ଘରେ ଆପଣ ଚିଙ୍ଗୁଡ଼ିର ଅନେକ ରେସିପି ତିଆରି କରି ଖାଇଥିବେ । ଆଜି ଆମେ ଆପଣଙ୍କ ପାଇଁ ଚିଙ୍ଗୁଡ଼ିର ଏକ ସୁଆଦିଆ ରେସିପି ପ୍ରସ୍ତୁତ କରିବୁ । ଏହି ରେସିପିର ନାଁ ହେଉଛି ‘ଚଙ୍ଗୁଡ଼ି ଚକ୍ମା’ । ଏହି ରେସିପିକୁ ଅତି ସହଜ ଓ ସରଳ ଉପାୟରେ ବନେଇ ପାରିବେ । ‘ଚଙ୍ଗୁଡ଼ି ଚକ୍ମା’ ରେସିପ ବନେଇ ଆଜିର ଖ୍ରୀଷ୍ଟମାସକୁ କରନ୍ତୁ ଖାସ୍ ।
Also Read
‘ଚିଙ୍ଗୁଡ଼ି ଚକ୍ମା’ ବନେଇବା ପାଇଁ ଆବଶ୍ୟକ ସାମଗ୍ରୀ:
ଚିଙ୍ଗୁଡ଼ି, ଲଙ୍କା ପାଉଡ଼ର, ଜିରା ପାଉଡ଼ର, ଗରମ ମସଲା, ହଳଦୀ ଗୁଣ୍ଡ, ତେଲ ,ଲୁଣ, ମସଲା ପେଷ୍ଟ୍- ( ଭିନେଗାର, ଶୁଖିଲା ଲଙ୍କା, ଜିରା, ରସୁଣ)ରେ ପ୍ରସ୍ତୁତ।
ପ୍ରସ୍ତୁତି ପ୍ରଣାଳୀ:
- ପ୍ରଥମେ ବଡ଼ ଚିଙ୍ଗୁଡ଼ି ଆଣି ତାକୁ ଧୋଇ ସେଥିରେ ଲୁଣ ହଳଦୀ ଗୋଳାଇ ଏକ ପାତ୍ରରେ ରଖନ୍ତୁ।
- ତାପରେ ସେହି ଚିଙ୍ଗୁଡ଼ିରେ ଭିନେଗାର, ଜିରା, ରସୁଣ, ଶୁଖିଲା ଲଙ୍କା ପେଷ୍ଟ୍ ପକାନ୍ତୁ।
- ଏହାପରେ ସେଥିରେ ଲୁଣ, ଅଳ୍ପ ହଳଦୀ, ଗରମ ମସଲା, ଅଳ୍ପ ଜିରା ପାଉଡର ପକାଇ ଗୋଳେଇ ଦିଅନ୍ତୁ। ତାପରେ କିଛି ସମୟ ତାକୁ ରଖି ଦିଅନ୍ତୁ।
- ଏହାପରେ ଚୁଲିରେ ଏକ କଡ଼େଇ ବସାଇ ସେଥିରେ ତେଲ ପକାନ୍ତୁ।
- ତେଲ ଗରମ ହୋଇଯିବା ପରେ ସେହି ମସଲା ଗୋଳା ହୋଇ ରହିଥିବା ଚିଙ୍ଗୁଡ଼ିକୁ ପକାଇ ଏପଟ ସେପଟ କରି ଲେଉଟାଇ ଭାଜନ୍ତୁ।
- ଚିଙ୍ଗୁଡ଼ି ଭାଜି ହୋଇଯିବା ପରେ ସେଥିରେ ଗରମ ମସଲା ପକାଇ ଗୋଳାଇ ଦିଅନ୍ତୁ।
- ଏହାପରେ ଏହାକୁ ଏକ ପାତ୍ରକୁ କାଢି ନିଅନ୍ତୁ । କଟା ଧନିଆ ପତ୍ର ପକାଇ ଏହାକୁ ସଜେଇ ଦିଅନ୍ତୁ ।
ଏବେ ପ୍ରସ୍ତୁତ ହୋଇଗଲା ସୁଆଦିଆ 'ଚିଙ୍ଗୁଡ଼ି ଚକ୍ମା'। ଏହି ରେସିପିଟିକୁ ଗରମ ଭାତ ବା ରୁଟି ସହିତ ଖାଇଲେ ବେଶୀ ସୁଆଦିଆ ଲାଗିଥାଏ । ଏହି ରେସିପି ବନେଇ ନିଜେ ଖାଆନ୍ତୁ ଓ ଘର ଲୋକଙ୍କୁ ପରଷନ୍ତୁ ।