ବିଶ୍ୱର ସର୍ବୋଚ୍ଚ ଡାକଘର : ୧୪ ହଜାର ଫୁଟ୍ ଉପରେ ରହିଛି

ଭାରତରେ ଏମିତି ଅନେକ କିଛ୍ଇ ଅଛି, ଯାହା ବର୍ଷ ବର୍ଷ ଧରି ପର୍ଯ୍ୟଟକଙ୍କ ଦୃଷ୍ଟି ଆକର୍ଷଣ କରିଆସୁଛି। ତାଜମହଲରୁ ନେଇ ଅନେକ ଅନନ୍ୟ ଜିନିଷ ଯୋଗୁଁ ଭାରତ ସାରା ବିଶ୍ୱରେ ପ୍ରସିଦ୍ଧ। କିନ୍ତୁ ଆପଣ ଜାଣନ୍ତି କି ଭାରତରେ ଏପରି ଏକ ଡାକଘର ଅଛି ଯାହାର ନାମ ରେକର୍ଡ ହୋଇଛି? ହିମାଚଳ ପ୍ରଦେଶର ସ୍ପିତିର ହିକ୍କିମରେ ସବୁଠାରୁ ଉପରେ ଏକ ଡାକଘର ନିର୍ମାଣ କରାଯାଇଛି। ଏହାପୂର୍ବରୁ ଏହି ଡାକଘରଟି ମାଟିରେ ତିଆରି ଏକ ଘରେ ଚାଲୁଥିଲା, କିନ୍ତୁ ସେତେବେଳେ ମଧ୍ୟ ଲୋକମାନେ ଏହାକୁ ଦେଖିବା ପାଇଁ ଦୂରଦୂରାନ୍ତରୁ ଆସୁଥିଲେ।

ବର୍ତ୍ତମାନ ହିକ୍କିମର ଏହି ଡାକଘର ପୁଣିଥରେ ଚର୍ଚ୍ଚାରେ ଅଛି। ଏହାର ନବୀକରଣ କରାଯାଇଛି ଏବଂ ବର୍ତ୍ତମାନ ଏହାର ଆକୃତି ଏକ ଲେଟର ବକ୍ସ ପରି ତିଆରି କରାଯାଇଛି। ନିକଟରେ ଏହାର ଉଦ୍‌ଘାଟନ କରାଯାଇଛି। ଏହା ପରେ ଏହାର ଫଟୋ ସୋସିଆଲ ମିଡିଆରେ ସେୟାର କରାଯାଇଛି। ନବୀକରଣ ହେବା ପରଠାରୁ ଏଠାରେ ପର୍ଯ୍ୟଟକଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି। ଲୋକମାନେ କେବଳ ସେଲ୍‌ଫି ନେବା ପାଇଁ ଦୂରଦୂରାନ୍ତରୁ ଏଠାକୁ ଆସନ୍ତି। ଲାଲ ରଙ୍ଗର ଏହି ଡାକଘର ବର୍ତ୍ତମାନ ଲୋକଙ୍କ ଦୃଷ୍ଟି ଆକର୍ଷଣ କରୁଛି।

ପ୍ରତିବର୍ଷ ଲକ୍ଷ ଲକ୍ଷ ଲୋକ ଏହି ଡାକଘରକୁ ଦେଖିବାକୁ ଆସନ୍ତି। ଯେଉଁମାନେ ଏଠାକୁ ଆସନ୍ତି ସେମାନେ ଏହି ଡାକଘରୁ ଚିଠି ପଠାନ୍ତି। ଏଠାରୁ ପଠାଯାଉଥିବା ଚିଠିରେ ଏହା ଲେଖାଯାଏ ଯେ ଏହା ବିଶ୍ୱର ସର୍ବୋଚ୍ଚ ଡାକଘରୁ ପଠାଯାଇଛି। ଏହା ସହିତ, ଏହି ପର୍ଯ୍ୟଟକମାନେ ମଧ୍ୟ ସେମାନଙ୍କ ପ୍ରିୟଜନଙ୍କ ପାଖକୁ ଏଠାକାର ପୋଷ୍ଟ୍‌କାର୍ଡ ଷ୍ଟାମ୍ପ୍‌ ପଠାନ୍ତି। ବର୍ତ୍ତମାନ ଆଶା କରାଯାଉଛି ଯେ ଡାକଘରର ଆକାରରେ ପରିବର୍ତ୍ତନ ହେତୁ ପର୍ଯ୍ୟଟକଙ୍କ ସଂଖ୍ୟା ଆହୁରି ବୃଦ୍ଧି ପାଇବ।

ବହୁ ଆଗରୁ ହିକ୍କିମ୍ ଡାକଘର ପର୍ଯ୍ୟଟକଙ୍କ ଦୃଷ୍ଟି ଆକର୍ଷଣ କରିଆସୁଛି। ପୂର୍ବରୁ ଏହା କେବଳ ମାଟିରେ ତିଆରି ଏକ ଘରେ ଚାଲୁଥିଲା। ଏହା ୧୯୮୩ରୁ ଆରମ୍ଭ ହୋଇଥିଲା। ଏହି ଡାକଘରଟି ସମୁଦ୍ର ପତ୍ତନଠାରୁ ୧୪ ହଜାର ୫ ଶହ ୬୭ ଫୁଟ ଉଚ୍ଚରେ ରହିଛି। ବର୍ତ୍ତମାନ ଏହି ଡାକଘରେ ସ୍ପିତି ଘାଟିର ଫଟୋ ବାଲା ପୋଷ୍ଟ୍‌କାର୍ଡ ମଧ୍ୟ ଉପଲବ୍ଧ। ଏହାକୁ ପର୍ଯ୍ୟଟକମାନେ ସେମାନଙ୍କ ସାଙ୍ଗ ଏବଂ ସମ୍ପର୍କୀୟଙ୍କ ନିକଟକୁ ପଠାଇ ପାରିବେ।