LIVE TV
ଅଟୋଟି ଯୁଆଡେ ଯାଉଛି ଗାଈଟିଏ ତାକୁ ଗୋଡ଼ାଇ ଚାଲିଛି । ଅଟୋ ଭିତରେ ଚାଳକଙ୍କ ବ୍ୟତୀତ ଆଉ କେହିବି ନାହାନ୍ତି । କି ଅଟୋ ଚାଳକ ଜଣକ ମଧ୍ୟ ତା’ ମାଲିକ ନୁହଁନ୍ତି । ଏମିତି ଦୃଶ୍ୟ ଦେଖି କେହି କିଛି ବୁଝିପାରୁନଥିଲେ । ଗାଈଟି ଅଟୋ ପଛରେ ଏମିତି କାହିଁକି ଧାଉଁଛି ସମସ୍ତେ ଆଶ୍ଚର୍ଯ୍ୟ ହେଉଥିଲେ । ତେବେ ଅସଲ କଥା ଜାଣିଲେ ଆପଣଙ୍କ ଆଖିରେ ଲୁହ ଆସିଯିବ ।
ଦେଢ଼ ବର୍ଷ ତଳର କଥାକୁ ଏ ଗାଈଟି ମନେ ରଖିଛି । ତା’ ଛୁଆକୁ ଫେରାଇ ଆଣିବାକୁ ପାଟି ଫିଟାଇ କହିପାରୁନି ସତ ହେଲେ ତା’ର ନୀରିହ ଆଖି ସବୁ କିଛି କହିଦେଉଛି । ସେ ପରା ମାଆ । ଛୁଆକୁ ଭୁଲିବ ବା କେମିତି ? । ଆଜିକୁ ପ୍ରାୟ ଦେଢ଼ ବର୍ଷ ତଳେ ଏ ଗାଈର ବାଛୁରୀ ଅସୁସ୍ଥ ଥିଲା । ତେଣୁ ଅଟୋ ଚାଳକ ଜଣକ ଏଇ ସମାନ ଅଟୋରେ ତା’ ଛୁଆକୁ ପଶୁ ଚିକିତ୍ସାଳୟକୁ ନେଇଯାଇଥିଲେ । ସେଠାରେ ବାଛୁରୀକୁ ଚିକିତ୍ସାକରି ଅନ୍ୟ ଏକ ଗୋଶାଳାରେ ଛାଡିବାକୁ ପଡିଥିଲା । ଫଳରେ ମା’ କୋଳକୁ ଆଉ ଫେରିନଥିଲା କୁନି ବାଛୁରୀ ।
ଆଉ ଏବେ ଦେଢ଼ ବର୍ଷ ପରେ ସମାନ ଅଟୋକୁ ଦେଖି ଗାଈଟି ବାଟ ଛାଡ଼ୁନି । ଆଉ ଯେମିତି ପଚାରୁଛି ମୋ ଛୁଆ କାଇଁ ? ସତରେ ଦର୍ଶକ ବନ୍ଧୁ ଏ ଭିଡିଓ ଆଜି ସମସ୍ତଙ୍କ ଆଖି ଓଦା କରିଦେଇଛି । ଯେଉଁଠି ଆଜିର ମଣିଷ ବାପା ମା ବୁଢା ହେଇଗଲା ପରେ ବୃଦ୍ଧାଶ୍ରମରେ ଛାଡି ଦେଇ ମଣିଷ ପଣିଆକୁ ଭୁଲିଯାଉଛି । ସେଠି ଗାଈଟିର ଏ ଭଲପାଇବା ହୁଏତ ସମସ୍ତଙ୍କୁ ସମ୍ପର୍କର ମୂଲ୍ୟ ବୁଝେଇ ଦେଉଛି ।
Also Read
- Reported by:
- NIRANJAN REDDY
