Daily Food Habit: ଆପଣ ଦିନକୁ କେତେ ଥର ଖାଉଛନ୍ତି ? କରୁ ନାହାନ୍ତି ତ ଏହି ଭୁଲ୍

ଆମ ଦେଶରେ ପ୍ରାୟ ସମସ୍ତ ଘରେ ଖାଇବା ପାଇଁ କୌଣସି ନିର୍ଦ୍ଦିଷ୍ଟ ସମୟ ନଥାଏ। ଯେତେବେଳେ ମନ ହୁଏ, ଆମେ ଖାଇନେଉ।  ସାଧାରଣତଃ ଦିନକୁ ଦୁଇରୁ ତିନିଥର ଭାତ ଓ ରୁଟି ଖାଆନ୍ତି। ଚା' ଭିତରେ ଜଳଖିଆ କେତେ ଥର ଖାଉ, ତାହାର କୌଣସି ହିସାବ ନଥାଏ। ହେଲେ ଦିନକୁ କେତେ ଥର ଖାଇବା ଶରୀର ପାଇଁ ଠିକ୍, ଆସନ୍ତୁ ଜାଣିବା। 

ଭାରତୀୟ ଖାଦ୍ୟଶୈଳୀରେ ନଥିଲା ଜଳଖିଆ-
ଭାରତରେ ଅଧିକାଂଶ ଲୋକ ଦିନକୁ ତିନିଥର ଖାଆନ୍ତି। ମଧ୍ୟାହ୍ନ ଭୋଜନ ଓ ରାତ୍ରୀ ଭୋଜନ ବ୍ୟତୀତ ଦିନକୁ ଥରୁଟିଏ ଜଳଖିଆ ନିଶ୍ଚୟ କରନ୍ତି। ହେଲେ ଆପଣ ଜାଣନ୍ତି କି? ଜଳଖିଆ ଭାରତୀୟ ଖାଦ୍ୟର ଏକ ଗୁରୁତ୍ୱପୂର୍ଣ୍ଣ ଅଂଶ ପୂର୍ବରୁ ନଥିଲା। ଚତୁର୍ଦ୍ଦଶ ଶତାବ୍ଦୀ ପର୍ଯ୍ୟନ୍ତ ଭାରତରେ ଲୋକେ ସକାଳ ଜଳଖିଆ ଖାଉନଥିଲେ। ଭୋଜନ କେବଳ ମଧ୍ୟାହ୍ନରେ ହେଉଥିଲା ଏବଂ ତା' ପରେ ସିଧାସଳଖ ରାତ୍ରୀ ଭୋଜନ କରାଯାଉଥିଲା। ଯାହା ମଧ୍ୟାହ୍ନ ଭୋଜନ ଅପେକ୍ଷା ଯଥେଷ୍ଟ ହାଲୁକା ଥିଲା।

ଅଧିକ ପଢ଼ନ୍ତୁ: ଆପଣଙ୍କ ତଳିପାଦ ଯନ୍ତ୍ରଣା ହେଉଛି କି… କରନ୍ତୁ ଏହି ଯୋଗ, ମିଳିବ ଆରାମ

ନେକ୍ସଟଜି ଆପେକ୍ସ ପ୍ରାଇଭେଟ ଲିମିଟେଡ୍ (NextG Apex India Pvt Ltd)ର କାର୍ଯ୍ୟନିର୍ବାହୀ ନିର୍ଦ୍ଦେଶକ ତଥା ସିଇଓ ଅମରନାଥ ହଲମ୍ବର 'ଦି ନ୍ୟୁ ଇଣ୍ଡିଆନ ଏକ୍ସପ୍ରେସ'କୁ କହିଛନ୍ତି ଯେ, ସେତେବେଳେ ଯେହେତୁ ଭାରତୀୟ ଜନସଂଖ୍ୟାରେ ଅଧିକାଂଶ କୃଷକ ଏବଂ ସଂଗ୍ରହକାରୀ ଥିଲେ, ତେଣୁ ଏହି ଖାଦ୍ୟ ପଦ୍ଧତି ତାଙ୍କ ପାଇଁ ସର୍ବୋତ୍ତମ ଥିଲା।

ଯେତେବେଳେ ଅଧିକାଂଶ ଭାରତୀୟ ବିଭିନ୍ନ ସ୍ଥାନରେ କାମ କରିବାକୁ ଲାଗିଲେ, ସେତେବେଳେ ଖାଇବା ଅଭ୍ୟାସ ବଦଳିଗଲା। ଯାହା ଏକଦା ଛୋଟ ଛୁଆ, ବୃଦ୍ଧ କିମ୍ବା ଅସ୍ୱାସ୍ଥ୍ୟକର ଲୋକଙ୍କ ପାଇଁ ଉପଯୁକ୍ତ ଥିଲା, ସେହି ଖାଦ୍ୟଶୈଳୀ ଅନେକ ଲୋକଙ୍କ ପାଇଁ ନିତିଦିନିଆ ହୋଇଗଲା। କାରଣ ସମସ୍ତେ ସକାଳ ଜଳଖିଆରୁ ଦିନ ଆରମ୍ଭ କରିବାକୁ ଲାଗିଲେ। ଊନବିଂଶ ଶତାବ୍ଦୀରେ ଭାରତକୁ ଇଷ୍ଟ ଇଣ୍ଡିଆ କମ୍ପାନୀର ଆଗମନ ସହିତ ଚା, କଫି ଏବଂ ଜଳଖିଆ ଜରୁରୀ ହୋଇଗଲା। ବିଶେଷକରି ଆଭିଜାତ୍ୟ ଶ୍ରେଣୀର ଲୋକଙ୍କ ପାଇଁ ଏହା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଗଲା।

ଏପରି ଖାଇବା କେତେ ଉପଯୋଗୀ?
ଦୁବାଇର ପୁଷ୍ଟିକର ବିଶେଷଜ୍ଞ ତଥା ସ୍ୱାସ୍ଥ୍ୟ ପ୍ରଶିକ୍ଷକ ଇଶାଙ୍କା ୱାହି କହିଛନ୍ତି ଯେ ଏକ ପୁରୁଣା ଭାରତୀୟ କଥା ଅଛି, 'ଦୁଇ ଓଳିର ରୁଟି, ଦୁଇ ଓଳିର ଖାଦ୍ୟ।' ତେଣୁ ଦିନକୁ ଦୁଇଥର ଭାରି ଭୋଜନ ଯଥେଷ୍ଟ ହେବା ଉଚିତ୍। ଏହା ସହିତ ଥରୁଟିଏ ବାଦାମ କିମ୍ବା ଅନ୍ୟ କିଛି ସ୍ୱଳ୍ପ ପରିମାଣର ଜଳଖିଆ ଖିଆଯାଇ ପାରିବ। କିନ୍ତୁ ଖାଦ୍ୟ ନିୟନ୍ତ୍ରଣ କରିବା ଆମ ପାଇଁ ଅତ୍ୟନ୍ତ କଷ୍ଟକର। ଖାଦ୍ୟର ସଠିକ୍ ପରିମାଣ ଆପଣଙ୍କ ଜୀବନଶୈଳୀ ଏବଂ ସ୍ୱାସ୍ଥ୍ୟ ଆବଶ୍ୟକତା ଉପରେ ନିର୍ଭର କରେ। ଯଦି ଆପଣ ଜଳଖିଆ ଖାଇବାକୁ ଚାହୁଁଛନ୍ତି, ତେବେ ରାତିରେ ହାଲୁକା ଖାଦ୍ୟ ଖାଇପାରିବେ, କିମ୍ବା ଭୋଜନ ସମୟକୁ ବ୍ୟବସ୍ଥାପିତ କରିପାରିବେ।

ଅଧିକ ପଢ଼ନ୍ତୁ: ପ୍ରତିଦିନ କରନ୍ତୁ ଏହି ଗୋଟିଏ ଯୋଗ; ଦୂର ହେବ ଚାପ-ଚିନ୍ତା, ଶରୀର ରହିବ ଥଣ୍ଡା, ହେବନି ରକ୍ତଚାପ