• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Otv Khabar Bureau

ନୂଆଦିଲ୍ଲୀ: ଚନ୍ଦ୍ରପୃଷ୍ଠରେ ଦିଶିଲା ଏକ ଅଦ୍ଭୂତ ଦୃଶ୍ୟ । କ୍ୟୁବ୍ ଆକୃତିର ଏକ ବସ୍ତୁ ଚନ୍ଦ୍ରପୃଷ୍ଠରେ ପଡିରହିଥିବାର ଦେଖାଇଛି ଚାଇନାର ଏକ ସ୍ପେସ ଏଜେନ୍ସି ୟୁଟୁ-୨ ଚନ୍ଦ୍ର ରୋଭର୍। ଏହି ଅଦ୍ଭୂତ ଦୃଶ୍ୟ ବର୍ତ୍ତମାନ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି । ସ୍ପେସ୍ ଡଟ୍ କମ୍ ଅନୁଯାୟୀ, ଚନ୍ଦ୍ରର ଦୂର ପାର୍ଶ୍ୱରେ ଥିବା ଭନ୍ କରମାନ କ୍ରାଟର ଦେଇ ଯିବାବେଳେ ରୋଭର ଏହି ବସ୍ତୁକୁ ଦେଖିଥିଲା।

ୟୁଟୁ-୨ ରୋଭର ଚନ୍ଦ୍ରକୁ ଚାଇନାର ଚାଙ୍ଗ ୪ ମିଶନର ଏକ ଅଂଶ । ଏହା ୨୦୧୯ ଠାରୁ ଚନ୍ଦ୍ରର ଦୂର ପାର୍ଶ୍ୱକୁ ଅନୁସନ୍ଧାନ କରୁଛି । ସ୍ପେସ୍ ଡଟ୍ କମ୍ ପକ୍ଷରୁ ସାମ୍ବାଦିକ ଆଣ୍ତ୍ର୍ୟୁ ଜୋନ୍ସ ଶୁକ୍ରବାର ଦିନ ଟ୍ୱିଟ୍ କରି ଏକ ଅସାଧାରଣ ଦୃଶ୍ୟକୁ ଆଲୋକିତ କରିଛନ୍ତି । ସେ ଲେଖିଛନ୍ତି ଯେ ‘ଉତ୍ତର ପାର୍ଶ୍ୱର ଏକ କ୍ୟୁବ୍ ଆକୃତିର ଚିତ୍ର - ଭୋନ୍ କରିମାନ କ୍ରାଟରରେ ଥିବା ରୋଭର ଠାରୁ 80 ମିଟର ଦୂରରେ’ । ସେ ଏକ ଫଲୋଅପ୍ ଟ୍ୱିଟରେ କହିଛନ୍ତି ଯେ ‘ଏହା ଏକ ଓବେଲିସ୍କ କିମ୍ବା ଏଲିଏନ୍ ନୁହେଁ, କିନ୍ତୁ ନିଶ୍ଚିତ ଭାବରେ ଏନେଇ ଯାଞ୍ଚ କରିବାକୁ ହେବ ଯେ ଏହା କ’ଣ?

CNET କହିବା ଅନୁଯାୟୀ, ଏହି ବସ୍ତୁକୁ "ରହସ୍ୟ ଘର" କୁହାଯାଉଛି ଏବଂ ଏହାକୁ ଭଲରେ ଦେଖିବା ପାଇଁ ବୈଜ୍ଞାନିକମାନେ ରୋଭର୍‌କୁ ତାର ନିକଟତରକୁ ନେବେ । ଯଦିଓ ଏହି ଆବିଷ୍କାର ଟ୍ୱିଟରରେ ଏକ ଗୁଜବ ସୃଷ୍ଟି କରିଛି, ଏହାର ସମ୍ଭାବ୍ୟ ବ୍ୟାଖ୍ୟା ହେଉଛି ବସ୍ତୁ ହେଉଛି ଏକ ବୋଲ୍ଡର୍ । ୨୦୧୯ ରେ, ୟୁଟୁ-୨ ଚନ୍ଦ୍ରରେ ଏକ "ସବୁଜ ରଙ୍ଗର ଜେଲ୍ ପରି ପଦାର୍ଥ" ଆବିଷ୍କାର କଲା ଯାହା ପଥର ପରି ଦେଖାଯାଉଥିଲା, ଏହା ଏକ ପଥର ପରି ପଦାର୍ଥ ଯାହା ଖଣିଜ ପଦାର୍ଥ ଏବଂ ପଥର ଏକତ୍ର ହୋକରିଥାଏ । ରୋଭର ନିକଟରେ ଚନ୍ଦ୍ରପୃଷ୍ଠରେ ଏକ ‘ଶାର୍ଡ’ ପାଇଥିଲା, ଯାହାକି ପଥରରେ ପରିଣତ ହୋଇଗଲା ।