶ୍ୱବିଦ୍ୟାଳୟରେ ଅଧ୍ୟୟନ କରିଥିଲେ । ଆଉ ପରେ ଆଫଗାନିସ୍ତାନ ପାଇଁ ତାଲିବାନଙ୍କ ବିରୋଧରେ ଲଢ଼ିବା ପାଇଁ ବନ୍ଧୁକ ଧରିଥିଲେ । ତେବେ ମନରେ ଆଉ ପ୍ରତିଶୋଧର ଭାବନା ନାହିଁ କହିଥିଲେ ମଧ୍ୟ କାମରେ ଓଲଟା କରିଛନ୍ତି ତାଲିବାନୀ ସଂଗଠନ । ଆଫଗାନିସ୍ତାନ ଲେଡି ଗଭର୍ଣ୍ଣରଙ୍କୁ ବନ୍ଦୀ କରି ନିଜର ୨୦ ବର୍ଷ ପୁରୁଣା କ୍ରୁର ଚେହେରା ପୁଣି ଦେଖାଇଛନ୍ତି।

Also Read

ପୁଣି ଜଣେ ବିଜେପି ନେତାଙ୍କୁ ଗୁଳି କରି ହତ୍ୟା

‘NHAI ଅଧିକାରୀଙ୍କୁ ଚାପୁଡ଼ା ମାର, ୧ ଲକ୍ଷ ଟଙ୍କା ପୁରସ୍କାର ନିଅ’ ଘୋଷଣା କରିଥିବା ବିଧାୟକଙ୍କ ବିରୋଧରେ FIR

ଯୌନ ନିର୍ଯାତନା ଅଭିଯୋଗରେ କେରଳ ପୂର୍ବତନ ମୁଖ୍ୟମନ୍ତ୍ରୀଙ୍କ ନାଁରେ ମାମଲା

ଆଫଗାନିସ୍ତାନରେ ତାଲିବାନୀ ମାନେ ଯେତେବେଳେ ମୃତ୍ୟୁର ତାଣ୍ଡବ ରଚୁଥିଲେ, ସେତେବେଳେ ପାହାଡ଼ ପରି ଅଟଳ ହୋଇ ଛିଡ଼ା ହୋଇରହିଥିଲେ ସଲିମା । କିଛି ନେତା ପଳାୟନ କରୁଥିବା ବେଳେ କିଛି ଆତ୍ମସମର୍ପଣ କରୁଥିଲେ । ଏପରି ସମୟରେ ନଡରି ସଲିମା ମଜାରୀ ନିଜ ଲୋକଙ୍କୁ ବଞ୍ଚାଇବା ପାଇଁ ନିଜର ସୈନ୍ୟବାହିନୀ ଗଢ଼ିଥିଲେ ଏବଂ ଲୋକଙ୍କୁ ଏକାଠି ହେବାକୁ ନିବେଦନ କରୁଥିଲେ । ତାଙ୍କ ଫୌଜୀରେ ସାମିଲ ଲୋକେ ଜମିବାଡ଼ି, ଗାଈ ମଇଷି ବିକ୍ରି କରି ସେନାରେ ଭର୍ତ୍ତି ହେଉଥିଲେ । ସଲିମା ମଜାରୀ ନିଜେ ଫ୍ରଣ୍ଟରେ ସିଟରେ ବସି ବିଭିନ୍ନ ସ୍ଥାନ ଯାଇ ଯାଇ ଲୋକଙ୍କୁ ନିଜ ସେନାରେ ସାମିଲ ହେବା ପାଇଁ ନିବେଦନ କରୁଥିଲେ । ହେଲେ ଆଜି ସେ ବନ୍ଦୀ ହେବା ପରେ ସବୁ ଶେଷ ହୋଇଗଲା ପରି ଲାଗୁଛି ।