ଶିକ୍ଷକଙ୍କ ବିଦାୟକୁ ସହିପାରିଲେନି ପିଲା; ଘେରିଗଲେ, କାନ୍ଦିଲେ

କିଛି ଦିନ ହେବ ଆପଣ ନିଶ୍ଚିତ ଭାବରେ ୟୁପିର ସରକାରୀ ବିଦ୍ୟାଳୟଗୁଡ଼ିକର ତ୍ରୁଟିର ଖବର ଦେଖିଥିବେ। ଯେଉଁଠାରେ ସରକାରୀ ବିଦ୍ୟାଳୟରେ ଉତ୍ତମ ଶିକ୍ଷା ଏବଂ ବିଦ୍ୟାଳୟରେ ସମ୍ବଳର ଅଭାବ ବିଷୟରେ ନିରନ୍ତର ଖବର ସାମ୍ନାକୁ ଆସିଛି। କିନ୍ତୁ ଆଜିକାଲି ଚନ୍ଦୌଲି ଜନପଦରେ ଏମିତି ଏକ ଭିଡିଓ ଭାଇରାଲ ହେବାରେ ଲାଗିଛି ଯାହା ଏକ ନୂଆ କାହାଣୀ କହୁଛି।

ସରକାରୀ ବିଦ୍ୟାଳୟର ପିଲାମାନେ କିପରି ସେମାନଙ୍କ ଶିକ୍ଷକଙ୍କୁ ଭଲ ପାଆନ୍ତି ତାହା ଜଣେ ଶିକ୍ଷକ ବଦଳି ପରେ ସାମ୍ନାକୁ ଆସିଛି। ଶିକ୍ଷକ ଏବଂ ଛାତ୍ରଛାତ୍ରୀମାନଙ୍କ ସମ୍ପର୍କ କିପରି, ଗୁରୁଙ୍କ ବିଦାୟ ସମୟରେ ପିଲାମାନେ ଦେଖାଇଛନ୍ତି ଆଉ କୋହ ଉଠେଇ କାନ୍ଦିଛନ୍ତି। ଏହି ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି।

ଚକିଆ ବ୍ଲକର ପାହାଡ ଅଞ୍ଚଳରେ ନକ୍ସଲ ଅଞ୍ଚଳ ନିକଟରେ ଥିବା ରତିଗଡ କମ୍ପୋଜିଟ୍ ସ୍କୁଲର ସହକାରୀ ଶିକ୍ଷକ ବଦଳି ହେବା ପରେ ଜୁଲାଇ ୧୨ ରେ ଏକ ବିଦାୟ ସମାରୋହ ଅନୁଷ୍ଠିତ ହୋଇଥିଲା। ଏଥିରେ ଶିକ୍ଷକଙ୍କୁ ସମ୍ମାନିତ କରାଯାଇଥିଲା। କିନ୍ତୁ ଯେତେବେଳେ ଏହି ଶିକ୍ଷକ ବିଦ୍ୟାଳୟ ଛାଡିବା ଆରମ୍ଭ କଲେ, ପିଲାମାନେ ଏହାକୁ ସହି ପାରିଲେ ନାହିଁ ଏବଂ କାନ୍ଦିବାକୁ ଲାଗିଲେ। ଯଦିଓ ଶିକ୍ଷକ ଜଣଙ୍କ ପିଲାମାନଙ୍କୁ ବୁଝାଉଥିଲେ, କିନ୍ତୁ ଫିଲାମାନଙ୍କ ଭଲ ଦେଖି ଶିକ୍ଷକଙ୍କ ଆଖି ମଧ୍ୟ ଲୁହରେ ଭରିଗଲା ଏବଂ ତାଙ୍କ ଗଳା ମଧ୍ୟ ରୁନ୍ଧି ହୋଇଗଲା।

୭ ସେପ୍ଟେମ୍ବର ୨୦୧୮ ରେ, ଶିକ୍ଷକ ଶିବେନ୍ଦ୍ର ସିଂହଙ୍କୁ ଚକିଆ ବ୍ଲକର ରତିଗଡ ପ୍ରାଥମିକ ବିଦ୍ୟାଳୟରେ ସହକାରୀ ଶିକ୍ଷକ ଭାବରେ ନିଯୁକ୍ତ କରାଯାଇଥିଲା। ପାହାଡ଼ିଆ ଅଞ୍ଚଳରେ ଅବସ୍ଥିତ ଏହି ବିଦ୍ୟାଳୟକୁ ଏକ ମିଶ୍ରିତ ବିଦ୍ୟାଳୟ ଭାବରେ ପଞ୍ଚମ ଶ୍ରେଣୀରୁ ସପ୍ତମ ଶ୍ରେଣୀ ପର୍ଯ୍ୟନ୍ତ ଉନ୍ନୀତ କରାଯାଇଥିଲା। ଶିକ୍ଷକ ଶିବେନ୍ଦ୍ର ସିଂ ନୂଆ ଶିକ୍ଷା ପଦ୍ଧତି ଗ୍ରହଣ କରି ପିଲାମାନଙ୍କୁ ପଢଉଥିଲେ ଏବଂ ସେମାନଙ୍କୁ ଆଧୁନିକ ଢଙ୍ଗରେ ଶିକ୍ଷା ଦେବା ଆରମ୍ଭ କରିଥିଲେ।

ପିଲାମାନଙ୍କୁ ଖେଳ ମାଧ୍ୟରେ ଶିକ୍ଷା ଦେବା, ସୋସିଆଲ ମିଡିଆ ମାଧ୍ୟମରେ ପିଲାମାନଙ୍କୁ ସଚେତନ କରାଇବା ଏବଂ ପିଲାମାନଙ୍କ ସହିତ ବିଭିନ୍ନ ପ୍ରକାରର ଖେଳ ଖେଳିବା ତାଙ୍କର ନୂଆ ଶିକ୍ଷା ପଦ୍ଧତୀ ଥିଲା। ଏହି କାରଣରୁ ଶିବେନ୍ଦ୍ର ପିଲାମାନଙ୍କ ମଧ୍ୟରେ ବହୁତ ଲୋକପ୍ରିୟ ଥିଲେ। ପାହାଡ଼ିଆ ଅଞ୍ଚଳର ପିଲାମାନେ ବହୁ ସଂଖ୍ୟାରେ ବିଦ୍ୟାଳୟକୁ ଆସିବା ଆରମ୍ଭ କଲେ ଏବଂ ଶିକ୍ଷକ ଶିବେନ୍ଦ୍ର ଏବଂ ଛାତ୍ରମାନଙ୍କ ମଧ୍ୟରେ ଏକ ନିବିଡ ସମ୍ପର୍କ ସୃଷ୍ଟି ହେଲା।

ଶିକ୍ଷକ ଶିବେନ୍ଦ୍ର ସିଂହ ପିଲାମାନଙ୍କ ସହିତ ତଳେ ବସି ପାଠ ପଢଉଥିଲେ ଏବଂ ସେମାନଙ୍କୁ ସମସ୍ତ ପ୍ରକାର ସୂଚନା ଦେଉଥିଲେ। ୪ ବର୍ଷ ବିତିଗଲା ଏବଂ ୧୨ଜୁଲାଇ ମଧ୍ୟ ଆସିଗଲା ଯେତେବେଳେ ସହକାରୀ ଶିକ୍ଷକ ଭାବରେ ନିଯୁକ୍ତ ଶିବେନ୍ଦ୍ର ସିଂହଙ୍କୁ ଅନ୍ୟ ଜିଲ୍ଲାକୁ ସ୍ଥାନାନ୍ତର କରାଗଲା। ଏଥିପାଇଁ ବିଦ୍ୟାଳୟରେ ଏକ ବିଦାୟ ସମାରୋହ ଆୟୋଜିତ ହେଲା। ଏଥିରେ ବହୁ ସଂଖ୍ୟକ ଛାତ୍ରଛାତ୍ରୀ ଏବଂ ସେମାନଙ୍କ ପିତାମାତା ଯୋଗଦେଇଥିଲେ। ଏଥିରେ ପିଲାମାନେ ଏବଂ ସେମାନଙ୍କ ବାପାମାଆ ସେମାନଙ୍କର ସକ୍ଷମ ଅନୁଯାୟୀ ଶିକ୍ଷକ ଶିବେନ୍ଦ୍ରଙ୍କୁ ଉପହାର ଦେଇଥିଲେ।

यूपी के चंदौली जब प्राथमिक विद्यालय के शिक्षक शिवेंद्र का तबादला हुआ तो बच्चे उनसे लिपट गए रोने लगे … pic.twitter.com/3oBVtp6kjT

— Saurabh shukla (@Saurabh_Unmute) July 15, 2022

କିନ୍ତୁ ଯେତେବେଳେ ଶିବେନ୍ଦ୍ର ବିଦ୍ୟାଳୟ ଛାଡିବା ଆରମ୍ଭ କଲେ, ସେତେବେଳେ ପିଲାମାନଙ୍କର ଧୈର୍ଯ୍ୟର ବନ୍ଧ ଭାଙ୍ଗିଗଲା ଏବଂ ସେମାନେ କାନ୍ଦିବାକୁ ଲାଗିଲେ ଏବଂ ଶିକ୍ଷକଙ୍କୁ ଘେରି ରହିଲେ। ଏହା ଦେଖି ଶିବେନ୍ଦ୍ରଙ୍କ ଆଖି ମଧ୍ୟ ଛଳଛଳ ହେଇଗଲା, ତାଙ୍କ ଗଳା ରୁନ୍ଧି ହେଇଗଲା। ସତେଯେପରି ଲାଗୁଥିଲା ଯେ ଶିବେନ୍ଦ୍ର ମଧ୍ୟ କାନ୍ଦି ପକେଇବେ। ତଥାପି, ସେ ପିଲାମାନଙ୍କୁ ବହୁତ ବୁଝାଇଥିଲେ ଏବଂ ଆଶ୍ୱାସନା ଦେଇଥିଲେ ଯେ ସେ ନିଶ୍ଚିତ ସେମାନଙ୍କୁ ଭେଟିବାକୁ ଆସିବେ।

ଶିକ୍ଷକ ଶିବେନ୍ଦ୍ର କହିଛନ୍ତି ଯେ “ୟୁପିରେ ଚନ୍ଦୌଲି ପରି କୌଣସି ପ୍ରାକୃତିକ ପରିବେଶ ନାହିଁ। ପାହାଡ଼ିଆ ଅଞ୍ଚଳରେ ପିଲାମାନଙ୍କ ସହିତ ପାଠପଢା, ସେମାନଙ୍କ ସହିତ ଖେଳିବା ନିଆରା। ଯଦିଓ ସେମାଙ୍କଠାରୁ ଅଲଗା ହେବା ମୋ ପାଇଁ ଅସହ୍ୟ, କିନ୍ତୁ ମୋତେ ଯିବାକୁ ପଡିବ।”