LIVE TV
ଦକ୍ଷିଣ ଆଫ୍ରିକାର ଜୋହାନ୍ସବର୍ଗରେ ଗ୍ୟାସ୍ ଟ୍ୟାଙ୍କର ବିସ୍ଫୋରଣ(fuel tanker explosion) । ଏହି ବିସ୍ଫୋରଣରେ ୧୦ ଜଣ ଜୀବନ ହରାଇଥିବା ବେଳେ ୪୦ରୁ ଅଧିକ ଲୋକ ଆହତ ହୋଇଛନ୍ତି । ସମସ୍ତ ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ବିସ୍ଫୋରଣରେ ନିକଟସ୍ଥ ଏକ ହସ୍ପିଟାଲର କିଛି ଅଂଶ, ଦୁଇଟି କୋଠା ଓ ଏକାଧିକ ଗାଡ଼ି ନଷ୍ଟ ମଧ୍ୟ ପୋଡ଼ି ନଷ୍ଟ ହୋଇଯାଇଛି ।
ହସ୍ପିଟାଲ ଠାରୁ ପ୍ରାୟ ୧୦୦ ମିଟର୍ ଦୂରରେ ଥିବା ଏକ ପୋଲ ତଳେ ଟ୍ୟାଙ୍କର୍ଟି ଲାଖିଯାଇଥିଲା । ଆଉ ଘର୍ଷଣ ଯୋଗୁଁ ଟ୍ୟାଙ୍କରରେ ନିଆଁ ଲାଗି ଯାଇଥିବା କୁହାଯାଉଛି । ଗ୍ୟାସ ଟ୍ୟାଙ୍କରରେ ବିସ୍ଫୋରଣ ଏତେ ଶକ୍ତିଶାଳୀ ତଥା ଭୟଙ୍କର ଥିଲା ଯେ ସେଠାରେ ଉପସ୍ଥିତ ଆଠ ଜଣଙ୍କର ବ୍ୟକ୍ତି ଘଟଣାସ୍ଥଳରେ ହିଁ ପ୍ରାଣ ହରାଇଥିଲେ । ଆଉ ଦୁଇ ଜଣଙ୍କର ଚିକିତ୍ସା ସମୟରେ ମୃତ୍ୟୁ ଘଟିଛି ।
Also Read
ଏହି ଦୁର୍ଘଟଣାରେ ମୃତ୍ୟୁ ସଂଖ୍ୟା ୧୦କୁ ବୃଦ୍ଧି ପାଇଥିବାବେଳେ ଅନେକ ଲୋକ ଆହତ ହୋଇଛନ୍ତି । ବିସ୍ଫୋରଣ ଯୋଗୁଁ ଏକ ହସ୍ପିଟାଲ ମଧ୍ୟ କ୍ଷତିଗ୍ରସ୍ତ ହୋଇଛି । ଏହା ପରେ ରୋଗୀମାନଙ୍କୁ ତୁରନ୍ତ ସ୍ଥାନାନ୍ତର କରାଯାଇଥିଲା । ଏହାସହ ଆଖପାଖ ଅଟ୍ଟାଳିକା ଉପରେ ମଧ୍ୟ ବିସ୍ପୋରଣର ପ୍ରଭାବ ପଡ଼ିଛି ।
#BREAKING: Several people killed, others seriously injured in LP gas tank explosion in Boksburg, South Africapic.twitter.com/yI5n60BIDV
— I.E.N. (@BreakingIEN) December 24, 2022
ପୋଲ ତଳ ଦେଇ ଯିବା ସମୟରେ ଗ୍ୟାସ୍ ଟ୍ୟାଙ୍କର ଲାଖିଯାଇଥିବା ସହ ଘର୍ଷଣ ଯୋଗୁଁ ସେଥିରେ ନିଆଁ ଲାଗି ବିସ୍ଫୋରଣ ଘଟିଥିବା କହିଛନ୍ତି ଜରୁରୀକାଳୀନ ସେବାର ଅଧିକାରୀ । ବର୍ତ୍ତମାନ ୧୯ଜଣ ବ୍ୟକ୍ତି ଗୁରୁତର ଆହତ ହୋଇଥିବାରୁ ଆଗାମୀ ସମୟରେ ମୃତ୍ୟୁସଂଖ୍ୟା ବୃଦ୍ଧି ପାଇପାରେ ବୋଲି ଆଶଙ୍କା କରାଯାଉଛି ।
