ଆପଣ ଜାଣନ୍ତି କି ବାସ୍ତୁରେ ମସଲାର ବିଶେଷ ମହତ୍ତ୍ୱ ରହିଛି? ରୋଷେଇ ଘରେ ଯେଉଁ ମସଲା ଆମେ ବ୍ୟବହାର କରୁ ବାସ୍ତୁ ଅନୁଯାୟୀ, ବିଭିନ୍ନ ମସଲା ରାଶିଫଳରେ ଅବସ୍ଥିତ ଗ୍ରହ ସହିତ ଜଡ଼ିତ ବୋଲି ବିଶ୍ୱାସ କରାଯାଏ । ତେଣୁ ଏଥି ସହ ଜଡିତ କିଛି ବିଶେଷ ଉପାୟ ଗ୍ରହଣ କରିବା ଦ୍ୱାରା, ଗ୍ରହ ଦୋଷ ଦୂର ହୋଇଥାଏ ଓ ଭାଗ୍ୟ ପରିବର୍ତ୍ତନ ହୋଇପାରିବ । ଚାଲନ୍ତୁ ଜାଣିବା ମସଲାର ବିଶେଷତ୍ୱ ବିଷୟରେ...
- ଜିରା ଦାନ କରିବା ଦ୍ୱାରା ହେବ ଗ୍ରହ ଶାନ୍ତି । ଅନେକ ରାଶିରେ ରାହୁ-କେତୁ ଗ୍ରହ ଅଶାନ୍ତି ହେବା ଦ୍ୱାରା ଅସୁବିଧାର ସମ୍ମୁଖୀନ ହେବାକୁ ପଡିଥାଏ । ତେଣୁ, ଯେଉଁମାନଙ୍କର ରାହୁ-କେତୁ ଦଶା ଚାଲିଥାଏ, ସେମାନେ ଶନିବାର ଦିନ ଜିରା ଦାନ କରିବା ଉଚିତ୍ । ଯେହେତୁ ଜିରା ରାହୁ-କେତୁ ଗ୍ରହ ସହିତ ଜଡିତ, ଏହା ସେମାନଙ୍କର ଖରାପ ପ୍ରଭାବକୁ ହ୍ରାସ କରିବାରେ ସାହାଯ୍ୟ କରିଥାଏ ।
- ଲବଙ୍ଗ ଏବଂ ଗୋଲ ମରିଚ ବ୍ୟବହାର କରିବା ଦ୍ୱାରା ଶନି ଗ୍ରହ ମଜବୁତ ହୋଇଥାଏ । ବାସ୍ତୁ ଅନୁଯାୟୀ, ଲବଙ୍ଗ ଏବଂ ଗୋଲ ମରିଚ ଶନି ଗ୍ରହକୁ ପ୍ରତିପାଦିତ କରିଥାଏ । ଏଥିପାଇଁ ସୋରିଷ ତେଲରେ ଲବଙ୍ଗ କିମ୍ବା ଗୋଲ ମରିଚ ପକାଇ ଦୀପ ଜାଳନ୍ତୁ । ଏହା ଶନିର ଗ୍ରହର ଖରାପ ପ୍ରଭାବରୁ ମୁକ୍ତି ଦେବ ଏବଂ ଘରେ ସକରାତ୍ମକ ଶକ୍ତି ବୃଦ୍ଧି ପାଇବ।
- ହେଙ୍ଗୁ ବ୍ୟବହାର କରିବା ଦ୍ୱାରା ବୁଧ ଏବଂ ବୃହଷ୍ପତି ଗ୍ରହ ମଜବୁତ ହୋଇଥାଏ । ହେଙ୍ଗୁ ସହିତ ବୁଦ୍ଧ ଓ ବୃହସ୍ପତି ଗ୍ରହ ଜଡ଼ିତ ବୋଲି ବିଶ୍ୱାସ କରାଯାଏ । ତେଣୁ ମଧ୍ୟାହ୍ନ ଭୋଜନରେ ହେଙ୍ଗୁ ଖାଇବା ଦ୍ୱାରା ମନ ଶାନ୍ତ ରହିଥାଏ । ଏହା ଦ୍ୱାରା ବୁଦ୍ଧ ଦୋଷରୁ ମୁକ୍ତି ମିଳିଥାଏ ଓ ବୃହସ୍ପତି ଗ୍ରହ ମଜବୁତ ହୋଇଥାଏ ।
- ହଳଦୀ ବ୍ୟବହାର କରିବା ଦ୍ୱାରା ବୃହଷ୍ପତି ଗ୍ରହ ମଜବୁତ ହୋଇଥାଏ । ହଳଦୀ ବୃହସ୍ପତି ଗ୍ରହ ସହିତ ଜଡିତ ବୋଲି ବିଶ୍ୱାସ କରାଯାଏ । ତେଣୁ ବୃହସ୍ପତିଙ୍କୁ ମଜବୁତ କରିବା ପାଇଁ ପକେଟରେ ହଳଦୀ ଖଣ୍ଡ କିମ୍ବା ଏକ ଚିମୁଟାଏ ହଳଦୀକୁ ରୁମାଲରେ ବାନ୍ଧି ରଖିବା ଉଚିତ୍ । ଏହା ଦ୍ୱାରା ବୃହସ୍ପତି ଗ୍ରହ ମଜବୁତ ହୋଇଥାଏ ।