ରାତିସାରା ମୋଜା ପିନ୍ଧି ଶୋଉଛନ୍ତି କି ? ସାବଧାନ !

ଶୀତଦିନେ ଥଣ୍ଡାରୁ ରକ୍ଷା ପାଇବା ପାଇଁ ଅନେକ ମୋଟା ମୋଜା ପିନ୍ଧି ଶୋଇଥାନ୍ତି। ଆପଣ ଯଦି ଏମାନଙ୍କ ମଧ୍ୟରେ ଅଛନ୍ତି, ତେବେ ଏହି ଖବର କେବଳ ଆପଣଙ୍କ ପାଇଁ। ଏହି ଅଭ୍ୟାସ ହେତୁ ଶରୀରରେ ରକ୍ତ ସଞ୍ଚାଳନରେ ସମସ୍ୟା ଠାରୁ ଆହୁରି କେତେକ ସମସ୍ୟା ଆଣିପାରେ। ତେବେ ଆସନ୍ତୁ ଏ ବିଷୟରେ ଜାଣିନେବା ରାତିରେ ମୋଜା ପିନ୍ଧି ଶୋଇବାରେ ଅସୁବିଧା କ’ଣ?

ରକ୍ତ ସଞ୍ଚାଳନରେ ସମସ୍ୟା:

ଯଦି ଆପଣ ରାତିରେ ଟାଇଟ୍ କିମ୍ବା ମୋଟା ମୋଜା ପିନ୍ଧି ଶୋଉଛନ୍ତି, ତେବେ ଏହି କାରଣରୁ ପାଦ ଏବଂ ଗୋଡରେ ରକ୍ତ ସଞ୍ଚାଳନ ବନ୍ଦ ହୋଇପାରେ ଏବଂ ପାଦରେ ଯନ୍ତ୍ରଣା ଅନୁଭବ ହୋଇପାରେ।

ହାଇଜିନ୍ ସମସ୍ୟା:

ଯଦି ଆପଣ ଦିନସାରା ମୋଜା ପିନ୍ଧି ବୁଲନ୍ତି ଏବଂ ରାତିରେ ମଧ୍ୟ ପିନ୍ଧି ଶୋଇଥା’ନ୍ତି, ତେବେ ଦିନର ଧୂଳି ଏବଂ ମଇଳା ମଧ୍ୟ ଆପଣଙ୍କ ଚର୍ମରେ ଆଲର୍ଜି ସୃଷ୍ଟି କରିପାରେ।

ଅଧିକ ପଢ଼ନ୍ତୁ: ପିଲାଙ୍କ ମାନସିକ ସ୍ୱାସ୍ଥ୍ୟର ଯତ୍ନ କିପରି ନେବେ ? ଜାଣନ୍ତୁ ୪ଟି ଟିପ୍ସ

ଅତ୍ୟଧିକ ଗରମ ସମସ୍ୟା:

ଯଦି ଆପଣ ରାତିସାରା ମୋଜା ପିନ୍ଧି ଶୁଅନ୍ତି, ତେବେ ଅତ୍ୟଧିକ ଗରମ ହୋଇପାରେ, ଯେଉଁ କାରଣରୁ ଆପଣଙ୍କ ଶରୀରର ତାପମାତ୍ରା ହଠାତ୍ ବଢିପାରେ। ଏହି କାରଣରୁ, ଆପଣ ଅସ୍ଥିର ଏବଂ ଅସହଜ ଅନୁଭବ କରିପାରନ୍ତି।

ହୃଦୟ ପ୍ରଭାବିତ:

ଯଦି ଆପଣ ଜୋତା ପିନ୍ଧି ଶୋଇଯାନ୍ତି, ତେବେ ଏହା ପାଦର ଶିରା ଉପରେ ଚାପ ପକାଇପାରେ ଏବଂ ହୃଦୟରେ ରକ୍ତ  ପହଞ୍ଚିବାରେ ସମସ୍ୟା ହୋଇପାରେ। ଏଭଳି ପରିସ୍ଥିତିରେ ହୃତପିଣ୍ଡ୍‌କୁ ପମ୍ପ୍‌ କରିବାରେ ଅଧିକ ଜୋର ଦେବାକୁ ପଡିବ, ଯାହା ହୃତପିଣ୍ଡକୁ କ୍ଷତି ପହଞ୍ଚାଇପାରେ।

ଯଦି ଆପଣ ରାତିରେ ମୋଜା ପିନ୍ଧିବାକୁ ଚାହୁଁଛନ୍ତି, ତେବେ ମନେରଖନ୍ତୁ:

• ଯଥାସମ୍ଭବ ରାତିରେ ସୂତାର ଢିଲା ମୋଜା ପିନ୍ଧନ୍ତୁ
• ସବୁବେଳେ ପରିଷ୍କାର ମୋଜା ପିନ୍ଧି ଶୁଅନ୍ତୁ
• ପିଲାମାନଙ୍କୁ ଜୋତା ପିନ୍ଧି ଶୋଇବାକୁ ଦିଅନ୍ତୁ ନାହିଁ
• ମୋଜା ପିନ୍ଧିବା ପୂର୍ବରୁ ପାଦକୁ ଭଲ ଭାବରେ ମାଲିସ୍ କରନ୍ତୁ।