Gourd Juice: ଓଜନ କମାଇବାରେ ସାହାଯ୍ୟ କରେ, ହଜମ ଶକ୍ତିକୁ ବଢ଼ାଏ

ଲାଉ ଏକ ଏପରି ପନିପରିବା ଯାହାକୁ ଆମେ ଅନେକ ସମୟରେ ଅଣଦେଖା କରିଦେଉ। କିନ୍ତୁ ଏହାର ଜୁସ ସ୍ୱାସ୍ଥ୍ୟ ପାଇଁ କୌଣସି ବରଦାନରୁ କମ୍ ନୁହେଁ। ସକାଳୁ ଖାଲି ପେଟରେ ଲାଉ ଜୁସ ପିଇଲେ ଶରୀରକୁ ଡିଟକ୍ସ କରେ, ହଜମ ଶକ୍ତିକୁ ବଢ଼ାଏ ଏବଂ ଓଜନ କମାଇବାରେ ସାହାଯ୍ୟ କରେ। ଏଥିରେ ଫାଇବର, ଭିଟାମିନ୍ସ ଏବଂ ଆଣ୍ଟିଅକ୍ସିଡାଣ୍ଟ ରହିଛି, ଯାହା ହୃଦୟ ଏବଂ ଯକୃତ ପାଇଁ ମଧ୍ୟ ଲାଭଦାୟକ ବୋଲି କୁହାଯାଏ । ଯଦି ଆପଣ କୋଷ୍ଠକାଠିନ୍ୟ କିମ୍ବା ଉଚ୍ଚ ରକ୍ତଚାପ ଭଳି ସମସ୍ୟାରେ ପିଡୀତ ତେବେ ଲାଉ ଜୁସ ଆପଣଙ୍କୁ ଅନେକ ଫାଇଦା ଦେବ । ଆସନ୍ତୁ ଜାଣିବା ଲାଉ ଜୁସର ୫ଟି ଫାଇଦା

ଓଜନ କମାଇବାରେ ସାହାଯ୍ୟକାରୀ

ଲାଉ ଜୁସ ଫାଇବରରେ ପରିପୂର୍ଣ୍ଣ ଏବଂ ଏଥିରେ କ୍ୟାଲୋରୀ ବହୁତ କମ୍ ଥାଏ । ଏହା ଶରୀରକୁ ଡିଟକ୍ସ କରେ ଏବଂ ଭୋକକୁ ନିୟନ୍ତ୍ରଣ କରେ, ଯାହା ଫଳରେ ଓଜନ ନିୟନ୍ତ୍ରଣରେ ରହେ।

ଉଚ୍ଚ ରକ୍ତଚାପ ଓ ହୃଦୟ ରୋଗ ପାଇଁ ଲାଭଦାୟକ

ଲାଉରେ ପୋଟାସିୟମ ଏବଂ ଜଳର ପରିମାଣ ଅଧିକ, ଯାହା ରକ୍ତଚାପକୁ ନିୟନ୍ତ୍ରିତ କରେ। ମାନସିକ ଚାପ କମାଇବାରେ ବି ସାହାଯ୍ୟ କରେ।

ହଜମ ଶକ୍ତି ‍‍‍ବଢ଼ାଏ

ଲାଉ ଜୁସ କୋଷ୍ଠକାଠିନ୍ୟ, ଗ୍ୟାସ୍ ଏବଂ ଏସିଡିଟି ଭଳି ସମସ୍ୟାରୁ ଆରାମ ଦିଏ। ଏହା ହଜମରେ ସାହାଯ୍ୟ କରିବା ସହ ଏବଂ ଅନ୍ତନଳୀକୁ ପରିଷ୍କାର ରଖେ।

ଚର୍ମକୁ ଚମକଦାର କରେ

ଲାଉରେ ଥିବା ଆଣ୍ଟିଅକ୍ସିଡାଣ୍ଟ ତତ୍ତ୍ୱ ଚର୍ମକୁ ଟକ୍ସିନ୍ସରୁ ରକ୍ଷା କରେ। ନିୟମିତ ସେବନ ଦ୍ୱାରା ମୁହଁରେ ବ୍ରଣ କମେ ଏବଂ ଚର୍ମରେ ପ୍ରାକୃତିକ ଚମକ ଆଣିବାରେ ସାହାଯ୍ୟ କରେ।

ମାନସିକ ଶାନ୍ତି ଓ ଶକ୍ତି ପାଇଁ ଉତ୍ତମ

ଲାଉ ଜୁସ ଶରୀରକୁ ଶୀତଳତା ଦିଏ, ଯାହା ମାନସିକ ଚାପ ଓ ଚିଡ଼ିଚିଡ଼ାପଣ କମାଇଥାଏ। ଏହା ଦିନସାରା ସତେଜ ଓ ଶକ୍ତିଶାଳୀ ରଖେ।

କିପରି ସେବନ କରିବେ

• ସକାଳୁ ଖାଲି ପେଟରେ ଏକ ଗ୍ଲାସ ତାଜା ଲାଉ ଜୁସ ନିଅନ୍ତୁ।
• ସ୍ୱାଦ ବଢ଼ାଇବା ପାଇଁ ଏଥିରେ ପୁଦିନା କିମ୍ବା ଆମଲା ମିଶାଇ ପାରିବେ।
• ଧ୍ୟାନ ରଖନ୍ତୁ ଯେ ଜୁସ ତାଜା ଓ ଭଲ ଲାଉରୁ ତିଆରି ହୋଇଥିବ।