ଜାଣିଶୁଣି ପାହାଡ଼ ଉପରୁ ଟେସଲା କାରକୁ ତଳକୁ ଖସାଇଲେ ଯୁବକ, ଭିତରେ ଥିଲେ ଦୁଇ ପିଲା ଓ ସ୍ତ୍ରୀ...

ମଣିଷରୂପୀ ଅମଣିଷର ଖୁନୀ ଷଡ଼ଯନ୍ତ୍ର । ବାପା ନୁହେଁ ସେ ଦାନବ, ସ୍ୱାମୀ ନୁହେଁ ସେ ସଇତାନ୍ । ସ୍ତ୍ରୀ ଓ ଦୁଇ ପିଲାଙ୍କୁ ହତ୍ୟା ଉଦ୍ୟମ କରିବା ପରେ ଏବେ ହସ୍ପିଟାଲରେ ଯୁବକ । କାଲିଫର୍ଣ୍ଣିଆରେ ଏପରି ଏକ ଅଭାବନୀୟ ଘଟଣା ଘଟିଛି । ନିଜ ହାତରେ ଗଢ଼ିଥିବା ସୁନାର ସଂସାରକୁ ନିଜ ହାତରେ ହିଁ ଚୁନା କରିଦେବା ପାଇଁ ଚେଷ୍ଟା କରିଛନ୍ତି ଜଣେ ୪୧ ବର୍ଷିୟ ଭାରତୀୟ ବଂଶୋଦ୍ଭବ ଆମେରିକୀୟ । ଏଥିପାଇଁ ସ୍ତ୍ରୀ ଓ ଦୁଇ ପିଲାକୁ ନିଜର ଦାମୀ ଗାଡ଼ି ଟେସଲାରେ ବସାଇ ଜାଣିଶୁଣି ପାହାଡ଼ ଉପରୁ ତଳକୁ ଖସାଇ ଦେଇଛନ୍ତି ।

କାଲିଫର୍ଣ୍ଣିଆର ପାସାଡେନାର ବାସିନ୍ଦା ଅଭିଯୁକ୍ତ ଧର୍ମେଶ ଏ. ପଟେଲ । ଦୁଇ ପିଲା ଓ ସ୍ତ୍ରୀଙ୍କୁ ନେଇ ତାଙ୍କର ସଂସାର ଗାଡ଼ି ସୁରୁଖୁରୁରେ ଚାଲିଥିଲା । ହେଲେ କ’ଣ ହେଲା କେଜାଣି ସେ ସମସ୍ତଙ୍କୁ ଜୀବନରୁ ମାରିଦେବାକୁ ଚେଷ୍ଟା କରିଛନ୍ତି । ହେଲେ ସୌଭାଗ୍ୟବଶତଃ ସମସ୍ତେ ଏହି ଦୁର୍ଘଟଣାରୁ ବଞ୍ଚିଯାଇଛନ୍ତି । ଦୁର୍ଘଟଣାଗ୍ରସ୍ତଙ୍କୁ ସୋମବାର ଦିନ ସେନ୍‌ ମେଟୋ କାଉଣ୍ଟିସ୍ଥିତ ଡେଭିଲ୍‌ସ୍‌ ସ୍ଲାଇଡ୍‌ରୁ ଉଦ୍ଧାର କରାଯାଇଛି ।

Also Read

ଯିଏ ଦିନେ ହାତ ଧରି କାମ ଶିଖାଇଥିଲେ, ତାଙ୍କୁ ଦେଲେ ଏମିତି ଗୁରୁଦକ୍ଷିଣା...

Read More

ଖାଲ ଦେଖୁ ଦେଖୁ ଗାଡ଼ିରୁ ଗଳି ପଡ଼ିଲେ ମହିଳା ସପ୍ଟୱେର ଇଞ୍ଜିନିୟର, ମାଡ଼ିଗଲା ଟ୍ରକ୍‌

Read More

ବିଧାୟକଙ୍କ ଦାଦାଗିରି, ଗାଡ଼ି ଛାଡ଼ିଲେନି ବୋଲି ଟୋଲ୍‌ଗେଟ୍ କର୍ମଚାରୀଙ୍କୁ ପିଟିଲେ

Read More

ଅଧିକ ପଢ଼ନ୍ତୁ: ନୃଶଂସ ସ୍ୱାମୀ ! ସ୍ତ୍ରୀ ଗର୍ଭଧାରଣ କରିପାରିଲାନି ବୋଲି ଭୀଷଣ ପିଟିଲା, ଆଉ ତା’ପରେ...

This afternoon, deputies responded to a solo vehicle over the side of Hwy 1 south of the Tom Lantos tunnel. Two adults suffered non-life threatening injuries and two children were unharmed. Tremendous collaborative effort btwn SMSO, @CHP_GoldenGate and @calfireSCU pic.twitter.com/sVyKp6LSrc

— San Mateo County S.O (@SMCSheriff) January 3, 2023

ଅଭିଯୁକ୍ତ ଟେସଲା କାରକୁ ୨୫୦ରୁ ୩୦୦ ଫୁଟ୍‌ ତଳକୁ ଖସାଇ ଦେଇଥିଲେ । ଦୁର୍ଘଟଣା ପରେ ଉଦ୍ଧାର କାର୍ଯ୍ୟରେ ଅନେକ ସଂଖ୍ୟାରେ ଅଗ୍ନିଶମ କର୍ମଚାରୀ ନିୟୋଜିତ ହୋଇଥିଲେ । ୪ ବର୍ଷର କୁନି ଝିଅ ଏବଂ ୯ ବର୍ଷର କୁନି ପୁଅକୁ ବଞ୍ଚାଇବା ପାଇଁ ଅଗ୍ନିଶମ କର୍ମଚାରୀମାନଙ୍କୁ ଏକ ବଡ଼ ପଥର ଚଟାଣକୁ ହଟାଇବାକୁ ପଡ଼ିଥିଲା । ଅନ୍ୟପଟେ ହେଲିକପ୍ଟରରୁ ରଶି ପକାଇ ସ୍ୱାମୀସ୍ତ୍ରୀଙ୍କୁ ଉଦ୍ଧାର କରିଛନ୍ତି ଉଦ୍ଧାରକାରୀ ଦଳ । ଏଭଳି ଉଦ୍ଧାର କାର୍ଯ୍ୟ ଅଲୌକିକ ବୋଲି ଦି ନ୍ୟୁୟର୍କ ଟାଇମ୍ସ ସମ୍ବାଦପତ୍ରରେ ଉଲ୍ଲେଖ କରାଯାଇଛି ।

ଅଭିଯୁକ୍ତ ଜାଣିଶୁଣି ଏଭଳି କାଣ୍ଡ ଭିଆଇଥିବା ପ୍ରମାଣ ମିଳିଛି । ପ୍ରମାଣ ଆଧାରରେ ତଦନ୍ତ କରୁଛି ପୋଲିସ୍‌ । ତେବେ ହସ୍ପିଟାଲରୁ ଡିସଚାର୍ଜ ହେବା ପରେ ଧର୍ମେଶ ଏ. ପଟେଲଙ୍କୁ ସାନ୍‌ ମେଟିଓ କାଉଣ୍ଟି ଜେଲ୍‌କୁ ପଠାଯିବ।

ଜଣେ ପ୍ରତ୍ୟେକ୍ଷଦର୍ଶୀଙ୍କ ଠାରୁ ସୂଚନା ପାଇ ଘଟଣାସ୍ଥଳରେ ପହଞ୍ଚିଥିଲା ପୋଲିସ୍‌ ଓ ଅଗ୍ନିଶମ ବାହିନୀ । ଉଦ୍ଧାର ଅଭିଯାନରେ ଯାଇଥିବା କାଲିଫର୍ଣ୍ଣିଆ ଡିପାର୍ଟମେଣ୍ଟ ଅଫ ଫରେଷ୍ଟ୍ରି ଆଣ୍ଡ ଫାୟାର୍ ପ୍ରୋଟେକ୍ସନର ଜଣେ କର୍ମଚାରୀ କହିଛନ୍ତି, ଏତେ ଉପରୁ ପଡ଼ି ବଞ୍ଚିବା ଆଦୌ ସହଜ ନୁହେଁ । ଏହା କୌଣସି ଚମତ୍କାର ଠାରୁ କମ୍‌ ନୁହେଁ । କାର ସିଟ ଯୋଗୁଁ ଦୁଇ ପିଲାଙ୍କ ଜୀବନ ବଞ୍ଚିଯାଇଥିବା ଅନୁମାନ କରାଯାଉଛି ।

OTV is now on Whatsapp

Join and get latest news update delivered to you via whatsapp

Join Now