ଏହି ମହିଳାଙ୍କୁ ପସନ୍ଦ ନୁହେଁ ପୋଷାକ, ସାରା ଶରୀର ଟାଟୁରେ ଆଚ୍ଛାଦିତ

ଶୌକ ଏକ ବଡ କଥା। କିଛି ଲୋକଙ୍କର ଶୌକ ଥାଏ ଯେ ଦୁନିଆକୁ ଦେଖିବା ପାଇଁ, ସେହି ଆଉ କିଛି ଲୋକଙ୍କ ଶୌକ ସେମାନଙ୍କୁ ଦୁନିଆରେ ଲୋକପ୍ରିୟ କରିଦିଏ। ଏମିତି କିଛି ଶୌକ ଅଛି ଯାହା ଶୁଣିବାକୁ ସ୍ୱାଭାବିକ ମନେହେବ କିନ୍ତୁ କିଛି ଶୌକ ଏତେ ଅଦ୍ଭୁତ ଯେ ଏହାକୁ ବିଶ୍ୱାସ କରିବା ମଧ୍ୟ କଷ୍ଟକର ହୋ‍ଇପଡେ। ଦୁନିଆ ଏପରି ଲୋକଙ୍କୁ ପାଗଳ କହିବା ଆରମ୍ଭ କରେ। ଏହିପରି ଜଣେ ପାଗଳ ମହିଳା ଆଜିକାଲି ଚର୍ଚ୍ଚାରେ ଅଛନ୍ତି।

ଯେଉଁ ମହିଳାଙ୍କ ବିଷୟରେ କୁହାଯାଉଛି ସେ ହେଲେ ଫିନଲ୍ୟାଣ୍ଡରେ ରହୁଥିବା ତିନି ପିଲାଙ୍କ ମାଆ ଆଲେକ୍ସଜାଣ୍ଡ୍ରା ଜସ୍ମିନ୍। ସେ ଟାଟୁକୁ ଖୁବ ଭଲ ପାଆନ୍ତି। କିନ୍ତୁ ତାଙ୍କର ଏହି ଶୌକ କେତେବେଳେ ଯେ ଏକ କ୍ରେଜ୍‌ର ରୂପ ନେଲା, ସେ ମଧ୍ୟ ବୁଝି ପାରିଲେ ନାହିଁ। ସେ ଏହି କ୍ରେଜ୍‌ରେ ଏମିତି କିଛି କାମ କରିଛନ୍ତି ଯେ ଆଜି ତାଙ୍କୁ ନେଇ ଏକ ଜବରଦସ୍ତ ଚର୍ଚ୍ଚା ହେଉଛି।

ଆଲେକ୍ସଜାଣ୍ଡ୍ରା ଜସ୍ମିନ୍ ନିକଟରେ ତାଙ୍କ ଇନଷ୍ଟାଗ୍ରାମରେ ତାଙ୍କର ଏକ ଅଦ୍ଭୁତ ଫଟୋ ଶେୟାର କରିଛନ୍ତି। ଏହି ଫଟୋରେ ସେ ନିଜ ଶରୀରକୁ କେବଳ ଟାଟୁରେ ହିଁ ଆଚ୍ଛାଦିତ କରିଛନ୍ତି। ଏହି କାରଣରୁ, ସେ ଆଉ ପୋଷାକ ପିନ୍ଧିବାର ଆବଶ୍ୟକତା ଅନୁଭବ କରି ନାହାନ୍ତି। ତାଙ୍କର ଏହି ଫଟୋ ପାଇଁ ସେ ଚର୍ଚ୍ଚାର କାରଣ ହୋଇଛନ୍ତି। ଇନ୍‌ଷ୍ଟାଗ୍ରାମ୍‌ରେ ତାଙ୍କର ପ୍ରାୟ ୧ ଲକ୍ଷ ୭୬ ହଜାର ଫଲୋର୍ସ ଥିବା ବେଳେ ଆଲେକ୍ସଜାଣ୍ଡ୍ରା ପ୍ରାୟତଃ ଏହିପରି ଫଟୋ ସେମାନଙ୍କ ସହିତ ଶେୟାର କରନ୍ତି।

ତିନି ସନ୍ତାନର ମା’ ଆଲେକ୍ସଜାଣ୍ଡ୍ରା ପ୍ରକୃତରେ ଜଣେ ଟାଟୁ ଆର୍ଟିଷ୍ଟ୍‌। ସେ ପ୍ରାୟତଃ ଇନ୍‌ଷ୍ଟାଗ୍ରାମ୍‌ରେ ନିଜର ଉଲଗ୍ନ ଫଟୋ ଶେୟାର କରନ୍ତି। ତେବେ ଅନେକ ସମୟରେ ସେ ଟାଟୁକୁ ଦେଖେଇବା ପାଇଁ ବିକିନି ପିନ୍ଧନ୍ତି। ଯଦି ଆମେ ତାଙ୍କ ଶରୀରରେ କରାଯାଇଥିବା ଟାଟୁ ବିଷୟରେ ଆଲୋଚନା କରିବା, ତା’ହେଲେ ତାଙ୍କ ମୁହଁକୁ ଛାଡି ସମଗ୍ର ଶରୀର ଚିତ୍ରିତ ହୋଇଯାଏ।

View this post on Instagram

A post shared by Aleksandra Jasmin (@aleksandrajasmin)

ଆଲେକ୍ସଜାଣ୍ଡ୍ରା ତାଙ୍କ ଶରୀରରେ ଅନେକ ପ୍ରକାରର ଟାଟୁ ତିଆରି କରିଛନ୍ତି। ଏଥିରେ ପେଟରେ ଏକ ବଡ ବିଲେଇର ଟାଟୁ ମଧ୍ୟ ରହିଛି। ଏଥିସହ, ସେ ତାଙ୍କ ନାଭି ତଳେ ଏକ ଖପୁରୀର ଟାଟୁ କରିଛନ୍ତି। ଖବର ଲେଖାହେବା ପର୍ଯ୍ୟନ୍ତ, ଏହି କଳା ପାଇଁ ଆଲେକ୍ସଜାଣ୍ଡ୍ରା ପ୍ରାୟ ୧୬ ଲକ୍ଷ ୩୦ ହଜାର ଟଙ୍କା ଖର୍ଚ୍ଚ କରିଛନ୍ତି।

ଅନେକ ଲୋକ ସୋସିଆଲ ମିଡିଆରେ ତାଙ୍କ ଲୁକ୍‌କୁ ପ୍ରଶଂସା କରୁଥିବାବେଳେ ଅନେକ ତାଙ୍କୁ ପରିହାସ ମଧ୍ୟ କରୁଛନ୍ତି। ଅନେକ ଲୋକ ତାଙ୍କୁ ଦୁନିଆର ସବୁଠାରୁ ସୁନ୍ଦର ମହିଳା ବୋଲି କହିଛନ୍ତି। ସେହି ସମୟରେ, ଏପରି ଅନେକ ଲୋକ ମଧ୍ୟ ଅଛନ୍ତି, ଯେଉଁମାନେ ଆଲେକ୍ସଜାଣ୍ଡ୍ରାଙ୍କୁ ଟ୍ରୋଲ୍ କରୁଛନ୍ତି।