ସାହସୀ ଡେଲିଭରୀ ବୟ: ନିଜ ଜୀବନକୁ ବାଜି ଲଗାଇ ୫ ଜଣଙ୍କୁ ବଞ୍ଚାଇଲେ

ଦେବଦୂତ ସାଜିଲେ ଡେଲିଭରୀ ବୟ । ନିଜ ଜୀବନକୁ ବାଜିରେ ଲାଗାଇ ନିଆଁ ଭିତରୁ ୫ ଜଣକୁ ଉଦ୍ଧାର କଲେ ଡେଲିଭରୀ ବୟ । ଆମେରିକାର ଇଣ୍ଡିଆନା ରାଜ୍ୟରୁ ସାମ୍ନାକୁ ଆସିଛି ଏହି ନିଆରା ଘଟଣା ।

ଇଣ୍ଡିଆନାର ଥିବା ଜଣଙ୍କ ଘରେ ନିଆଁ ଲାଗିଥିଲା । ନିଆଁ ଲାଗିଥିବାର ଦେଖି ପିଜ୍ଜା ଡେଲିଭରୀ ବୟ ନିଜ ଜୀବନ ସହ ଖେଳି ଘରେ ପଶି ସେଠାରେ ଫସିଥିବା ୫ ଜଣ ପିଲାଙ୍କ ଜୀବନ ବଞ୍ଚାଇଛନ୍ତି । ଘଟଣାକୁ ନେଇ ସ୍ଥାନୀୟ ଲାଫାୟେଟ୍‌ ପୋଲିସ ବିଭାଗ (Lafayette Police Department) ପକ୍ଷରୁ ଟ୍ୱିଟ୍‌ ଯୋଗେ ସୂଚନା ଦିଆଯାଇଛି ।

Also Read

କି ଅଜବ ଚିନ୍ତା ! ଧନୀ ହେବେ ବୋଲି ପିନ୍ଧୁ ନାହାନ୍ତି ଜୋତା, ବିକ୍ରି କରୁଛନ୍ତି ନିଜ ପାଦର ଫଟୋ..

Read More

ମୋଦିଙ୍କ ଗଡ଼ ଉପରେ କେଜ୍ରିୱାଲଙ୍କ ନଜର : ପଞ୍ଜାବ ପରି ଗୁଜରାଟରେ ମାଗଣା ବିଜୁଳି ବଣ୍ଟନ ପାଇଁ ପ୍ରତିଶ୍ରୁତି

Read More

ବିଲ୍‌ ଗେଟ୍‌ସଙ୍କୁ ପଛରେ ପକାଇ ବିଶ୍ୱର ସବୁଠୁ ବଡ଼ ଧନୀ ତାଲିକାରେ ଆଉ ପାଦେ ଆଗେଇଲେ ଗୌତମ ଆଦାନୀ

Read More

Here’s the video to go along with the story. pic.twitter.com/TvZ5wzCg1f

— LafayetteINPolice (@LafayetteINPD) July 15, 2022

ଗତ ଜୁଲାଇ ମାସ ୧୧ ତାରିଖରେ ୨୫ ବର୍ଷିୟ ଯୁବକ ତଥା ଡେଲିଭରୀ ବୟ ନିକୋଲସ୍ ବୋଷ୍ଟିକ୍ ଲାଫାୟେଟ୍‌ ପିଜ୍ଜା ଡେଲୀଭରୀ ପାଇଁ ଯାଉଥିଲେ । ସେହି ସମୟରେ ଏକ ଘରେ ନିଆଁ ଲାଗିଥିବାର ଦେଖି ସେଠାରେ ଫସିଥିବା ପିଲାଙ୍କ ଜୀବନ ବଞ୍ଚାଇଛନ୍ତି ବୋଲି ବିଭାଗ ପକ୍ଷରୁ ଟ୍ୱିଟ୍‌ ମାଧ୍ୟମରେ ସୂଚନା ଦିଆଯାଇଛି ।

ଏହି ଘଟଣାର ସମ୍ପୂର୍ଣ୍ଣ ଦୃଶ୍ୟ ପୋଲିସ୍ ନିଜ କ୍ୟାମେରାରେ କଏଦ୍ କରିଥିଲେ । ଯେଉଁଥିରେ ନିକୋଲସ୍ ଘରେ ପଶି ଛୋଟ ପିଲାଙ୍କୁ ଉଦ୍ଧାର କରୁଥିବାର ଦୃଶ୍ୟ ମଧ୍ୟ କଏଦ୍‌ ହୋଇଛି । ଏହାସହ ଘଟଣା ପରେ ଡେଲିଭରୀ ବୟ ଗୁରୁତର ଆହତ ହୋଇଛନ୍ତି ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି ।

କେବଳ ଏତିକି ନହେଁ ଘଟଣାକୁ ନେଇ ପୋଲିସ ପକ୍ଷରୁ ଏକ ପ୍ରେସ୍‌ ରିଲିଜ୍‌ ମଧ୍ୟ ଜାରି କରାଯାଇଛି । ନିକୋଲସ୍‌ଙ୍କ ଉପସ୍ଥିତ ବୁଦ୍ଧି ପାଇଁ କେତେ ଜୀବନ ବଞ୍ଚିଯାଇଛି । ନିସ୍ୱାର୍ଥପର ଭାବେ ଲୋକଙ୍କ ଜୀବନ ରକ୍ଷା କରି ସେ ସମାଜରେ ଏକ ବଡ଼ ଉଦାହରଣ ସୃଷ୍ଟି କରିଛନ୍ତି ।

Heroic actions of a Lafayette Citizen saves the lives of several children! #hero #inspiring #courage #awesome @City_Lafayette pic.twitter.com/s5eLfNs21Q

— LafayetteINPolice (@LafayetteINPD) July 14, 2022

ତେବେ ଟ୍ୱିଟରରେ ଶେୟାର ହୋଇଥିବା ଭିଡ଼ିଓ ଦେଖି ୟୁଜର୍ସ ନିକୋଲସ୍‌ଙ୍କୁ ଭୁରି ଭୁରି ପ୍ରଶଂସା କରୁଛନ୍ତି ।