ଭାରତୀୟ ସୀମାକୁ ପଶିଆସିଲା ନେପାଳ ବିମାନ : ଚିନ୍ତାରେ ସୁରକ୍ଷା ଏଜେନ୍ସି

ନୂଆଦିଲ୍ଲୀ : ଭାରତ ପ୍ରତି ବିପଦ ଦିନକୁ ଦିନ ବଢ଼ି ବଢ଼ି ଚାଲିଛି । ଗୋଟିଏ ପଟେ ପାକିସ୍ତାନ, ଅନ୍ୟପଟେ ଚୀନ୍ ଆଉ ଏବେ ନେପାଳ । ପୁଣିଥରେ ଭାରତୀୟ ସୀମାକୁ ପଶିଆସିଛି ନେପାଳର ବିମାନ । ତେବେ ଏହି ଘଟଣା ପରେ ଭାରତୀୟ ସେନା ସମେତ ସୁରକ୍ଷା ଏଜେନ୍ସି ଆଲର୍ଟରେ ଅଛନ୍ତି । ନେପାଳ ବିମାନଟି ନିଜ ସୀମାକୁ ଲାଗିଥିବା ବିହାରର ମହାରାଜଗଞ୍ଜ ଜିଲ୍ଲାର ସୋନୌଲି ସହର ଉପରେ ଦୀର୍ଘ ସମୟ ଧରି ଉଡ଼ିଥିଲା, ଆଉ ତା’ପରେ ଫେରି ଯାଇଥିଲା ।

ନେପାଳର ଭୈରହବା ଗୌତମ ବୁଦ୍ଧ ବିମାନବନ୍ଦରରେ ଅବତରଣ କରିବା ସମୟରେ, ସେଠାରୁ ଏକ ବିମାନ ଭାରତୀୟ ସୀମା ଭିତରକୁ ପ୍ରାୟ ୪୦୦ ମିଟର ପଶିଆସିଥିଲା । ଏହି ଘଟଣା ଶୁକ୍ରବାର ଅପରାହ୍ନ ୧ ଟାର ବୋଲି କୁହାଯାଉଛି । ଦୀର୍ଘ ସମୟ ଧରି ଭାରତୀୟ ସୀମାରେ ବୁଲିବା ପରେ ବିମାନଟି ନେପାଳକୁ ଫେରି ଯାଇଥିଲା ।

ତେବେ ଏହି ଘଟଣା ପରେ ଭୈରହବା ଷ୍ଟେସନ ଅଧୀକ୍ଷକ ଦର୍ଶନ ଧିମରେ ସ୍ପଷ୍ଟୀକରଣ ରଖିଛନ୍ତି । ଖରାପ ପାଗ ଏବଂ ଅବତରଣ ସିଗନାଲ ଉପଲବ୍ଧ ନହେବା ଯୋଗୁଁ ଏଭଳି ସମସ୍ୟା ଉପୁଜିଛି । ଉତ୍ତର ଦିଗରେ ଯେତେବେଳେ ପାଗ ଖରାପ ହୁଏ, ବିମାନ ଅବତରଣ ପାଇଁ ଦକ୍ଷିଣରୁ ଆସିବାକୁ ପଡିବ । ଆଉ ଏଥିପାଇଁ ବିମାନର ନିରାପଦ ଅବତରଣ ପାଇଁ ଜଣେ ଭାରତୀୟ ସୀମାକୁ ଯିବାକୁ ପଡିଲା ବୋଲି ସେ କହିଛନ୍ତି ।

Also Read

ବଢ଼ିଲା ପ୍ରଦୀପଙ୍କ ଅଡ଼ୁଆ, ଏକକାଳୀନ ୧୫ ସ୍ଥାନରେ ଭିଜିଲାନ୍ସ ରେଡ୍‌

ଦୁର୍ଗା ମୂର୍ତ୍ତି ବିସର୍ଜନ ସାରି ଫେରୁଥିବା ବେଳେ ଲୋକଙ୍କ ଉପରକୁ ବୋମାମାଡ଼, ଗାଡ଼ି ଭଙ୍ଗାରୁଜା

ଦିବ୍ୟାଙ୍ଗଙ୍କ ଦୁଃଖ, ପ୍ରମାଣପତ୍ର ପାଇଁ ଘରେ ଚୁଲି ଜଳୁନି!

ଅନ୍ୟପଟେ ନେପାଳ ବିମାନବନ୍ଦର କର୍ତ୍ତୃପକ୍ଷ କହିଛନ୍ତି , ସୁରକ୍ଷିତ ଅବତରଣ ପାଇଁ ବିମାନକୁ ପ୍ରାୟ ୪ କିଲୋମିଟର ବ୍ୟାସାର୍ଦ୍ଧର ଆବଶ୍ୟକତା ପଡ଼େ । ଆଉ ଦକ୍ଷିଣ ଦିଗରେ ମାତ୍ର ତିନି କିମି ଦୂରରେ ପଡ଼େ ଭାରତର ସୀମା । ପାଗ ଖରାପ ହେତୁ ବାଧ୍ୟତାମୂଳକ ଭାବେ ବିମାନକୁ ଭାରତୀୟ ସୀମାକୁ ପ୍ରବେଶ କରିବାକୁ ପଡ଼ିଥିଲା । ଆଉ ଏଥିପାଇଁ ପାଇଲଟ୍ ବାରାଣାସୀ ବିମାନବନ୍ଦରର ଗୋରଖପୁରର ଏୟାର ଟ୍ରାଫିକ୍ କଣ୍ଟ୍ରୋଲର ଅନୁମତି ନେଇ ଭାରତୀୟ ଅଞ୍ଚଳରେ ଉଡ଼ାଣ ଭରନ୍ତି । ତେବେ ଏହା ପ୍ରଥମ ଥର ନୁହେଁ, ପୂର୍ବରୁ ମଧ୍ୟ ନେପାଳର ଏକ ବିମାନ ଭାରତୀୟ ଅଞ୍ଚଳରେ ପ୍ରବେଶ କରିଛି ।

OTV is now on Whatsapp

Join and get latest news update delivered to you via whatsapp

Join Now