ଚିକେନର ଏହି ରେସିପି ପାଟିକୁ ଯେତେ ସୁଆଦିଆ ତାହା ସ୍ୱାସ୍ଥ୍ୟ ପାଇଁ ମଧ୍ୟ ସେତିକି ଲାଭଦାୟକ । ଅଳ୍ପ ମସଲା ଓ କମ୍ ତେଲରେ ଆଜି ଆମେ
Also Read
‘ଗ୍ରୀନ୍ ଚିକେନ୍ କରି’ ବନେଇବା ପାଇଁ ସାମଗ୍ରୀ:
ଚିକେନ୍, ଗ୍ରୀନ୍ କରି ପେଷ୍ଟ, ଗ୍ରୀନ୍ ବିନ୍ସ, ସିଲାଣ୍ଟ୍ରୋ, ଲୁଣ, ନଡ଼ିଆ ତେଲ, ଅଲିଭ ଅଏଲ, ବ୍ରୋକୋଲି, କଞ୍ଚା ଲଙ୍କା, ଗୋଲମରିଚ ଗୁଣ୍ଡ ।
ପ୍ରସ୍ତୁତି ପ୍ରଣାଳୀ:
- ଚିକେନର ଏହି ରେସିପି ପ୍ରସ୍ତୁତ କରିବା ପାଇଁ ସର୍ବପ୍ରଥମେ ଏକ କଡେଇ ବା ପ୍ୟାନ୍ରେ ଅଲିଭ୍ ଅଏଲ ଗରମ କରନ୍ତୁ ।
- ତେଲ ଗରମ ହୋଇଗଲା ପରେ ସେଥିରେ ଗ୍ରୀନ୍ କରି ପେଷ୍ଟ ପକାଇ ଏକ ମିନିଟ୍ ଯାଏ ଗରମ କରନ୍ତୁ।
- ଚିକେନ୍କୁ ଭଲଭାବେ ପାଣିରେ ଧୋଇଦିଅନ୍ତୁ।
- ଏହାପରେ ଚିକେନ୍କୁ ଗ୍ରୀନ୍ କରି ପେଷ୍ଟରେ ପକାଇ ୫ରୁ ୧୦ ମିନିଟ୍ ଯାଏ ଧିମା ଆଞ୍ଚରେ ସିଝାନ୍ତୁ।
- ଏହାପରେ ଚିକେନ୍ରେ ନଡ଼ିଆ ତେଲ ପକାଇ ଗୋଳାନ୍ତୁ।
- ଏହାପରେ ସେଥିରେ ବ୍ରୋକୋଲି, କଞ୍ଚା ଲଙ୍କା, ବିନ୍ସ ପକାଇ ଘୋଡ଼ାଇ ଦିଅନ୍ତୁ।
- ଏହାପରେ ସେଥିରେ ଅଧ କପ୍ ପାଣି ଏବଂ ଲୁଣ ପକାନ୍ତୁ।
- ଏହାକୁ ଅଧିକ ପୁଷ୍ଟିକର କରିବା ଲାଗି ଚିକେନ୍ ଷ୍ଟକ୍ ମଧ୍ୟ ପକାଇପାରିବେ।
- ପରିବା ଓ ଚିକେନ୍ ସିଝିବା ପାଇଁ ୧୫ରୁ ୨୦ ମିନିଟ୍ ପର୍ଯ୍ୟନ୍ତୁ ଛାଡି ଦିଅନ୍ତୁ ।
- ଯଦି ଆପଣଙ୍କୁ ମସଲା ପସନ୍ଦ, ତେବେ ଏଥିରେ ଗ୍ରୀନ୍ ଚିଲି ପେଷ୍ଟ ପକାଇପାରିବେ।
- ଆପଣ ଚାହିଲେ ଏଥିରେ ଅଳ୍ପ ଫ୍ରେଶ୍ କ୍ରିମ୍ ବ୍ୟବହାର କରିପାରିବେ। ଯାହାଫଳରେ ଏହି ଖାଦ୍ୟ କିଛିଟା ସ୍ମୁଥ୍ ଓ କ୍ରିମି ଦେଖାଯିବ।
- ଏଥିରେ ଅଳ୍ପ ଲେମନ ଗ୍ରାସ୍ ପକାନ୍ତୁ, ଯାହାଫଳରେ ଫଳ ବାସ୍ନା ହେବ।
- ଏହାପରେ ଚୁଲିକୁ ବନ୍ଦ କରିଦିଅନ୍ତୁ । ଏକ ପ୍ଲେଟ୍ ରେ ରେସିପି କାଢି ସଜେଇ ଦିଅନ୍ତୁ ।
ଏବେ ପ୍ରସ୍ତୁତ ହୋଇଗଲା ‘ଗ୍ରୀନ୍ ଚିକେନ୍ କରି' । ଏହି 'ଗ୍ରୀନ୍ ଚିକେନ୍ କରି' ରେସିପିକୁ ଫ୍ରାଏଡ୍ ରାଇସ୍ ସହିତ ଖାଇଲେ ବେଶୀ ସୁଆଦିଆ ଲାଗିଥାଏ । ଏହି ରେସିପିଟି ଘରେ ବନେଇ ନିଜେ ଖାଆନ୍ତୁ । ଘର ଲୋକଙ୍କୁ ପରଷନ୍ତୁ ।