LIVE TV
ଜୀବନ ନେଉଛି ସ୍କ୍ରବ ଟାଇଫସ କୀଟ । ଏହି ବିଷାକ୍ତ କୀଟ ଆତଙ୍କ ଖେଳାଇଛି । ଦିନକୁ ଦିନ ସ୍କ୍ରବ ଟାଇଫସ ମାମଲା ବୃଦ୍ଧି ପାଉଥିବା ବେଳେ ବଢୁଛି ସ୍ବାସ୍ଥ୍ୟ ବିଶେଷଜ୍ଞଙ୍କ ଚିନ୍ତା । ପ୍ରଥମରୁ ଏହି ରୋଗର ଚିକିତ୍ସା କରାନଗଲେ କେତେକାଂଶରେ ଅଙ୍ଗ ଅକାମୀ ହେବାର ସମ୍ଭାବନା ରହିଥାଏ ବୋଲି କହିଛନ୍ତି ବିଶେଷଜ୍ଞ ।
Also Read
ଅଧିକ ପଢ଼ନ୍ତୁ: ବାତିଲ ହେଲା ‘ପ୍ରେସଭ୍ୟୁ’ ଆଇ ଡ୍ରପ୍ ଲାଇସେନ୍ସ; କଂପାନିର ଦାବି ଥିଲା ଆଉ ପିନ୍ଧିବାକୁ ପଡ଼ିବନି ଚଷମା...
କ’ଣ ଏହି ସ୍କ୍ରବ ଟାଇଫସ:
ସ୍କ୍ରବ୍ ଟାଇଫସ୍ ହେଉଛି ଏକ ପ୍ରକାର ରୋଗ। ଯାହା କୀଟ କାମୁଡ଼ିବା ଦ୍ୱାରା ହୋଇଥାଏ । ତେବେ ଏହାର ଲକ୍ଷଣ ଜାଣିବା ଅତ୍ୟନ୍ତ ଜରୁରୀ ଅଟେ । ଏହା ଏକ ପ୍ରକାର ଟାଇଫସ୍ ଭୁତାଣୁ ଦ୍ୱାରା ହୋଇଥାଏ। ଯାହାର ନାମ ହେଉଛି “ଓରିଏଣ୍ଟିଆ ଟାଇଫସ୍”। ସ୍କ୍ରବ୍ ଟାଇଫସ୍ ସଂକ୍ରମିତ ଚିଗର୍ସ ପୋକ କାମୁଡ଼ିବା ଦ୍ୱାରା ଶରୀରରେ ପ୍ରବେଶ କରି ମଣିଷକୁ ଅସୁସ୍ଥ କରିଥାଏ।
ସ୍କ୍ରବ୍ ଟାଇଫସର ମୁଖ୍ୟ ଲକ୍ଷଣ
- ସ୍କ୍ରବ୍ ଟାଇଫସ୍ ର ମୁଖ୍ୟ ଲକ୍ଷଣ ହେଉଛି ଉଚ୍ଚ ଜ୍ୱର ହେବା। ଯାହା ହଠାତ୍ ଆସେ ଓ ଦୀର୍ଘ ସମୟ ଧରି ରହିଥାଏ ।
- ଏହାଛଡା ଅସହ୍ୟ ମୁଣ୍ଡବିନ୍ଧା ମଧ୍ୟ ହୋଇଥାଏ।
- ସ୍କ୍ରବ୍ ଟାଇଫସ୍ ଗଣ୍ଠି ଓ ମାଂସପେଶୀରେ ଯନ୍ତ୍ରଣା ଦେଇପାରେ ।
- କାଶ ଓ ଶ୍ୱାସକ୍ରିୟା ନେବାରେ ଅସୁବିଧା ହୋଇପାରେ ।
- କେବଳ ଏତିକି ନୁହେଁ ଏହି ରୋଗରେ ଚର୍ମ ସମସ୍ୟା ଦେଖାଦେଇପାରେ ।
- ଶରୀରରେ ଘା’ ହେବାର ସମସ୍ୟା ଦେଖା ଦେଇପାରେ ।
- ଯାହା ଫଳରେ ଆପଣ ଅତ୍ୟଧିକ କ୍ଲାନ୍ତ ଓ ଦୁର୍ବଳ ଅନୁଭବ କରିପାରନ୍ତି ।
ଅଧିକ ପଢ଼ନ୍ତୁ: ଆପଣଙ୍କ ବୟସ ୭୦ରୁ ଅଧିକ; କେମିତି ପାଇବେ ସ୍ୱାସ୍ଥ୍ୟ ବୀମା ଯୋଜନାର ଲାଭ ? ଜାଣନ୍ତୁ...
କିଭଳି ସ୍କ୍ରବ ଟାଇଫସର ଚିକିତ୍ସା କରାଯାଏ:
ଯଦି ସ୍କ୍ରବ୍ ଟାଇଫସ୍ ଶୀଘ୍ର ଚିହ୍ନଟ ହୁଏ, ତେବେ ଏହାର ଚିକିତ୍ସା ସହଜ ହୋଇଯାଏ । ଆଣ୍ଟିବାୟୋଟିକ୍ ଏଥିପାଇଁ ବ୍ୟବହୃତ ହୁଏ, କିନ୍ତୁ ମନେରଖନ୍ତୁ ଯେ ଏହି ଔଷଧଗୁଡିକ କେବଳ ଡାକ୍ତରଙ୍କ ତତ୍ତ୍ୱାବଧାନରେ ଗ୍ରହଣ କରାଯିବା ଉଚିତ୍ । ଯଦି ଆପଣ ଏହି ଲକ୍ଷଣଗୁଡିକ ମଧ୍ୟରୁ କିଛି ଦେଖୁଛନ୍ତି, ତେବେ ତୁରନ୍ତ ଡାକ୍ତରଙ୍କ ସହିତ କଥା ହେବା ଉଚିତ୍ । ସଠିକ୍ ସମୟରେ ସ୍କ୍ରବ୍ ଟାଇଫସ୍ ଚିକିତ୍ସା କରିବା ଜରୁରୀ ଅଟେ ।
ସ୍କ୍ରବ୍ ଟାଇଫସ୍କୁ କିପରି ରୋକାଯାଇପାରିବ?
- ସିଡିସି ଅନୁଯାୟୀ ଏହି ଭୂତାଣୁ ସଂକ୍ରମଣକୁ ରୋକିବା ପାଇଁ କୌଣସି ଟିକା ଉପଲବ୍ଧ ନାହିଁ । କିନ୍ତୁ ସଂକ୍ରମିତ ଚିଗର୍ ବା କୀଟ ସହିତ ସମ୍ପର୍କକୁ ଏଡାଇ ଆପଣ ସ୍କ୍ରବ୍ ଟାଇଫସ୍ ବିପଦକୁ ହ୍ରାସ କରିପାରିବେ ।
- ଯେଉଁଠାରେ ସ୍କ୍ରବ୍ ଟାଇଫସ୍ ମାମଲା ରିପୋର୍ଟ ହେଉଛି ସେହି ସ୍ଥାନକୁ ଭ୍ରମଣରୁ ଦୂରେଇ ରୁହନ୍ତୁ ।
- ଉଦ୍ଭିଦ ଏବଂ ବୁଦା ଥିବା ସ୍ଥାନ ଯେଉଁଠାରେ ଚିଗର୍ ମିଳୁଛି ଆପଣଙ୍କୁ ଏହି ରୋଗ ହେବାର ଆଶଙ୍କା ରହିପାରେ । ଏହି ରୋଗରୁ ନିଜକୁ ରକ୍ଷା କରିବାରେ କେବଳ ପ୍ରତିରୋଧ ସାହାଯ୍ୟ କରିପାରିବ ବୋଲି କହିଛନ୍ତି ବିଶେଷଜ୍ଞ ।
