Health Tips: ହେଉଛି କି ଆଣ୍ଠୁ-ଗଣ୍ଠି ଯନ୍ତ୍ରଣା; ହାତ ମାରନ୍ତୁ ନାହିଁ ଏହି ୫ଟି ଖାଦ୍ୟରେ

ଆଜିକାଲି ଲୋକମାନଙ୍କଠାରେ ଦେଖାଯାଉଥିବା ରୋଗ ମଧ୍ୟରୁ ୟୁରିକ୍ ଏସିଡ୍ ମଧ୍ୟ ଅନ୍ୟତମ। ଏହା ପ୍ରାୟ ପ୍ରତ୍ୟେକଙ୍କ କ୍ଷେତ୍ରରେ ଦେଖିବାକୁ ମିଳେ। ରକ୍ତରେ ୟୁରିକ୍ ଏସିଡ୍‌ର ଅସ୍ୱାଭାବିକ ଭାବେ ବୃଦ୍ଧି ପାଇବା ଅବସ୍ଥାକୁ ହାଇପରୟୁରିସିମିଆ କୁହାଯାଏ। ଏହି ରୋଗ ବଢିଲା ବେଳେ ଗଣ୍ଠିରେ ଯନ୍ତ୍ରଣା, କଠିନତା, ଫୁଲା, ଲାଲ ପଡିବା ଭଳି ଅନେକ ଲକ୍ଷଣ ଦେଖାଯାଏ।

ପ୍ରକୃତ କଥା ହେଲା, ୟୁରିକ୍ ଏସିଡ୍ ଶରୀରରେ ଉତ୍ପାଦିତ ଏକ କେମିକାଲ୍, ଯାହା ପ୍ୟୁରିନ୍ ଭାଙ୍ଗିବା ପରେ ସୃଷ୍ଟି ହୁଏ। ୟୁରିକ୍ ଏସିଡ୍ ବୃଦ୍ଧି ହେବାର କାରଣ ଅଧିକାଂଶ କ୍ଷେତ୍ରରେ କିଡ୍‌ନୀ ସହିତ ଜଡିତ ଥାଏ। ଯଦି କିଡ୍‌ନୀ ପର୍ଯ୍ୟାପ୍ତ ପରିମାଣରେ ଶରୀରରୁ ୟୁରିକ୍ ଏସିଡ୍ ବାହାର କରିବାରେ ସକ୍ଷମ ହୁଏ ନାହିଁ, ତେବେ ଏହାର ସ୍ତର ବୃଦ୍ଧି ପାଇବାରେ ଲାଗେ ଏହି ରୋଗର କାରଣରେ ଡାଏଟ୍ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ।

ଏପରି ପରିସ୍ଥିତିରେ, ସେହି ଜିନିଷ ଖାଇବା ଠାରୁ ଦୂରେଇ ରହିବା ଉଚିତ ଯାହା ଶରୀରରେ ୟୁରିକ୍ ଏସିଡ୍‌ର ସ୍ତରକୁ ବଢାଇଥାଏ। ଏବେ ପ୍ରଶ୍ନ ହେଉଛି ୟୁରିକ୍ ଏସିଡ୍‌ର ଲକ୍ଷଣ କ’ଣ? କେଉଁ ଖାଦ୍ୟ ୟୁରିକ୍ ଏସିଡ୍ ବଢାଇଥାଏ? ଏହି ରୋଗକୁ ରୋକିବା ପାଇଁ ଉପାୟ କ’ଣ? ଆସନ୍ତୁ ଜାଣିବା…

ଅଧିକ ପଢ଼ନ୍ତୁ: ତୁଳସୀ ସହିତ ଖାଆନ୍ତୁ ଏହି ଜିନିଷ, ପାଖ ମାଡିବନି ଥଣ୍ଡା-କାଶ...

ଖଟା ଫଳ:

ଭିଟାମିନ୍ ଏବଂ ପୋଷକ ତତ୍ତ୍ୱରେ ଭରପୂର ଖଟା ଫଳ ମଧ୍ୟ ୟୁରିକ୍ ଏସିଡ୍ ବଢାଇପାରେ। ଯଦିଓ ଖଟା ଫଳ ଖାଇବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ, ତେବେ ଏମିଇ କିଛି ଫଳ ଅଛି ଯାହା ଶରୀରରେ ୟୁରିକ୍ ଏସିଡ୍ ବୃଦ୍ଧି ହେବାର ଆଶଙ୍କା ବଢାଇପାରେ। ଲେମ୍ବୁ ଖାଇବା ଦ୍ୱାରା ୟୁରିକ୍ ଏସିଡ୍ ସ୍ତର ମଧ୍ୟ ବଢିପାରେ। ଏପରି ପରିସ୍ଥିତିରେ ଖଟା ଫଳ ଖାଇବା ଠାରୁ ଦୂରେଇ ରହିବା ଜରୁରୀ।

ଡ୍ରାଏଡ୍ ଫ୍ରୁଟ୍ସ:

ଯଦି ଆପଣ ୟୁରିକ୍ ଏସିଡ୍ ରୋଗର ସମ୍ମୁଖୀନ ହେଉଛନ୍ତି ତେବେ ଆପଣ କିଛି ଡ୍ରାଏଡ୍ ଫ୍ରୁଟ୍ସ ଖାଇବା ଠାରୁ ଦୂରେଇ ରହିବା ଉଚିତ। ତେବେ ସମସ୍ତ ଡ୍ରାଏଡ୍ ଫ୍ରୁଟ୍ସ ୟୁରିକ୍ ଏସିଡ୍ ସ୍ତରକୁ ବଢାଏ ନାହିଁ। ୟୁରିକ୍ ଏସିଡ୍ ବଢାଇବାରେ କିସ୍‌ମିସ୍ ପରି କିଛି ଡ୍ରାଏଡ୍ ଫ୍ରୁଟ୍ସ ସାହାଯ୍ୟ କରେ। ତେଣୁ ଏହାକୁ ଖାଇବା ଠାରୁ ଦୂରେଇ ରହିବା ଉଚିତ।

ମିଠା:

ମିଠା ଖାଇବା ଯେତିକି ସ୍ୱାଦ, ସେତିକି କ୍ଷତିକାରକ। ମିଠା ଖାଇବା ଦ୍ୱାରା ୟୁରିକ୍ ଏସିଡ୍, ମଧୁମେହ ଏବଂ ଓଜନ ବଢିପାରେ। ବାସ୍ତବରେ, ମିଠା ଏବଂ ମିଠା ପାନୀୟରେ ଫ୍ରୁଟ୍‌କୋଜ୍ ଭରପୂର ଅଟେ, ଯାହା ୟୁରିକ୍ ଏସିଡ୍‌କୁ ଭାଙ୍ଗିବା ଆରମ୍ଭ କରେ, ଯେଉଁ କାରଣରୁ ୟୁରିକ୍ ଏସିଡ୍ ସ୍ତର ବଢେ।

ମଦ୍ୟପାନ:

ବିୟର ଏବଂ ମଦ୍ୟପାନ କରିବା କେବଳ ଆପଣଙ୍କ ଯକୃତ ଏବଂ କିଡ୍‌ନୀ ପାଇଁ କ୍ଷତିକାରକ ନୁହେଁ, ଏହା ଶରୀରରେ ୟୁରିକ୍ ଏସିଡ୍ ସ୍ତରକୁ ମଧ୍ୟ ବଢାଇପାରେ। ମଦ୍ୟରେ ବହୁ ପରିମାଣର ପ୍ୟୁରିନ୍ ଥାଏ, ଯେଉଁଥିପାଇଁ ରକ୍ତରେ ୟୁରିକ୍ ଏସିଡ୍ ପରିମାଣ ଦ୍ରୁତ ଗତିରେ ବୃଦ୍ଧି ପାଇବାରେ ଲାଗେ। ତେଣୁ ଦୀର୍ଘ ଦିନ ଧରି ମଦ୍ୟପାନ କରୁଥିବା ଲୋକଙ୍କ କିଡ୍‌ନୀ ମଧ୍ୟ ସଠିକ୍ ଭାବରେ କାର୍ଯ୍ୟ କରିବାରେ ଅସମର୍ଥ ହୁଏ। ଏଭଳି ପରିସ୍ଥିତିରେ କିଡ୍‌ନୀ ରକ୍ତରୁ ୟୁରିକ୍ ଏସିଡ୍ ଫିଲ୍ଟର୍ କରିବାରେ ସକ୍ଷମ ହୁଏ ନାହିଁ।

ଚକୋଲେଟ୍:

ଯଦିଓ ଚକୋଲେଟ୍ ଏକ ହାଇ ପ୍ୟୁରିନ୍ ଖାଦ୍ୟ ନୁହେଁ, ଏଥିରେ କିଛି ଉପାଦାନ ଥାଏ ଯାହାକି ୟୁରିକ୍ ଏସିଡ୍‌କୁ କିଛି ପରିମାଣରେ ବଢାଇପାରେ। ବିଶେଷକରି କ୍ଷୀରରୁ ପ୍ରସ୍ତୁତ ଚକୋଲେଟ୍ ଏବଂ ଧଳା ଚକୋଲେଟ୍ ଖାଇବା ମଧ୍ୟ ୟୁରିକ୍ ଏସିଡ୍ ବୃଦ୍ଧି ହେବାର ଆଶଙ୍କା ବଢାଇଥାଏ।