ଜୀବିତ ହେଲେ ମୃତ ମହିଳା । ଶବଗୃହରେ ଚାଲିଲା ମହିଳାଙ୍କ ନିଃଶ୍ୱାସ ପ୍ରଶ୍ୱାସ । ଡାକ୍ତରଙ୍କ ମୃତ ଘୋଷଣା ପରେ ମହିଳା କିପରି ଜୀବନ୍ତ ହେଲେ ତାକୁ ନେଇ ଚାଲିଲା ଚର୍ଚ୍ଚା । ଏପରି ଏକ ଘଟଣା ଘଟିଛି ଆମେରିକାର ଆଇଏଏଆର ଗୃହରେ ।
ସୂଚନା ମୁତାବକ ଜଣେ ୬୬ ବର୍ଷିୟ ମହିଳାଙ୍କ ମୃତ୍ୟୁ ହୋଇଥିଲା । ଗ୍ଲେନ୍ ଓଆକ୍ସ ଅଲଝିମର ସ୍ପେଶାଲ କେୟାର ସେଣ୍ଟର ପକ୍ଷରୁ ତାଙ୍କୁ ମୃତ ଘୋଷଣା କରାଯାଇଥିଲା ।
ପରେ ମହିଳା ଜଣକ ବଞ୍ଚିଥିବା ଜଣାପଡ଼ିବା ପରେ ସମ୍ପୃକ୍ତ କେୟାରକୁ ୧୦,୦୦୦ ଡଲାର ଜରିମାନା କରାଯାଇଥିଲା । ସୂଚନା ଅନୁଯାୟୀ ମହିଳା ଜଣ ଡିମେନସିଆ ରୋଗରେ ପୀଡ଼ିତ ହୋଇଥିଲେ । ତାଙ୍କୁ ସ୍ୱାସ୍ଥ୍ୟ ଅଧିକ ଖରାପ ହେବାରୁ ତାଙ୍କୁ ଡିସେମ୍ବର ୨୮ ତାରିଖରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।
ଅଧିକ ପଢ଼ନ୍ତୁ: ଜନ୍ମରୁ ୧୭ ମିନିଟ୍ ପାଇଁ ବନ୍ଦ ହୋଇଗଲା ଶ୍ୱାସକ୍ରିୟା; ୩ ମାସ ପରେ ଘରକୁ ଫେରିଲା
ଫଳରେ ମହିଳା ଜଣକ ଚିକିତ୍ସିତ ହେଉଥିଲେ । ଚିକିତ୍ସା ହେବା ସମୟରେ ତାଙ୍କର ଜାନୁଆରୀ ୫ ତାରିଖରେ ମୃତ୍ୟୁ ହୋଇଥିବା ନେଇ ଘୋଷଣା କରାଯାଇଥିଲା । ମୃତ ଘୋଷଣା ହେବା ପରେ ଲୋକ ମାନେ ମହିଳାଙ୍କୁ ଅନ୍ତିମ ସଂସ୍କାର କରିବାକୁ ନେଇଥିଲେ ।
ମହିଳାଙ୍କୁ ଅନ୍ତିମ ଯାତ୍ରା ପାଇଁ ଶବଗୃହରେ ରଖିଥିବା ବେଳେ ହଠାତ୍ ମହିଳାଙ୍କ ନିଃଶ୍ୱାସ ଚାଲିଥିବା ଦେଖିବାକୁ ମିଳିଥିଲା । ଏନେଇ ଖବର ଜଣାପଡ଼ିବା ପରେ ସମ୍ପୃକ୍ତ କେୟାରକୁ ୧୦,୦୦୦ ଡଲାର ଜରିମାନା କରାଯାଇଛି । ଘଟଣାକୁ ନେଇ ତଦନ୍ତ ଜାରି ରହିଛି ।