LIVE TV
କୁନି ବୟସରେ ଅଙ୍ଗଦାନ କରି ଅମର ହୋଇଗଲେ ପ୍ରତ୍ୟୁଷ । ପୁଅର ଶେଷ ମୁହୂର୍ତ୍ତର ମହତ କାମ ପାଇଁ ଆଜି ବାପା ମା'ଙ୍କୁ ସାଲ୍ୟୁଟ୍ କରୁଛି ସମାଜ । ଆମେ କହୁଛୁ ବାଲେଶ୍ୱର ଜିଲ୍ଲା ଦେବେନ୍ଦ୍ରପୁର ଗ୍ରାମର ୧୯ ମାସର ଶିଶୁ ରାଷ୍ଟ୍ରୀୟ ସମ୍ମାନିତ ପ୍ରତ୍ୟୁଷ ପାଣିଗ୍ରାହୀଙ୍କ କଥା । ଅଙ୍ଗଦାନ କରି ୩ ଜୀବନ ବଞ୍ଚାଇ ଆଜି ଅମର ହୋଇଯାଇଛନ୍ତି । ଯାହାକୁ ନେଇ ଆଜି ଗର୍ବିତ ପ୍ରତ୍ୟୁଷଙ୍କ ମା' ଶର୍ମିଷ୍ଠା ପାଣିଗ୍ରାହୀ ଓ ବାପା ଗୌରୀଶଙ୍କର ପାଣିଗ୍ରାହୀ ।
ସମସ୍ତେ ଏଭଳି ନିଷ୍ପତ୍ତି ନେଇ ଅଙ୍ଗଦାନ କରିବା ପାଇଁ ଆଗେଇ ଆସିବା ଦରକାର ବୋଲି ଆହ୍ୱାନ ମଧ୍ୟ କରିଛନ୍ତି । ପ୍ରତ୍ୟୁଷ ଦୁରାରୋଗ୍ୟ ରୋଗରେ ପୀଡିତ ହେବାପରେ ତାଙ୍କର ଚିକିତ୍ସା ଚାଲିଥିଲା । ମାତ୍ର ବହୁ ଚିକିତ୍ସା ଓ ଡାକ୍ତରଙ୍କ ଅକ୍ଲାନ୍ତ ପରିଶ୍ରମ ପରେ ଶେଷରେ ବିଫଳ ହୋଇଥିଲେ ଡାକ୍ତର । ଏହାପରେ ବାପାମାଆ ନେଇଥିଲେ ବଡ଼ ନିଷ୍ପତ୍ତି । ପୁଅର ସ୍ମୃତି ସବୁଦିନ ଉଜ୍ଜୀବିତ ରଖିବା ପାଇଁ ବାପା ମାଆ ପୁଅର ଅଙ୍ଗଦାନ କରିବା ପାଇଁ ନିଷ୍ପତ୍ତି ନେଇଥିଲେ ।
ପ୍ରତ୍ୟୁଷଙ୍କ ଲିଭର ଦିଲ୍ଲୀର ଜଣେ ଛୋଟ ପିଲା ଏବଂ ଚେନ୍ନାଇର ଜଣେ ପିଲା ଠାରେ ହାର୍ଟ ଲାଗିଥିବାବେଳେ, ଏମ୍ସରେ ମଧ୍ୟ ଏକ ବ୍ୟକ୍ତିଙ୍କ ଦେହରେ ପ୍ରତ୍ୟୁଷଙ୍କ ଅଙ୍ଗ ଲାଗିଥିଲା । ରାଜ୍ୟ ସରକାରଙ୍କ ପକ୍ଷରୁ ଏଥିପାଇଁ ପ୍ରତ୍ୟୁଷଙ୍କ ବାପା ମାଙ୍କୁ ସୁରଜ ପୁରସ୍କାରରେ ସମ୍ମାନିତ କରାଯାଇଛି ।
Also Read
କୁନି ବୟସରେ ଅଙ୍ଗଦାନ କରି ଅମର ହୋଇଗଲେ ପ୍ରତ୍ୟୁଷ। ଅଙ୍ଗଦାନ କରି ୩ ଜଣଙ୍କ ଜୀବନ ବଞ୍ଚାଇଲା ୧୯ ମାସର ଶିଶୁ । ମହତ କାମ ପାଇଁ ଆଜି ବାପା ମା'ଙ୍କୁ ସାଲ୍ୟୁଟ୍ କରୁଛି ସମାଜ।#OrganDonate #Balasore #OTV pic.twitter.com/00BhQRQmxf
— ଓଟିଭି (@otvkhabar) August 14, 2024
