୧୦୦ କେଜିର କେକ୍ କାଟି କୁକୁରର ଜନ୍ମଦିନ ପାଳିଲେ ମାଲିକ

ପଶୁମାନଙ୍କ ମଧ୍ୟରେ କୁକୁର ହେଉଛି ମଣିଷର ଅତି ନିକଟତମ ଏବଂ ସବୁଠାରୁ ବିଶ୍ୱସ୍ତ। ସେମାନଙ୍କର ମଧ୍ୟ ଭାବନା ଅଛି, ଯାହାକୁ ସେମାନେ ପ୍ରେମ କିମ୍ବା କ୍ରୋଧରେ ପ୍ରକାଶ କରନ୍ତି। ଲୋକମାନେ ସୋସିଆଲ ମିଡିଆରେ ନିଜ ପୋଷା କୁକୁର ସହିତ ସେଲ୍‌ଫି ଏବଂ ଭିଡିଓ ଶେୟାର କରନ୍ତି, ଯେଉଁଥିରେ ସେମାନଙ୍କ ପ୍ରେମ ଏବଂ ବଣ୍ଡିଂ ସ୍ପଷ୍ଟ ଦେଖାଯାଏ।

ଆଜିକାଲି ସୋସିଆଲ୍‌ ମିଡିଆରେ ଏହିପରି ଏକ ଭିଡିଓ ବହୁତ ଭାଇରାଲ ହେବାରେ ଲାଗିଛି, ଯାହା ଦେଖିଲେ ଆପଣ ବି ଆଶ୍ଚର୍ଯ୍ୟ ହେବେ। ଭାଇରାଲ୍‌ ହେଉଥିବା ଏହି ଭିଡିଓରେ ଜଣେ ମାଲିକ ତାଙ୍କ ପୋଷା କୁକୁରର ଜନ୍ମଦିନରେ ୧୦୦ କିଲୋଗ୍ରାମର କେକ୍ କାଟିଥିବା ନଜର ଆସିଛନ୍ତି।

ଆଜି ପର୍ଯ୍ୟନ୍ତ, ଆପଣ ନିଶ୍ଚୟ ଦେଖିଥିବେ ଯେ ଲୋକମାନେ ନିଜ ପିଲା କିମ୍ବା ସେମାନଙ୍କ ପରିବାରର ଅନ୍ୟ କୌଣସି ସଦସ୍ୟଙ୍କ ବଡ ବଡ କେକ୍ କାଟିଥାନ୍ତି। କିନ୍ତୁ ନିକଟରେ ଜଣେ ବ୍ୟକ୍ତି ତାଙ୍କ ପ୍ରିୟ ପୋଷା କୁକୁର ପାଇଁ ୧୦୦ କିଲୋଗ୍ରାମର କେକ୍ କାଟି ସମସ୍ତଙ୍କୁ ଆଶ୍ଚର୍ଯ୍ୟ କରିଛନ୍ତି। ଏହି ଜନ୍ମଦିନ ଭୋଜିରେ ପ୍ରାୟ ୪ ହଜାର ଲୋକ ମଧ୍ୟ ଯୋଗ ଦେଇଥିଲେ।

ଭାଇରାଲ୍ ହେଉଥିବା ଏହି ଭିଡିଓ କର୍ଣ୍ଣାଟକର ବେଲଗାମର ବୋଲି ଜଣାଯାଇଛି। ଏଠାରେ ଏକ ବିଳାସପୂର୍ଣ୍ଣ ପାର୍ଟିର ଆୟୋଜନ କରାଯାଇଥିଲା। କୁହାଯାଉଛି ଯେ ତୁକ୍କନଟ୍ଟୀ ଗ୍ରାମପଞ୍ଚାୟତ ସଦସ୍ୟ ଶିବପ୍ପା ମରଡୀ ତାଙ୍କ ପୋଷା କୁକୁରର ଜନ୍ମଦିନରେ ଏହି ପାର୍ଟିର ଆୟୋଜନ କରିଥିଲେ। ଭିଡିଓରେ ଦେଖାଯାଇଥିବା ଏହି କୁକୁରର ନାମ କୃଷ ବୋଲି କୁହାଯାଉଛି।

ଭିଡିଓରେ ଦେଖାଯାଇଥିବା କୁକୁରଟି ବେକରେ ଏକ ରେଶମ ସ୍କାର୍ଫ ବାନ୍ଧିଥିବା ବେଳେ ମୁଣ୍ଡରେ ଏକ ଟୋପି ପିନ୍ଧିଛି। କୁକୁର ଦ୍ୱାରା କେକ୍ କାଟିବାର ଏହି ଭିଡିଓ ବହୁତ ଭାଇରାଲ୍ ହେବାରେ ଲାଗିଛି। ଏହି ସମୟରେ ଭୋଜିରେ ଯୋଗ ଦେଇଥିବା ଲୋକଙ୍କ ପାଇଁ ମଧ୍ୟ ଖାଦ୍ୟ ବ୍ୟବସ୍ଥା କରାଯାଇଥିଲା। ଏହି ସମୟରେ କୁକୁର ପାଇଁ ଏକ ଶୋଭାଯାତ୍ରା ମଧ୍ୟ ବାହାରିଥିଲା।