Microsoft Layoffs: କାହିଁକି ୬୦୦୦ କର୍ମଚାରୀଙ୍କୁ ଛଟେଇ କରିଥିଲା ମାଇକ୍ରୋସଫ୍ଟ; ବଡ଼ କାରଣ କହିଲେ ସିଇଓ...

ନିକଟରେ ଟେକ୍ ଜଗତର ବଡ଼ କମ୍ପାନୀ ମାଇକ୍ରୋସଫ୍ଟ ବଡ଼ ଛଟେଇ ଘୋଷଣା କରିଥିଲା, ଯେଉଁଥିରେ ପ୍ରାୟ ୬୦୦୦ କର୍ମଚାରୀଙ୍କୁ ବାହାର କରାଯାଇଥିଲା। ଏହି ଛଟେଇ କମ୍ପାନୀର ବିଶ୍ୱବ୍ୟାପୀ କର୍ମଚାରୀଙ୍କ ପ୍ରାୟ ୩% ରହିଛି, ଯାହା ମାଇକ୍ରୋସଫ୍ଟର ୨,୨୮,୦୦୦ କର୍ମଚାରୀଙ୍କ ମୋଟ ସଂଖ୍ୟା ମଧ୍ୟରୁ ଏକ ବଡ଼ ଅଂଶ। ଏହି ଛଟେଇରେ ମାଇକ୍ରୋସଫ୍ଟର ଏଆଇ (ଆର୍ଟିଫିସିଆଲ ଇଣ୍ଟେଲିଜେନ୍ସ) ଫର ଷ୍ଟାର୍ଟଅପ୍ସର ନିର୍ଦ୍ଦେଶିକା ଗାବ୍ରିଏଲା ଡି କ୍ୟୁଇରୋଜଙ୍କ ଚାକିରି ମଧ୍ୟ ଚାଲିଯାଇଥିଲା। 

ତେବେ ମାଇକ୍ରୋସଫ୍ଟର ସିଇଓ ସତ୍ୟ ନାଡେଲା ଏହି ଛଟେଇ ବିଷୟରେ କହିଛନ୍ତି। ସେ କହିଛନ୍ତି ଯେ ମାଇକ୍ରୋସଫ୍ଟରେ ବର୍ତ୍ତମାନର ଛଟେଇ କାର୍ଯ୍ୟଦକ୍ଷତା ଯୋଗୁଁ ନୁହେଁ ବରଂ ସାଂଗଠନିକ ପୁନର୍ଗଠନ ଯୋଗୁଁ କରାଯାଇଥିଲା। ସତ୍ୟ ନାଡେଲା ଆହୁରି ସ୍ପଷ୍ଟ କରି କହିଛନ୍ତି ଯେ କମ୍ପାନୀରେ ବର୍ତ୍ତମାନର ଛଟେଇ ଆଭ୍ୟନ୍ତରୀଣ ପୁନର୍ଗଠନର ଫଳାଫଳ ଥିଲା। କମ୍ପାନୀରେ AI ପ୍ରୋତ୍ସାହନ ପରେ ପ୍ରାଥମିକତାକୁ ସମାନ କରିବାର ଏକ ଅଂଶ ଭାବରେ ଏହି ଛଟେଇ କରାଯାଇଛି। ସେ ସ୍ପଷ୍ଟ କରିଥିଲେ ଯେ କାର୍ଯ୍ୟଦକ୍ଷତା କୌଣସି କର୍ମଚାରୀଙ୍କୁ ବହିଷ୍କାର କରିବାର କାରଣ ନୁହେଁ।

ଅଧିକ ପଢ଼ନ୍ତୁ: ଭାରତର ଗୁପ୍ତ ତଥ୍ୟ ଚୋରି କରୁଛି ଚୀନ CCTV ! ମୁକାବିଲା ପାଇଁ ଭାରତ ନେଲା କଠୋର ପଦକ୍ଷେପ

ତେବେ ଛଟେଇ ପରେ ଗାବ୍ରିଏଲା ଡି କ୍ୟୁଇରୋଜ ‘ଏକ୍ସ’ରେ ପୋଷ୍ଟ ସେୟାର କରିଥିଲେ, ଯେଉଁଥିରେ ସେ ଲେଖିଥିଲେ ଯେ, “ମୁଁ ମାଇକ୍ରୋସଫ୍ଟର ବର୍ତ୍ତମାନର ଛଟେଇରେ ପ୍ରଭାବିତ ହୋଇଛି। ଯେତେ କଠୋର ପରିଶ୍ରମ କଲେ ବି ଚାକିରିର ସୁରକ୍ଷିତ ନିଶ୍ଚିତ ହୋଇନଥାଏ।” ସେ ଆହୁରି କହିଥିଲେ, “ଅନେକ ପ୍ରତିଭାବାନ ଲୋକ, ଯେଉଁମାନେ ମୋ ସହ କାମ କରିଥିଲେ, ସେମାନେ ମଧ୍ୟ ଏହି ଛଟେଇରେ ପ୍ରଭାବିତ ହୋଇଛନ୍ତି। ତାଙ୍କର ଏହି ପୋଷ୍ଟ ସୋସିଆଲ ମିଡିଆରେ ଭାଇରାଲ ହୋଇଛି, ଯାହା ଟେକ୍ ଇଣ୍ଡଷ୍ଟ୍ରିରେ ଏଆଇର ପ୍ରଭାବ ଉପରେ ଆଲୋଚନାକୁ ତୀବ୍ର କରିଛି।

ମାଇକ୍ରୋସଫ୍ଟର ଏହି ଛଟେଇ ଏଆଇ ଉପରେ କମ୍ପାନୀର ବଢୁଥିବା ନିର୍ଭରତା ସହ ଜଡ଼ିତ ବୋଲି ଜଣାପଡ଼ିଥିଲା ବୋଲି ଚର୍ଚ୍ଚା ହୋଇଥିଲା । ମାଇକ୍ରୋସଫ୍ଟର ସିଇଓ ସତ୍ୟ ନାଡେଲା ଏପ୍ରିଲ ମାସରେ କହିଥିଲେ ଯେ, କମ୍ପାନୀର କିଛି ପ୍ରୋଜେକ୍ଟରେ ଏଆଇ ୩୦% ପର୍ଯ୍ୟନ୍ତ କୋଡ ଲେଖୁଛି। ଏକ ରିପୋର୍ଟ ଅନୁଯାୟୀ, ମାଇକ୍ରୋସଫ୍ଟର ଭାଇସ ପ୍ରେସିଡେଣ୍ଟ ଜେଫ ହଲସେ ତାଙ୍କ ଟିମକୁ ଓପନଏଆଇ-ଚାଳିତ ଚାଟବଟ ବ୍ୟବହାର କରି ୫୦% କୋଡ ଲେଖିବାକୁ ନିର୍ଦ୍ଦେଶ ଦେଇଥିଲେ। କିନ୍ତୁ ଏହାର କିଛି ସପ୍ତାହ ପରେ, ଏହି ଟିମର ଅନେକ ସଦସ୍ୟଙ୍କୁ ଛଟେଇ କରାଯାଇଛି, ଯେଉଁମାନେ ଏଆଇ ଚାଟବଟକୁ କୋଡ ଲେଖିବା ପାଇଁ ତାଲିମ ଦେଉଥିଲେ।