ଆମ ଓଡ଼ିଆ ଘରର ଖାଦ୍ୟ ସବୁଠୁ ଅଲଗା । ଆମ ଓଡ଼ିଶାର ଦେଶୀ ରେସିପି ସବୁଠି ସମସ୍ତଙ୍କୁ ପସନ୍ଦ ଆସିଛି । ଆଜି ଆମେ ଚିକେନର ଏକ ଦେଶୀ ଚଟପଟା ରେସିପି ପ୍ରସ୍ତୁତ କରିବୁ । ଏହି ରେସିପିର ନାଁ ହେଉଛି ‘ଆମ୍ବୁଲ ଚିକେନ’ । ଏହି ରେସିପିଟି ଆମେ ଆମେ ଅତି ସହଜ ଓ ଦେଶୀ ଉପାୟରେ ବନେଇବା । ତେବେ ଚାଲନ୍ତୁ ଜାଣିବା ଏହାକୁ କିଭଳି ପ୍ରସ୍ତୁତ କରାଯାଏ ।
Also Read
‘ଆମ୍ବୁଲ ଚିକେନ’ ବନେଇବା ପାଇଁ ଆବଶ୍ୟକ ସାମଗ୍ରୀ:
ଚିକେନ୍, ଆମ୍ୱୁଲ, ଜିରା ଗୁଣ୍ଡ, ଲଙ୍କା ଗୁଣ୍ଡ, ଲୁଣ, ପୋଦିନା ପତ୍ର ଓ ରସ, ହଳଦୀ ଗୁଣ୍ଡ, ଚିଲି ସସ୍, ଅଦା, ଚିନି, ଆମ୍ୱକଷିଆ ଅଦା, ଧନିଆ ଗୁଣ୍ଡ, ପିଆଜ, ରସୁଣ ଓ ତେଲ।
ପ୍ରସ୍ତୁତି ପ୍ରଣାଳୀ:
- ପ୍ରଥମେ କଟା ହୋଇ ରହିଥିବା ଚିକେନ୍ରେ ଲୁଣ, ହଳଦୀ ଗୁଣ୍ଡ, ପୋଦିନା ପତ୍ର ବଟା ଓ ଛେଚା ହୋଇଥିବା ଆମ୍ୱକଷିଆ ଅଦା ପକାନ୍ତୁ।
- ଏହାପରେ ସେଥିରେ ଅଦା ଛେଚା, ଆମ୍ୱୁଲ ପାଣି, ଲଙ୍କା ଗୁଣ୍ଡ ଓ ଅଳ୍ପ ଚିନି ପକାଇ ଭଲ ଭାବରେ ଗୋଳାଇ ଦିଅନ୍ତୁ। ଏହାକୁ ମ୍ୟାରିନେଟ୍ ହେବା ପାଇଁ କିଛି ସମୟ ଛାଡ଼ି ଦିଅନ୍ତୁ।
- କିଛି ସମୟ ପରେ କଡ଼େଇରେ ତେଲ ଗରମ କରି କଟା ପିଆଜ ପକାଇ ଭାଜନ୍ତୁ।
- ପିଆଜ ଅଳ୍ପ ଭାଜି ହୋଇଗଲେ ରସୁଣ ଛେଚା, କଟା କଞ୍ଚା ଲଙ୍କା, ହଳଦୀ ଗୁଣ୍ଡ, ଲଙ୍କା ଗୁଣ୍ଡ ଓ ଜିରା ଗୁଣ୍ଡ ପକାନ୍ତୁ।
- ଏହା ସହିତ ସେଥିରେ ଅଦା ଛେଚା, ଅଳ୍ପ ଚିନି, ସ୍ୱାଦ ଅନୁସାରେ ଲୁଣ ଓ ଚିଲି ସସ୍ ପକାଇ ଫ୍ରାଏ କରନ୍ତୁ।
- ମସଲା ଫ୍ରାଏ ହୋଇଯିବା ପରେ ମ୍ୟାରିନେଟ୍ ହୋଇଥିବା ଚିକେନ୍କୁ ପକାଇ ଭଲ ଭାବେ କଷନ୍ତୁ।
- ଚିକେନ୍ ଭଲ ଭାବେ କଷି ହୋଇଯିବା ପରେ ସେଥିରେ ପୋଦିନା ରସ ଓ ଆମ୍ୱୁଲ ରସ ପକାଇ ଆବଶ୍ୟକ ଅନୁସାରେ ପାଣି ଦେଇ ଘୋଡ଼େଇ ଦିଅନ୍ତୁ।
- ପ୍ରାୟ ୧୫ ମିନିଟ୍ ପର୍ଯ୍ୟନ୍ତ ଚିକେନ୍କୁ ସିଝିବାକୁ ଛାଡ଼ି ଦିଅନ୍ତୁ।
- ଏହାପରେ କଡ଼େଇକୁ ଚୁଲିରୁ ଓହ୍ଲାଇ ଦିଅନ୍ତୁ।
ଏବେ ପ୍ରସ୍ତୁତ ହୋଇଗଲା ଆପଣଙ୍କର ଖଟାମିଠା ‘ଆମ୍ୱୁଲ ଚିକେନ୍’। ଏହି ରେସିପି ଆପଣ ଫ୍ରାଏଡ୍ ରାଇସ୍ ସହିତ ଖାଇଲେ ବେଶୀ ସୁଆଦିଆ ଲାଗିଥାଏ । ଏହି ରେସିପିଟି ଆପଣ ଘରେ ବନେଇ ନିଜେ ଖାଆନ୍ତୁ ଓ ଘର ଲୋକଙ୍କୁ ପରଷନ୍ତୁ ।