ଭାରତୀୟ ବାୟୁସେନା ପାଖରେ ଥିଲା ହାତୀ ଆକୃତି ହେଲିକପ୍ଟର

ଦୀର୍ଘ ୭୫ ବର୍ଷ ପୂର୍ବେ ଅର୍ଥାତ ୧୯୪୭ ମସିହା ଅଗଷ୍ଟ ୧୫ରେ ଆମ ଦେଶ ସ୍ୱାଧୀନ ହେଲା। ବହୁତ ଅସୁବିଧାରେ ଆମେ ସ୍ୱାଧୀନତା ପାଇଲୁ। ଏଭଳି ପରିସ୍ଥିତିରେ ଦେଶର ସୀମାର ସୁରକ୍ଷା ପାଇଁ ଦେଶରେ ସେନାକୁ ମଜଭୁତ କରିବାକୁ ଉଦ୍ୟମ କରାଯାଇଥିଲା। ସେତେବେଳେ ଆମର ସାମରିକ ଶକ୍ତି ବହୁତ କମ ଥିଲା। କିନ୍ତୁ ସରକାର ସେନାକୁ ମଜଭୁତ କରିବା ସପକ୍ଷରେ ଥିଲେ। ବର୍ତ୍ତମାନ ଆମେ ଏକ ସାମରିକ ଶକ୍ତିଶାଳୀ ଦେଶ ହୋଇପାରିଛେ।

ବର୍ତ୍ତମାନ ସାମରିକ ସମ୍ବନ୍ଧୀୟ ଅନେକ ଜିନିଷ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଆଜି ବି ଏକ ଫଟୋ ଭାଇରାଲ ହେବାରେ ଲାଗିଛି। ଏହି ଫଟୋ ଦେଖିବା ପରେ ଆପଣ ଆଶ୍ଚର୍ଯ୍ୟ ହୋଇଯିବେ। ବାସ୍ତବରେ ସୋସିଆଲ ମିଡିଆରେ ଭାଇରାଲ ହେଉଥିବା ଫଟୋରେ ଏହା ଦେଖିବାକୁ ମିଳେ ଯେ ଭାରତୀୟ ବାୟୁସେନାର ହେଲିକପ୍ଟରର ଆକୃତି ହାତୀ ପରି। ଏହା ଦେଖି ଲୋକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି।

ଏହି ହେଲିକପ୍ଟରକୁ ଡ୍ୟାନ୍ସିଂ ହେଲିକପ୍ଟର କୁହାଯାଉଥିଲା। ଏହା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। Lost in History ନାମକ ଜଣେ ଟ୍ୱିଟର ବ୍ୟବହାରକାରୀ ଏହି ଫଟୋ ଶେୟାର କରିଛନ୍ତି। ଏହା ଉପରେ ଏକ କ୍ୟାପ୍‌ସନ୍ ମଧ୍ୟ ଦିଆଯାଇଛି। ଏହାର କ୍ୟାପ୍‌ସନ୍‌ରେ ଲେଖାଯାଇଛି ଯେ ୧୯୭୦ର ଭାରତୀୟ ବାୟୁସେନାର ହେଲିକପ୍ଟର।

Indian Airforce helicopters 1970s pic.twitter.com/8JasZkDrqQ

— Lost in history (@lostinhist0ry) July 24, 2022

ଏହି ଫଟୋ ୩ ଲକ୍ଷ ୩୪ ହଜାରରୁ ଅଧିକ ଲାଇକ୍ ପାଇଛି। ସେହିପରି ଏହି ଫଟୋରେ ଅନେକ ଲୋକଙ୍କ ପ୍ରତିକ୍ରିୟା ମଧ୍ୟ ଦେଖିବାକୁ ମିଳୁଛି। ଜଣେ ବ୍ୟକ୍ତି ଲେଖିଛନ୍ତି - ଡ୍ୟାନ୍ସିଂ ହେଲିକପ୍ଟର ଲୋକଙ୍କୁ ଦେଖାଇବା ପାଇଁ ତିଆରି ହୋଇଥିଲା, ଏହାର କେବେବି ପ୍ରୟୋଗ ହୋଇନି। ଅନ୍ୟ ଜଣେ ଲେଖିଛନ୍ତି ଯେ ପ୍ରକୃତରେ ଏହା ଏକ ଭିନ୍ନ ହେଲିକପ୍ଟର।