LIVE TV
ଆୟୁର୍ବେଦ ଅନୁଯାୟୀ ତୁଳସୀ ହେଉଛି ଏକ ମହୌଷଧି। ଏଥିରେ ଆଣ୍ଟି-ଇନ୍ଫ୍ଲାମେଟୋରୀ ଗୁଣ ରହିଛି। ଏହା କାଶ, ଥଣ୍ଡା ଏବଂ ଶ୍ୱାସକ୍ରିୟା ସଂକ୍ରମଣରୁ ମୁକ୍ତି ଦେଇଥାଏ। ଏହା ମଧ୍ୟ ଅନେକ ରୋଗ ପାଇଁ ଏକ ଶକ୍ତି ବୃଦ୍ଧିକାରୀ ଏବଂ ହର୍ବାଲ ଉପଚାର। ତୁଳସୀ ସହିତ ମହୁ ଚାପ ସ୍ତରକୁ ହ୍ରାସ କରିବା ସହ ଆରାମ ଦେଇଥାଏ।
ଭାରତୀୟ ଶାସ୍ତ୍ରରେ ତୁଲସୀକୁ ପବିତ୍ର ବୃକ୍ଷ ଭାବେ ପୂଜା କରାଯାଏ। ଏହା ପଛରେ ରହିଛି ଅନେକ ବୈଜ୍ଞାନିକ କାରଣ। ପ୍ରତ୍ୟେକ ରୋଗ ପାଇଁ ଏହା ରାମବାଣ କରି କାମ କରେ। ବିଶେଷ ଭାବରେ ଭାଇରାଲ୍ ଥଣ୍ଡା, କାଶ ଏବଂ ଗଳା ଯନ୍ତ୍ରଣା ପାଇଁ ଏହା ଖୁବ ଫଳପ୍ରଦ। କେବଳ ଏତିକି ନୁହେଁ, ଶରୀରର ପ୍ରତିରୋଧକ ଶକ୍ତି ବଢାବାରେ ତୁଳସୀ ପତ୍ର ମଧ୍ୟ ବହୁତ ପ୍ରଭାବଶାଳୀ।
ସେହିପରି ଶୀତଦିନେ ସକାଳେ ଏବଂ ସନ୍ଧ୍ୟାରେ ଯଦି ଏକ ଚାମଚ ମହୁ ସେବନ କରାଯାଏ ତେବେ ଏହା ମଧ୍ୟ ରୋଗ ପ୍ରତିରୋଧକ ଶକ୍ତିକୁ ବଢାଏ। ଖାଲି ଏତିକି ନୁହେଁ ମହୁ ମଧ୍ୟ ଅନେକ ପ୍ରକାରର ରୋଗରୁ ରକ୍ଷା କରିଥାଏ।ଆୟୁର୍ବେଦ ଅନୁଯାୟୀ, ଶୀତଦିନେ ତୁଳସୀ ସହିତ ଯଦି ମହୁ ଖିଆଯାଏ ତେବେ ଏହା ଚର୍ମ ଏବଂ ସ୍ୱାସ୍ଥ୍ୟ ପାଇଁ ସହାୟକ ହୋଇଥାଏ।
Also Read
ଆୟୁର୍ବେଦାଚାର୍ଯ୍ୟଙ୍କ ଅନୁଯାୟୀ, ମହୁ ସହିତ ତୁଳସୀ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ। କାରଣ ଏହା ଏକ ଶକ୍ତିଶାଳୀ ପ୍ରତିରକ୍ଷା ପ୍ରଣାଳୀ ଗଠନ କରେ ଏବଂ ଏକ ସୁସ୍ଥ ଅନ୍ତଃକଣର ବିକାଶ କରେ। ଏହା ବ୍ୟତୀତ ତୁଳସୀ-ମହୁ ଆଣ୍ଟି-ଇନ୍ଫ୍ଲାମେଟୋରୀ ଗୁଣରେ ପରିପୂର୍ଣ୍ଣ, ଯାହା ଶାରୀରିକ ଯନ୍ତ୍ରଣା ଏବଂ ହୃଦୟର ବିପଦକୁ ମଧ୍ୟ ହ୍ରାସ କରିବାରେ ସାହାଯ୍ୟ କରିଥାଏ।
ପ୍ରତିଦିନ ତୁଳସୀ ସହିତ ମହୁ ଖାଇବା ଦ୍ୱାରା ଥଣ୍ଡା, କାଶ ଏବଂ ଶୁଖିଲା କାଶ ପାଖ ମାଡି ନଥାଏ। ଆପଣ ଯଦି ଏହାକୁ ଦିନକୁ ୨ କିମ୍ବା ୩ ଥର ଗୋଲମରିଚ ଏବଂ ଅଦା ସହିତ ଏହାକୁ ପିଅନ୍ତୁ ତେବେ ଏହା ଋତୁକଳୀନ୍ ଫ୍ଲୁକୁ ଭଲ କରିବାରେ ସାହାଯ୍ୟ କରେ। ଏହା ଆଣ୍ଟିଅକ୍ସିଡାଣ୍ଟରେ ଭରପୂର, ଯାହା ପ୍ରତିରକ୍ଷା ପ୍ରଣାଳୀକୁ ମଜବୁତ କରିଥାଏ ଏବଂ ଅନେକ ରୋଗରୁ ରକ୍ଷା କରିଥାଏ।
ଖାଲି ସେତିକି ନୁହେଁ ଆୟୁର୍ବେଦାଚାର୍ଯ୍ୟଙ୍କ ଅନୁଯାୟୀ ମହୁ ଚର୍ମକୁ ଚିକ୍କଣ କରିଥାଏ। ଏହା ଏକ ଉତ୍କୃଷ୍ଟ ଚର୍ମ ବିଶୋଧନକାରୀ। ଯେଉଁମାନଙ୍କର ଅତ୍ୟଧିକ ତେଲିଆ ଚର୍ମ, ସେମାନଙ୍କ ପାଇଁ ଏହା ଖୁବ୍ ଉପକାରୀ। ତୁଳସୀ ଏବଂ ମହୁ ଚର୍ମକୁ କୋମଳ କରିଥାଏ ଏବଂ ଏହାକୁ ଚମକ ଦେଇଥାଏ।
