ସାପ କାମୁଡ଼ାରେ ଅସୁସ୍ଥ ଥିବା ମଞ୍ଜୁଳାର ହେଲା ପ୍ଲାଷ୍ଟିକ୍ ସର୍ଜରୀ

ଭୁବନେଶ୍ୱର: ସାପ କାମୁଡ଼ାରେ ଅସୁସ୍ଥ ହୋଇ ଏସ୍‌ସିବିରେ ଭର୍ତ୍ତି ହୋଇଥିବା ନବରଙ୍ଗପୁରର ନାବାଳିକା ମଞ୍ଜୁଳାଙ୍କର ହୋଇଛି ପ୍ରଥମ ପ୍ଲାଷ୍ଟିକ୍ ସର୍ଜରୀ।  ବିଭାଗୀୟ ମୁଖ୍ୟ ଡାକ୍ତର ବିଭୂଷଣ ନାୟକଙ୍କ ତତ୍ତ୍ୱାବଧାନରେ ଏହି ଅପରେସନ କରାଯାଇଛି। ସାପ କାମୁଡ଼ା ଯୋଗୁ ଡାହାଣ ହାତର ନଷ୍ଟ ହୋଇଯାଇଥିବା ସ୍ଥାନ ଚିହ୍ନଟ କରି ସେ ସ୍ଥାନରେ ଶରୀର ଅନ୍ୟସ୍ଥାନରୁ ଚର୍ମ ଆଣି ଅପରେସନ କରାଯାଇଛି। ତେବେ ହାତକୁ ସଂପୂର୍ଣ୍ଣ ଠିକ୍ କରିବାକୁ ଡାକ୍ତରୀ ଟିମ ପ୍ରୟାସ ଚଳାଇଛନ୍ତି। 

ମଞ୍ଜୁଳାଙ୍କ ସ୍ୱାସ୍ଥ୍ୟାବସ୍ଥା ଏବେ ସ୍ଥିର ରହିଛି। ତିନି ସପ୍ତାହ ପରେ ପୁଣି ମଞ୍ଜୁଳାଙ୍କ ଦ୍ୱିତୀୟ ସର୍ଜରୀ କରାଯିବ ବୋଲି ଜଣାପଡ଼ିଛି। ନବରଙ୍ଗପୁର ଜିଲ୍ଲା ରାଇଘର ବାଲିଝର ଗାଁର ମଞ୍ଜୁଳାଙ୍କୁ ମାସେ ତଳେ ସାପ କାମୁଡ଼ିଥିଲା। ଚିକିତ୍ସା ନପାଇବାରୁ ଶିଶୁଟିର ହାତ ପଚି ଯାଇଥିଲା। ଓଟିଭିରେ ଖବର ପ୍ରସାରଣ ପରେ ମଞ୍ଜୁଳାଙ୍କ ଚିକିତ୍ସା ଆରମ୍ଭ ହୋଇଥିଲା। 

ଏବେ ବି ଲୋକଙ୍କ ମଧ୍ୟରେ ରହିଛି ଅନ୍ଧବିଶ୍ୱାସ। ସାପ କାମୁଡ଼ାରୁ ଭଲ କରିବାକୁ ବ୍ୟକ୍ତି ଜଣଙ୍କୁ ମନ୍ଦିର ବେଢ଼ାକୁ ନେଇ ପାଣି ଢାଳୁଛନ୍ତି ଲୋକେ। ସାପ କାମୁଡ଼ା ରୋଗୀଙ୍କୁ ଭଲ କରିବାକୁ ଏ ଅଭାବନୀୟ ଦୃଶ୍ୟ ହେଉଛି ଖୋର୍ଦ୍ଧା ଜିଲ୍ଲା ବଣିଆଟାଙ୍ଗୀର। ଲିପୁ ନାୟକ ନାମକ ଯୁବକ ଜଣକ ମାଛ ଧରିବାକୁ ଯାଉଥିବାବେଳେ ଏକ ନାଗ ସାପ ତାଙ୍କ ଗୋଡ଼କୁ କାମୁଡିଥିଲା। ଏହାପରେ ଭୟରେ ଯୁବକ ଜଣକ ଦୌଡ଼ି ଦୌଡ଼ି ଘରେ ପହଞ୍ଚିଥିଲେ। ତେବେ ଘର ଲୋକେ ଯୁବକ ଜଣଙ୍କୁ ସ୍ଥାନୀୟ ନୀଳକଣ୍ଠେଶ୍ୱର ମନ୍ଦିରକୁ ନେଇଥିଲେ।

Also Read

ମୋଦି ଯେଉଁ ଷ୍ଟେସନ୍‌ରେ ଚା’ ବିକିଥିଲେ, ସେହି ଷ୍ଟେସନ୍‌ ବୁଲିଲେ ଅଶ୍ୱନୀ ବୈଷ୍ଣବ

ଦଶମ ଫେଲ ପିଲାଙ୍କ ପାଇଁ ଖୁସି ଖବର; ମାଗଣାରେ ବୁଲି ପାରିବେ ହିଲ୍‌ ଷ୍ଟେସନ

ବିନା ବଧିରା ଇଂଜେକ୍‌ସନ୍‌ରେ ହେଲା ଅପରେସନ୍‌, ଜାଣନ୍ତୁ କେମିତି...

ସେଠାରେ ଯୁବକ ଜଣଙ୍କ ଉପରେ ପାଣିି ଢଳା ଚାଲିଥିଲା। ଯୁବକ ଜଣକ ଥଣ୍ଡାରେ ଶୀତ ଅନୁଭବ କରିବା ପରେ ତାଙ୍କୁ ଘରକୁ ନେଇଯାଇଥିଲେ। ଘରେ ଯୁବକଙ୍କ ଅବସ୍ଥା ବିଗିଡ଼ିବାରୁ ତାଙ୍କୁ ଭୁବନେଶ୍ୱର କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି। ଚିକିତ୍ସା ପରେ ବର୍ତ୍ତମାନ ସେ ସାମାନ୍ୟ ବିପଦମୁକ୍ତ ହୋଇଥିବା ଜଣାପଡିଛି।