ପୁଣି ଥରିଲା ତୁର୍କୀ । ଭୂକମ୍ପ କ୍ଷତିଗ୍ରସ୍ତ ତୁର୍କୀରେ ପୁଣି ବଡ଼ ଧରଣର ଭୂକଂପ । ଗତକାଲି ରାତିରେ ଲଗାତାର ଭାବେ ଦୁଇଟି ଝଟ୍କା ଅନୁଭୂତ ହୋଇଛି । ରିକ୍ଟର ସ୍କେଲ୍ରେ ଏହାର ତୀବ୍ରତା ୬.୪ ଓ ୫.୮ ରେକର୍ଡ କରାଯାଇଛି । ତୁର୍କୀ ଓ ସିରିୟାରେ ଏହି ଭୂକଂପ ଝଟ୍କା ଅନୁଭୂତ ହୋଇଛି । ଏଥିରେ ୩ ଜଣଙ୍କର ମୃତ୍ୟୁ ଘଟିଥିବା ବେଳେ ୨ ଶହରୁ ଅଧିକ ଆହତ ହୋଇଥିବା ସୂଚନା ମିଳିଛି ।
Also Read
ଦୁଇ ସପ୍ତାହ ତଳେ ତୁର୍କୀ ଓ ସିରିୟାରେ ବିନାଶକାରୀ ଭୂକଂପ ଆସିବା ଫଳରେ ଦୁଇ ଦେଶ ଏବେ ଧ୍ୱଂସସ୍ତୁପରେ ପରିଣତ ହୋଇସାରିଛି । ଦୁଇ ଦେଶରେ ୪୭ ହଜାରରୁ ଅଧିକ ଲୋକଙ୍କର ମୃତ୍ୟୁ ଘଟିଥିବା ବେଳେ ଲକ୍ଷାଧିକ ଲୋକେ ପ୍ରଭାବିତ ହୋଇଛନ୍ତି । ଭୂକଂପ କ୍ଷତିଗ୍ରସ୍ତ ଅଞ୍ଚଳରେ ଏବେ ବି ଉଦ୍ଧାର କାର୍ଯ୍ୟ ଜାରି ରହିଛି ।