LIVE TV
ଗତ କିଛି ବର୍ଷ ମଧ୍ୟରେ ଅନେକ କାରଣରୁ ଲୋକମାନଙ୍କ ମଧ୍ୟରେ କେଶ ଝଡିବା ସମସ୍ୟା ଅତି ଦ୍ରୁତ ଗତିରେ ବଢିବାରେ ଲାଗିଛି। ଯୁବକମାନଙ୍କ ମଧ୍ୟରେ ଏହି ସମସ୍ୟା ମଧ୍ୟ ଅତି ଦ୍ରୁତ ଗତିରେ ବୃଦ୍ଧି ପାଉଛି। ସ୍ୱାସ୍ଥ୍ୟ ବିଶେଷଜ୍ଞଙ୍କ କହିବାନୁସାରେ ଖାଦ୍ୟରେ ଗଡବଡ ଏବଂ ଅଧିକ ଚାପ ଯୋଗୁଁ ଯୁବକମାନଙ୍କଠାରେ ଏହି ସମସ୍ୟା ଦେଖାଯାଉଛି।
ତଥାପି ଏକ ଅଧ୍ୟୟନରୁ ଜଣାପଡିଛି ଯେ ନିୟମିତ ଭାବରେ ଯୋଗ-ବ୍ୟାୟାମ ଅଭ୍ୟାସ କରୁଥିବା ଲୋକଙ୍କଠାରେ ଏହି ପ୍ରକାରର ସମସ୍ୟା କମ୍ ଦେଖାଯାଏ। କେବଳ ଏତିକି ନୁହେଁ, ଯଦି କେଶ ଝଡ଼ୁଛି, ତେବେ ଏହି ପରିସ୍ଥିତିରେ ଯୋଗର ଅଭ୍ୟାସ ମଧ୍ୟ ଲାଭଦାୟକ ହୋଇପାରେ। ତେବେ ଆସନ୍ତୁ ଜାଣିବା କେଉଁ ଯୋଗାସନ ଅଭ୍ୟାସ କେଶ ଝଡିବା ସମସ୍ୟାକୁ ରୋକିବାରେ ସହାୟକ ହେବ।
ଶିର୍ଷାସନ:
ନିୟମିତ ଶିର୍ଷାସନ ଅଭ୍ୟାସ ମୁଣ୍ଡରେ ରକ୍ତ ସଞ୍ଚାଳନରେ ଉନ୍ନତି ଆଣିବା ସହିତ ମାଂସପେଶୀକୁ ହାଲୁକା ଭାବରେ ମାଲିସ୍ କରେ। ଏହି ଆସନ ସ୍ନାୟୁ ପ୍ରଣାଳୀ, ଶ୍ୱସନ ପ୍ରଣାଳୀକୁ ଠିକ୍ ଭାବେ ପରିଚାଳନା କରେ ଏବଂ ଥାଇରଏଡ୍ ଗ୍ରନ୍ଥିର କାମକୁ ସହଜ କରେ। ମସ୍ତିଷ୍କକୁ ବୃଦ୍ଧି ହୋଇଥିବା ରକ୍ତ ପ୍ରବାହ କେଶକୁ ଉପଯୁକ୍ତ ପୁଷ୍ଟିକର ଖାଦ୍ୟ ଯୋଗାଇଥାଏ ଯାହା ସେମାନଙ୍କୁ ଶକ୍ତିଶାଳୀ କରିବା ଏବଂ ଝଡିବାକୁ ରୋକିବାରେ ବହୁତ ଲାଭଦାୟକ ହୋଇଥାଏ।
ପ୍ରାଣାୟାମ :
ପ୍ରାଣାୟାମର ଅଭ୍ୟାସ ମସ୍ତିଷ୍କର କୋଷଗୁଡ଼ିକରେ ଅମ୍ଳଜାନର ସଞ୍ଚାଳନରେ ସହାୟକ ହୋଇଥାଏ। ଏହି ଅଭ୍ୟାସ ସ୍ନାୟୁ ପ୍ରଣାଳୀକୁ ଠିକ ରଖିବା, ମେଦବହୁଳତା, ମଧୁମେହ ହ୍ରାସ କରିବା ଏବଂ ଶରୀରରୁ ବିଷାକ୍ତ ପଦାର୍ଥ ବାହାର କରିବାରେ ମଧ୍ୟ ସହାୟକ ହୁଏ। ପ୍ରାଣାୟାମର ଅଭ୍ୟାସ ମଧ୍ୟ ଚାପର ସ୍ତରକୁ ହ୍ରାସ କରିଥାଏ ଯାହା କେଶ ଝଡିବାର ଏକ ପ୍ରମୁଖ କାରଣ। ପ୍ରାଣାୟମ ଭିତରେ କପାଳଭାତୀ, ଅନୁଲୋମ-ବିଲୋମ ପରି ପ୍ରାଣାୟାମର ନିୟମିତ ଅଭ୍ୟାସ କରି କେଶ ଝଡିବା ସମସ୍ୟା ଦୂର କରି ପାରିବେ।
ଅଦ୍ଧୋମୁଖ ଶ୍ୱାନାସନ:
ଅଦ୍ଧୋମୁଖ ଶ୍ୱାନାସନ ଉଭୟ ଶାରୀରିକ ଏବଂ ମାନସିକ ସ୍ୱାସ୍ଥ୍ୟରେ ଉନ୍ନତି ଆଣିଥାଏ। ଏହି ଆସନର ଅଭ୍ୟାସ ମସ୍ତିଷ୍କକୁ ଅମ୍ଳଜାନଯୁକ୍ତ ରକ୍ତ ପହଞ୍ଚେଇବାରେ ସାହାଯ୍ୟ କରିଥାଏ ଯାହା କେଶର ବୃଦ୍ଧିରେ ସହାୟକ ହୋଇଥାଏ। ଏହି ଆସନର ଅନ୍ୟାନ୍ୟ ଅନେକ ଶାରୀରିକ ଲାଭ ମଧ୍ୟ ଅଛି। ଏହା ମଧ୍ୟ ମନକୁ ଶାନ୍ତ କରେ, ଶରୀରକୁ ଶକ୍ତି ଯୋଗାଇବା ସହ ସକ୍ରିୟ ରଖେ।
