LIVE TV
ବିଶ୍ୱର ଧନୀ ତାଲିକାରେ ରତନ ଟାଟା, ମୁକେଶ ଅମ୍ୱାନୀ, ଅନୀଲ ଅମ୍ବାନୀ, ଗୌତମ ଆଦାନୀଙ୍କ ପରି କିଛି ଭାରତୀୟଙ୍କ ନାଁ ରହିଛି। ହେଲେ ଏମାନଙ୍କଠାରୁ ଜଣେ ବ୍ୟବସାୟୀ ଢେର୍ ଧନୀ ଥିଲେ। ଯାହାଙ୍କର ଅଚଳାଚଳ ସଂପତ୍ତି ସହ ପ୍ରତିପତ୍ତି ବି ରହିଥିଲା। ହେଲେ ବର୍ତ୍ତମାନ ସେ ଧନ ସଂପତ୍ତି ବାଦ୍ ଦେଇ ଭଡ଼ା ଘରେ ରହୁଛନ୍ତି। ଦୁର୍ବିସହ ଜୀବନ ବିତାଉଛନ୍ତି। ଆପଣ ଜାଣନ୍ତି କି କିଏ ସେ ବ୍ୟକ୍ତି?
ରେମଣ୍ଡ ଗ୍ରୁପର ଚେୟାରମ୍ୟାନ୍ ତଥା ପରିଚାଳନା ନିର୍ଦ୍ଦେଶକ ଗୌତମ ସିଂହାନିଆଙ୍କୁ ସମସ୍ତେ ଜାଣନ୍ତି। ରେମଣ୍ଡର ବଜାର ମୂଲ୍ୟ ପ୍ରାୟ ୧୧୫୩୯ କୋଟି ଟଙ୍କା। ମାତ୍ର ତାଙ୍କ ପିତା ବିଜୟପାଟ ସିଙ୍ଗାନିଆଙ୍କ ବିଷୟରେ ଖୁବ୍ କମ୍ ଲୋକ ଜାଣନ୍ତି। ସମଗ୍ର ରେମଣ୍ଡ ସାମ୍ରାଜ୍ୟର ନେତୃତ୍ୱ ନେଇ ବିଜୟପାଟ ସିଙ୍ଗାନିଆ ଭାରତର ସବୁଠାରୁ ଧନୀ ବ୍ୟକ୍ତି ଥିଲେ। ନାମୀଦାମୀ ବ୍ୟବସାୟୀଙ୍କ ଭିତରେ ସେ ଗଣାଯାଉଥିଲେ।
Also Read
ଦାଦା ଜି.କେ ସିଙ୍ଗାନିଆଙ୍କ ମୃତ୍ୟୁ ପରେ ସେ ରେମଣ୍ଡର ନେତୃତ୍ୱ ନେଇଥିଲେ। ବିଜୟପାଟ ସିଙ୍ଗାନିଆ ଖୁବ୍ କମ୍ ବୟସରେ ପାରିବାରିକ ବିବାଦରେ ଛନ୍ଦି ହୋଇଥିଲେ। ଦାଦାଙ୍କ ମୃତ୍ୟୁ ପରେ ରେମଣ୍ଡକୁ ଅନ୍ୟ ସମ୍ପର୍କୀୟମାନେ ହତେଇବାକୁ ଚେଷ୍ଟା କଲେ। ମାତ୍ର ବିଜୟପାଟ ସିଙ୍ଗାନିଆ ରେମଣ୍ଡକୁ ଲୋକପ୍ରିୟ କରିଥିଲେ।
ବିଜୟପତ ସିଂଘାନିଆଙ୍କର ତାଙ୍କ ବଡ଼ ପୁଅ ମଧୁପତି ସିଂଘାନିଆଙ୍କ ସହ ସମ୍ପର୍କ ଭଲ ନଥିଲା । ଏଭଳି ପରିସ୍ଥିତିରେ ମଧୁପତି ନିଜ ପିତାଙ୍କ ସମ୍ପତ୍ତି ଛାଡି ସିଙ୍ଗାପୁର ଚାଲି ଯାଇଥିଲେ । ଏହାପରେ ଗୌତମ ସିଂହାନିଆଙ୍କୁ ରେମଣ୍ଡର ନିର୍ଦ୍ଦେଶକ ପଦରେ ପଦୋନ୍ନତି ମିଳିଥିଲା। ବିଜୟପତ ତାଙ୍କ ସାନ ପୁଅ ଗୌତମ ସିଂହାନିଆଙ୍କୁ ରେମଣ୍ଡ ପରିବାର ଘର ଜେକେ ହାଉସ୍ ପ୍ରଦାନ କରିଥିଲେ। ଏହାର କିଛିଦିନ ପରେ ଗୌତମ,ପିତାଙ୍କୁ ଘରୁ ବାହାର କରିଦେଇଥିଲେ।
ବିଜପାଥ ସିଙ୍ଗାନିଆ ଜାତୀୟ ଗଣମାଧ୍ୟମକୁ ଦେଇଥିବା ଏକ ସାକ୍ଷାତକାରରେ କହିଛନ୍ତି ଯେ, ବର୍ତ୍ତମାନ ଚଳିବା ତାଙ୍କ ପାଇଁ କଷ୍ଟକର ହୋଇପଡିଛି। ବିଳାସପୂର୍ଣ୍ଣ ଜୀବନ ଛାଡି ସେ ମୁମ୍ୱାଇରେ ଭଡ଼ାରେ ରହୁଛନ୍ତି। ଜଣେ ସଫଳ ବ୍ୟବସାୟୀ ହେବା ବ୍ୟତୀତ ବିଜୟପଥ ସିଙ୍ଗାନିଆ ଜଣେ ଦକ୍ଷ ପାଇଲଟ୍ ଯିଏ ରତନ ଟାଟାଙ୍କ ସମ୍ପର୍କୀୟ ଜେଆରଡି ଟାଟାଙ୍କୁ ତାଙ୍କର ପ୍ରେରଣା ବୋଲି ମାନନ୍ତି।
