ମହାକାଶରେ ଶୁଭିବ ଲାଇଟ୍-କ୍ୟାମେରା-ଆକ୍ସନ : ଜିରୋ-ଗ୍ରାଭିଟିରେ ଭାସିଭାସି ଅଭିନୟ କରିବେ ଅଭିନେତା ଓ ଅଭିନେତ୍ରୀ

ଫିଲ୍ମ ସୁଟିଂ ସବୁବେଳେ ଷ୍ଟୁଡିଓ ଭିତରେ ସମ୍ଭବ ହୋଇନଥାଏ । ଚଳଚ୍ଚିତ୍ର କାହାଣୀର ଆବଶ୍ୟକତା ଅନୁସାରେ, ବିଭିନ୍ନ ଲୋକେସନକୁ ଯାଇ ସୁଟିଂ କରିଥାନ୍ତି ଫିଲ୍ମ ନିର୍ମାତା । କେତେବେଳେ ବଣ ପାହାଡ଼ରେ ତ କେତେବେଳେ ସମୁଦ୍ରରେ ଅବା ମରୁଭୂମିରେ ସୁଟ୍ ହୁଏ ବିଭିନ୍ନ ସିନ୍ । ତେବେ ଜାଣିଛନ୍ତି କି, ମହାକାଶରେ ପ୍ରଥମ ଥର ପାଇଁ ଫିଲ୍ମ ସୁଟିଂ କରିବାକୁ ପାଦ ବଢ଼ାଇସାରିଛି ରୁଷ୍ ।

ମହାକାଶରେ ଶୁଭିବ ଲାଇଟ-କ୍ୟାମେରା-ଆକ୍ସନ । ଜିରୋ-ଗ୍ରାଭିଟିରେ ଭାସିଭାସି ଅଭିନୟ କରିବେ ଅଭିନେତା ଓ ଅଭିନେତ୍ରୀ । ମହାକାଶରେ ନିର୍ମାଣ ହେବ ପ୍ରଥମ ଫିଚର୍ ଫିଲ୍ମ ଦ ଚ୍ୟାଲେଞ୍ଜ୍ । ଏହାର ସୁଟିଂ ଲାଗି ରୁଷୀୟ ଫିଲ୍ମ କ୍ରୁ ମହାକାଶକୁ ଯାତ୍ରା କରିଛନ୍ତି । କାଜାଖାସ୍ତାନ, ବାଇକୋନରରୁ ସୋୟୁଜ MS-19 ମହାକାଶଯାନରେ ଅନ୍ତର୍ଜାତୀୟ ମହାକାଶ କେନ୍ଦ୍ର ଅଭିମୁଖେ ଯାତ୍ରା କରିଛନ୍ତି ଫିଲ୍ମ The Challengeର ନିର୍ଦ୍ଦେଶକ, ପ୍ରଯୋଜକ ଓ ଅଭିନେତ୍ରୀ ।

ଏହି ଚଳଚ୍ଚିତ୍ରର କାହାଣୀ ଅନ୍ତରୀକ୍ଷ ଯାତ୍ରୀଙ୍କୁ ସ୍ପେସ୍ ଷ୍ଟେସନରେ ସହାୟତା ଯୋଗାଇଥିବା ଜଣେ ଡାକ୍ତରଙ୍କ ଉପରେ ଆଧାରିତ । ତେଣୁ ସେଠାରେ ହିଁ, ଅର୍ଥାତ୍ ସତସତିକା ଇଣ୍ଟରନ୍ୟାସନାଲ ସ୍ପେସ୍ ଷ୍ଟେସନରେ ହିଁ ଫିଲ୍ମର କିଛି ଅଂଶ ସୁଟ୍ କରିବାକୁ ଯୋଜନା କରିଥିଲେ ରୁଷୀୟ ଫିଲ୍ମ ନିର୍ଦ୍ଦେଶକ କିମ୍ ସିପେନକୋ ।

Also Read

କାଶ୍ମୀରରେ ଆତଙ୍କୀ ଆକ୍ରମଣ: ଆଖିବୁଜା ଗୁଳିମାଡରେ ୩ ସାଧାରଣ ନାଗରିକ ମୃତ

ଜଳେଶ୍ୱରରେ ସରକାରୀ ଯୋଜନାରେ ବ୍ୟାପକ ଦୁର୍ନୀତି ଅଭିଯୋଗ : କାମ ନହୋଇ ଉଠାଯାଇଛି ପ୍ରାୟ ୩୫ ଲକ୍ଷ ଟଙ୍କା

ଆଜି ପବିତ୍ର ମହାଳୟା, ପିତୃପକ୍ଷର ଶେଷ ଦିନ : କୋଭିଡ କଟକଣା ପାଇଁ ପୁରୀ ବାଇଶି ପାହାଚରେ ପିଣ୍ଡଦାନ ମନା

ସେ ନିଜେ ଅଭିନେତ୍ରୀ ୟୁଲିଆ ପେରେସିଡ୍ ଏବଂ ଭେଟେରାନ ମହାକାଶଚାରୀ ଆନଣ୍ଟେନ୍ ସାପ୍ଲେରୋଭଙ୍କ ସହ ସେଠାକୁ ଯାଇଛନ୍ତି । ସେଠାରେ ଏମାନେ ୧୨ ଦିନ ରହିବେ । ପୂର୍ବରୁ ସ୍ପେସ୍ ଏକ୍ସ ମାଲିକ ଇଲନ୍ ମସ୍କ ହଲିଉଡ୍ ସୁପର୍ଷ୍ଟାର୍ ଟମ୍ କ୍ରୁଜଙ୍କୁ ନେଇ ମହାକାଶରେ ଫିଲ୍ମ ସୁଟିଂ କରିବାକୁ ଘୋଷଣା କରିଥିବା ବେଳେ, ରୁଷ ଏହି ରେସରେ ଆଗେଇ ଯାଇଛି ।