ଆସ ଖାଇବା ‘ଛେନା ପୁର ଦିଆ ମଣ୍ଡା ପିଠା’

ଆମ ଓଡିଆ ଘରେ ପର୍ବପର୍ବାଣୀ ଆସିଲେ ବିଭିନ୍ନ ପିଠାପଣା ତିଆରି କରାଯାଏ । ଆଜି ଶାମ୍ବ ଦଶମୀ । ଆଜିର ଏହି ଦିନରେ ସୂର୍ଯ୍ୟ ଦେବତାଙ୍କୁ ପୂଜା କରାଯାଇ ବିଭିନ୍ନ ସୁସ୍ୱାଦୁ ପିଠା ତିଆରି କରାଯାଇ ଭୋଗ ଲଗାଯାଇଥାଏ । ସେଥିପାଇଁ ଆଜି ଆମେ ଆପଣଙ୍କ ପାଇଁ ପ୍ରସ୍ତୁତ କରିବୁ ‘ଛେନା ପୁର ଦିଆ ମଣ୍ଡା ପିଠା’ । ଏହି ପିଠା ଆମ ଓଡ଼ିଆ ଘରର ଏକ ପାରମ୍ପିକ ପିଠା ।

‘ଛେନା ପୁର ଦିଆ ମଣ୍ଡା ପିଠା’ ବନେଇବା ପାଇଁ ସାମଗ୍ରୀ:

ଅରୁଆ ଚାଉଳ,ନଡ଼ିଆ,ପାଣି,ଗୁଜୁରାତି, ଗୁଣ୍ଡ,ଚିନିଲୁଣଛେନା

ପ୍ରସ୍ତୁତି ପ୍ରଣାଳୀ:

• ପ୍ରଥମେ ଅରୁଆ ଚାଉଳକୁ ପାଣିରେ ଭିଜାଇ ରଖନ୍ତୁ।
• କିଛି ଘଣ୍ଟା ପରେ ଏହାକୁ ଗ୍ରାଇଣ୍ଡିଂ କରି ଦିଅନ୍ତୁ। ଏବେ ଏହାକୁ ଏକ ପାତ୍ରରେ ରଖନ୍ତୁ।
• ଏହାପରେ ପୁର ପ୍ରସ୍ତୁତ କରିବା ପାଇଁ ନଡ଼ିଆ କୋରି ଦିଅନ୍ତୁ।
• ଚୁଲିରେ କଡ଼େଇ ବସାଇ ନଡ଼ିଆ କୋରା, ଚିନି, ଛେନା ଏବଂ ଗୁଜୁରାତି ଗୁଣ୍ଡ ପକାଇ ଭାଜି ଦିଅନ୍ତୁ।
• ଆପଣ ଏଠାରେ ଚାହିଁଲେ ଚିନି ଜାଗାରେ ଗୁଡ଼ ମଧ୍ୟ ପକାଇ ପାରିବେ।
• ଏହାପରେ ଗ୍ୟାସ୍‌ରେ ଏକ କଡ଼େଇରେ ପାଣି ଗରମ କରନ୍ତୁ।
• ସେଥିରେ ଆବଶ୍ୟକ ଅନୁସାରେ ଲୁଣ ପକାନ୍ତୁ। ପାଣି ଫୁଟିଯିବା ପରେ ଚାଉଳ ଚୂନା ପକାନ୍ତୁ ଓ ତାକୁ ଭଲ ଚଲାନ୍ତୁ।
• ପିଠା ପାଇଁ ଜନ୍ତୁଣୀ ପ୍ରସ୍ତୁତି ହୋଇଯିବା ପରେ କଡ଼େଇକୁ ଚୁଲିରୁ ଓହ୍ଲାଇ ଦିଅନ୍ତୁ।
• ଜନ୍ତୁଣୀ ସାମାନ୍ୟ ଥଣ୍ଡା ହେବା ପରେ ସେଥିରେ ପୂର ଦେଇ ଗୋଲ ଗୋଲ କରି ଗଢନ୍ତୁ।
• ଏବେ ଚୁଲିରେ ଏକ କଡ଼େଇରେ ପାଣି ଗରମ କରନ୍ତୁ।
• ପାଣି ଫୁଟିଯିବା ପରେ ପିଠା ଗୁଡିକ ସେଥିରେ ପକାନ୍ତୁ।
• ପିଠା ଗୁଡିକ ଭଲ ଭାବେ ସିଝି ଗଲା ପରେ ଚୁଲି ବନ୍ଦ କରିଦିଅନ୍ତୁ ।
• ଏହାର କିଛି ସମୟ ପରେ ସେଗୁଡ଼ିକୁ ପାଣିରୁ କାଢ଼ି ଆଣନ୍ତୁ।
• ଏହାପରେ ଏହା ଥଣ୍ଡା ହୋଇଗଲା ପରେ ଏକ ପ୍ଲେଟ୍ କୁ କାଢି ଦିଅନ୍ତୁ ।

ଏବେ ପ୍ରସ୍ତୁତ ହୋଇଗଲା ‘ଛେନା ପୁର ଦିଆ ମଣ୍ଡ। ପିଠା । ଏହି ପିଠାକୁ ତିଆରି କରି ଭାଗବାନଙ୍କ ପାଖରେ ଭୋଗ ଲଗାନ୍ତୁ । ଏହାପରେ ନିଜେ ଖାଆନ୍ତୁ ଘର ଲୋକଙ୍କୁ ପରଷନ୍ତୁ ।