LIVE TV
ଶରୀରରେ ହରମୋନ୍ର ବହୁତ ବଡ ଭୂମିକା ରହିଛି। ବେଳେବେଳେ ବୟସ ବଢିବା ହରମୋନ୍ ପରିବର୍ତ୍ତନ ହେବାର କାରଣ ହୋଇଥାଏ। ରାଗିବା ଠାରୁ ଆରମ୍ଭ କରି ଖୁସି ହେବା ପର୍ଯ୍ୟନ୍ତ, ହରମୋନର ବହୁତ ପ୍ରଭାବ ଥାଏ। ଆପଣ ନିଶ୍ଚୟ ଦେଖିଥିବେ ଯେ ଦୁର୍ବଳ ଏବଂ ଅସୁସ୍ଥ ଲୋକମାନେ ଅଧିକ ଚିଡିଚିଡା ହୋଇଥାନ୍ତି।
ସେହିଭଳି ଘରେ ଯଦି ସବୁବେଳେ ଉତ୍ତେଜନା ଲାଗି ରହେ, ତେବେ ଆପଣଙ୍କୁ ମଧ୍ୟ ଟେନସନରେ ରହିବାକୁ ପଡିବ। ଏହି ସବୁ କ୍ଷେତ୍ରରେ ହରମୋନର ବହୁତ କିଛି ପ୍ରଭାବ ପଡିଥାଏ।
ଆମ ଶରୀରରେ କିଛି ହରମୋନ୍ ମଧ୍ୟ ଥାଏ ଯାହା ଆମ ରକ୍ତ ପ୍ରବାହ ମାଧ୍ୟମରେ ମସ୍ତିଷ୍କରେ ପହଞ୍ଚେ ଏବଂ ମସ୍ତିଷ୍କକୁ ଆରାମ ଦିଏ। ଏହା ଦ୍ୱାରା ଜଣେ ବ୍ୟକ୍ତି ଖୁସି ଅନୁଭବ କରେ। ଏହାକୁ ହାପି ହର୍ମୋନ୍ କୁହାଯାଏ। ସେହିପରି କିଛି ହରମୋନ୍ ହେଲା ସେରୋଟୋନିନ୍, ଏଣ୍ଡୋରଫିନ୍, ଡୋପାମାଇନ୍, ଅକ୍ସିଟୋସିନ୍ ଇତ୍ୟାଦି। ତେବେ ଆସନ୍ତୁ ଜାଣିବା କେଉଁ ସବୁ ଜିନିଷ ଖାଇବା ଦ୍ୱାରା ଶରୀରରେ ଏହି ସବୁ ହାପି ହରମୋନ୍ଗୁଡ଼ିକୁ ସକ୍ରିୟ ହୋଇଥାନ୍ତି।
Also Read
ଅଧିକ ପଢ଼ନ୍ତୁ: ଥକାପଣରୁ ମୁକ୍ତି ପାଇବା ପାଇଁ ଏହି ୫ ଅଭ୍ୟାସକୁ ପରିବର୍ତ୍ତନ କରନ୍ତୁ
ଡାର୍କ ଚକୋଲେଟ୍:
ଏକ ଖବର ଅନୁଯାୟୀ, ଡାର୍କ ଚକୋଲେଟ୍ ହାପି ହରମୋନର ଏକ ଉତ୍ତମ ଉତ୍ସ। ଏହାକୁ ଖାଇଲେ ମୁଡ ଠିକ ରହିଥାଏ। ଏଥିରେ ମିନେରାଲ୍ସ ଏବଂ ମ୍ୟାଗ୍ନେସିୟମ୍ ମଧ୍ୟ ଥାଏ। ଏହାକୁ ଖାଇବା ଦ୍ୱାରା ଚାପ କମିଯାଏ। ଏଞ୍ଜାଇଟି କ୍ଷେତ୍ରରେ ଏହା ବହୁତ ଭଲ କାମକରେ।
ଜାମୁ କୋଳି:
ଜାମୁ କୋଳି କେବଳ ସ୍ୱାଦିଷ୍ଟ ନୁହେଁ, ଏହା ମଧ୍ୟ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ। ଏଥିରେ ଅନେକ ଭିଟାମିନ୍ ଏବଂ ଆଣ୍ଟିଅକ୍ସିଡାଣ୍ଟ ଥାଏ। ଏହା ଶରୀରକୁ କ୍ଷତିକାରକ ଜୀବାଣୁରୁ ରକ୍ଷା କରିଥାଏ। ଏହା ଚାପକୁ ହ୍ରାସ କରିଥାଏ ଏବଂ ମନକୁ ଶାନ୍ତ ଏବଂ ଖୁସି କରିଥାଏ।
ଏଭୋକାଡୋ:
ଏଭୋକାଡୋ ଏକ ଅତ୍ୟନ୍ତ ସୁସ୍ଥ ଫଳ। ଏହା ଭିଟାମିନ୍ B6 ର ଏକ ଉତ୍କୃଷ୍ଟ ଉତ୍ସ। ଏହାର ସେବନ ମୁଡ୍କୁ ଫ୍ରେସ୍ କରେ। ଏହା ଶରୀରରେ ଥିବା ହାପି ହରମୋନ୍କୁ ସକ୍ରିୟ କରିଥାଏ। ଏହାର ସେବନ ସ୍ୱାସ୍ଥ୍ୟ ପାଇଁ ଅନେକ ଉପକାର ଆଣିଥାଏ।
ସବୁଜ ପତ୍ରଯୁକ୍ତ ପନିପରିବା:
ସବୁଜ ପତ୍ରଯୁକ୍ତ ପନିପରିବା ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ। ଏସବୁ ଅନେକ ଭିଟାମିନ୍ ଏବଂ ପୋଷକ ତତ୍ତ୍ୱରେ ଭରପୂର। ଏହା ଶରୀରରେ ହାପି ହରମୋନ୍କୁ ସକ୍ରିୟ କରିଥାଏ। ପାଳଙ୍ଗ ପରି ପନିପରିବାରେ ପ୍ରଚୁର ପରିମାଣର ମାଗ୍ନେସିୟମ୍ ମିଳିଥାଏ। ଏହା ଚାପ ହ୍ରାସ କରି ହପି ହରମୋନ୍କୁ ସକ୍ରିୟ କରିଥାଏ।
ବାଦାମ ଜାତୀୟ ଖାଦ୍ୟ:
ବାଦାମ ଜାତୀୟ ଖାଦ୍ୟ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ। ଏଗୁଡ଼ିକରେ ଅନେକ ପ୍ରକାରର ପୋଷକ ତତ୍ତ୍ୱ ଥାଏ। ଏ ସବୁ ଖାଇବା ଦ୍ୱାରା ଶରୀର ସୁସ୍ଥ ହୋଇଯାଏ। କାଜୁ, ବାଦାମ, ପିସ୍ତା, ଅଖରୋଟ୍ ପରି ଡ୍ରାଇ ଫ୍ରୁଟ୍ସ ଖାଇବା ଦ୍ୱାରା ହାପି ହରମୋନ୍ ସକ୍ରିୟ ହୋଇଥାଏ। ଏହା ଚାପକୁ ହ୍ରାସ କରି ମନକୁ ଶାନ୍ତ ରଖେ।
