LIVE TV
ଆପଣ ନିଶ୍ଚୟ ଏହା ଦେଖିଥିବ ଯେ ସହରରେ ରହୁଥିବା ପ୍ରାୟ ସମସ୍ତ ଲୋକଙ୍କର ନିଜସ୍ୱ କାର୍ ଅଛି। କିନ୍ତୁ ଆପଣ କେବେ ଏପରି ସହର ବିଷୟରେ ଶୁଣିଛନ୍ତି କି ଯେଉଁଠାରେ ରହୁଥିବା ପ୍ରତ୍ୟେକ ବ୍ୟକ୍ତିଙ୍କର ନିଜସ୍ୱ ବିମାନ ଅଛି ବୋଲି? କେବଳ ଏତିକି ନୁହେଁ, ଏହି ସହରର ଲୋକମାନେ ଅଫିସ୍ କିମ୍ବା ସେମାନଙ୍କ କାମକୁ ଯିବା ପାଇଁ ନିଜର ବିମାନ ମଧ୍ୟ ବ୍ୟବହାର କରନ୍ତି। ଆପଣ ନିଶ୍ଚିତ ଭାବରେ ଏହାକୁ ଟିକେ ଅଜବ ମନେ କରୁଛନ୍ତି, କିନ୍ତୁ ଏହା ସତ।
ବାସ୍ତବରେ, ଏହି ହାୱାଇ ସହର ଆମେରିକାର କାଲିଫର୍ନିଆରେ ଅଛି। ଏହି ସହରରେ ରହୁଥିବା ଅଧିକାଂଶ ଲୋକ ପାଇଲଟ୍। ଏପରି ପରିସ୍ଥିତିରେ ବିମାନ ରହିବା ସାଧାରଣ କଥା। ଏହା ବ୍ୟତୀତ ଏହି ସହରରେ ଡାକ୍ତର, ଓକିଲ ଇତ୍ୟାଦି ମଧ୍ୟ ଅଛନ୍ତି। ଏମାନେ ମଧ୍ୟ ବିମାନ ରଖିବାକୁ ପସନ୍ଦ କରନ୍ତି। ଏହି ସହରରେ ରହୁଥିବା ଲୋକମାନେ ବିମାନକୁ ଏତେ ଭଲ ପାଆନ୍ତି ଯେ ପ୍ରତ୍ୟେକ ଶନିବାର ସକାଳେ ସମସ୍ତେ ଏକତ୍ରିତ ହୋଇ ସ୍ଥାନୀୟ ବିମାନ ବନ୍ଦରକୁ ଯାଆନ୍ତି।
ହାୱାଇ ସହରରେ ଏକ ବିମାନର ମାଲିକ ହେବା ଏକ କାରର ମାଲିକ ହେବା ଭଳି। ଏଠାକାର କଲୋନୀର ଗଳିରେ ଏବଂ ଲୋକଙ୍କ ଘର ସାମ୍ନାରେ ନିର୍ମିତ ହ୍ୟାଙ୍ଗରରେ ବିମାନ ଦେଖିବାକୁ ମିଳେ। ହ୍ୟାଙ୍ଗର ହେଉଛି ସେହି ସ୍ଥାନ ଯେଉଁଠାରେ ବିମାନଗୁଡ଼ିକ ପାର୍କିଂ କରାଯାଇଥାଏ। ଏହି ସହରର ରାସ୍ତାଗୁଡିକ ମଧ୍ୟ ଯଥେଷ୍ଟ ଚଉଡା ଯେପରି ପାଇଲଟ୍ମାନେ ଏହାକୁ ରନ୍ୱେ ଭାବରେ ବ୍ୟବହାର କରିପାରିବେ।
ପ୍ରକାଶଥାଉ ଯେ ଏହି ସହରରେ ବିମାନର ପଙ୍ଖା ନଷ୍ଟ ନ ହେବା ନେଇ ସଡକ ସଂକେତ ଓ ଚିଠି ଅକ୍ଷର ବାକ୍ସଗୁଡିକ ସାଧାରଣଠାରୁ କମ୍ ଉଚ୍ଚତାରେ ସ୍ଥାପିତ ହୋଇଛି। ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଏହି ସହରର ରାସ୍ତାର ନାମ ମଧ୍ୟ ବିମାନ ସହିତ ଜଡିତ, ଯେପରି ବୋଇଙ୍ଗ ରୋଡ୍।
ଦ୍ୱିତୀୟ ବିଶ୍ୱଯୁଦ୍ଧ ପରେ, ଆମେରିକାରେ ବିମାନ ଚଳାଚଳ ଖୁବ୍ ବୃଦ୍ଧି ପାଇଥିଲା। ଏଥିପାଇଁ ଦେଶରେ ଅନେକ ବିମାନବନ୍ଦର ନିର୍ମାଣ କରାଯାଇଥିଲା। ୧୯୩୯ ରେ ସେଠାରେ ପାଇଲଟଙ୍କ ସଂଖ୍ୟା ୩୪,୦୦୦ ଥିଲା, ଯାହା ୧୯୪୬ ସୁଦ୍ଧା ୪,୦୦,୦୦୦ରୁ ଅଧିକ ହୋଇଯାଇଥିଲା। ଏଭଳି ପରିସ୍ଥିତିରେ ଆମେରିକାର ବେସାମରିକ ବିମାନ ଚଳାଚଳ ପ୍ରାଧିକରଣ ଅବସରପ୍ରାପ୍ତ ସାମରିକ ପାଇଲଟ୍ଙ୍କ ରହିବା ପାଇଁ ମଧ୍ୟ ଦେଶରେ ଆବାସିକ ବିମାନବନ୍ଦର ନିର୍ମାଣ ପାଇଁ ପ୍ରସ୍ତାବ ଦେଇଥିଲେ।
