LIVE TV
ପ୍ରତିବର୍ଷ ୦୭ ଜୁନ୍ରେ ଆମେ ‘ବିଶ୍ୱ ଖାଦ୍ୟ ସୁରକ୍ଷା ଦିବସ’ ପାଳନ କରୁ। ଏହା ଆମକୁ ସୂଚାଇ ଦିଏ ଯେ ଆମର ଖାଦ୍ୟ ନିରାପଦ ହେବା ଉଚିତ। ମିଳିତ ଜାତିସଂଘ ଏହି ଦିନ ଆରମ୍ଭ କରିବାର ଉଦ୍ଦେଶ୍ୟ ହେଲା, ଏହା ଆମକୁ ମନେପକେଇ ଦିଏ ଯେ ଆମର ଖାଦ୍ୟ ତିଆରି କରିବା ଠାରୁ ଆରମ୍ଭ କରି ଏହା ଆମ ଥାଳିରେ ପହଞ୍ଚିବା ପର୍ଯ୍ୟନ୍ତ ସବୁଥିରେ ଯତ୍ନବାନ ହେବା ଉଚିତ।
ଚାଷ କରିବା, ଏହାର ପ୍ରକ୍ରିୟାକରଣ, ସଂରକ୍ଷଣ, ବଣ୍ଟନ ଏବଂ ପ୍ରସ୍ତୁତ କରିବା ପାଇଁ ଅନେକ ଲୋକ ମିଶି କାମ କରନ୍ତି। ଏହି ପ୍ରକ୍ରିୟାରେ ଅନେକ ପର୍ଯ୍ୟାୟ ଅଛି ଯେଉଁଠାରେ ଆମର ଖାଦ୍ୟ ଅସୁରକ୍ଷିତ ହୋଇପାରେ। ଏନେଇ ଏହି ଦିନକୁ ପାଳନ କରିବାର ଗୁରୁତ୍ୱପୂର୍ଣ୍ଣ କାରଣ ହେଉଛି ଏସବୁ ଉପରେ ସଚେତନ କରିବା।
ଅଧିକ ପଢ଼ନ୍ତୁ: ଓଜନ କମାଇବା ପାଇଁ ଚାହୁଁଛନ୍ତି କି...ପିଅନ୍ତୁ ଏହି ୫ଟି ସୁପ୍...
Also Read
ପ୍ରତିବର୍ଷ ପ୍ରାୟ ୬୦୦ ମିଲିୟନ ନିୟୁତ ଲୋକ ଅସୁରକ୍ଷିତ ଖାଦ୍ୟ ପାଇଁ ଅସୁସ୍ଥ ହୋଇପଡନ୍ତି। ତେଣୁ ନିରାପଦ ଖାଦ୍ୟ ଆମ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ତେଣୁ ଚାଷ କରିବା ଠାରୁ ଆରମ୍ଭ କରି ଏହାକୁ ଖାଇବା ପର୍ଯ୍ୟନ୍ତ, ଆମେ ସବୁ କ୍ଷେତ୍ରରେ ସତର୍କ ହେବା ଆବଶ୍ୟକ। ଦୂଷିତ ଖାଦ୍ୟ ଖାଇବା ଦ୍ୱାରା ଲୋକେ ବାରମ୍ବାର ଖାଦ୍ୟଜନିତ ରୋଗର ଶିକାର ହୁଅନ୍ତି। ଏହାର ଲକ୍ଷଣ ବାନ୍ତି, ଯନ୍ତ୍ରଣା ଏବଂ ଝାଡ଼ା ଭଳି ହୋଇପାରେ।
ଥିମ୍:
ପ୍ରତିବର୍ଷ ଏହି ଦିବସକୁ ଏକ ନିର୍ଦ୍ଦିଷ୍ଟ ଥିମ୍ ସହ ପାଳନ କରାଯାଏ। ଚଳିତ ବର୍ଷର ଥିମ୍ ହେଉଛି "ଖାଦ୍ୟ ସୁରକ୍ଷା: ଅପ୍ରତ୍ୟାଶିତ ପାଇଁ ପ୍ରସ୍ତୁତ ହୁଅ"
ବର୍ତ୍ତମାନ ଗ୍ରୀଷ୍ମଋତୁ ଚାଲିଛି। ଅତ୍ୟଧିକ ଗରମ କାରଣରୁ ଆମର ଖାଦ୍ୟ ଅଭ୍ୟାସ ଆମ ସ୍ୱାସ୍ଥ୍ୟକୁ ନଷ୍ଟ କରିଥାଏ। ଏପରି ପରିସ୍ଥିତିରେ, ଆମର ସ୍ୱାସ୍ଥ୍ୟରେ ଉନ୍ନତି ଆଣିବା ପାଇଁ ଆମର ଖାଦ୍ୟପେୟକୁ ପରିବର୍ତ୍ତନ କରିବା ଆବଶ୍ୟକ। ଏହା ଆମ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ। ତେବେ ଆସନ୍ତୁ ଏମିତି କିଛି ଖାଦ୍ୟ ବିଷୟରେ ଜାଣିନେବା ଯାହା ଗ୍ରୀଷ୍ମ ଦିନରେ ଆମ ହଜମ ପ୍ରକ୍ରିୟାକୁ ସୁସ୍ଥ ରଖେ ଏବଂ ଶରୀରକୁ ସୁସ୍ଥ ରଖିବାରେ ସାହାଯ୍ୟ କରେ।
ଲାଉ:
ଗ୍ରୀଷ୍ମ ଋତୁରେ ଲାଉ ଖାଇବା ଆମ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ। କାରଣ ଏଥିରେ ଅନେକ ଗୁଣ ମିଳିଥାଏ ଯାହା ଆମ ଶରୀରକୁ ଶୀତଳ କରିବା ସହିତ ହଜମ ପ୍ରକ୍ରିୟାକୁ ମଜବୁତ କରିବାରେ ମଧ୍ୟ ପ୍ରଭାବଶାଳୀ। ତେଣୁ, ସନ୍ଧ୍ୟାରେ ହାଲୁକା ଭୋଜନ ଭାବରେ ଲାଉ ଖାଇବା ସ୍ୱାସ୍ଥ୍ୟ ପାଇଁ ଲାଭଦାୟକ ଏବଂ ଏହା ଆମ ଶରୀରକୁ ହାଇଡ୍ରେଟ୍ ରଖିବାରେ ମଧ୍ୟ ସାହାଯ୍ୟ କରେ।
ଅଧିକ ପଢ଼ନ୍ତୁ: ଖରାଦିନେ ସୁସ୍ଥ ରହିବା ପାଇଁ କିପରି ସହଯୋଗ କରେ ଆମ୍ବ
ଦହି:
ଗ୍ରୀଷ୍ମ ଋତୁରେ ଦହି ଖାଇବା ମଧ୍ୟ ଆମ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ। ଆମର ହଜମ ପ୍ରକ୍ରିୟାକୁ ମଜବୁତ କରିବା ବ୍ୟତୀତ ଏହା ଆମର ପ୍ରତିରକ୍ଷା ପ୍ରଣାଳୀକୁ ମଜବୁତ କରିବାରେ ସାହାଯ୍ୟ କରେ।
କଖାରୁ:
ପୋଷକ ତତ୍ତ୍ୱରେ ଭରପୂର କଖାରୁ ଆମ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ। ଏଥିରେ ପ୍ରଚୁର ପରିମାଣର ପୋଟାସିୟମ୍ ଏବଂ ମ୍ୟାଗ୍ନେସିୟମ୍ ଏବଂ ଆଣ୍ଟି-ଅକ୍ସିଡାଣ୍ଟ ଗୁଣ ରହିଥାଏ ଯାହା ଆମ ଶରୀରକୁ ସୁସ୍ଥ ରଖିବାରେ ଅତ୍ୟନ୍ତ ପ୍ରଭାବଶାଳୀ। ତେଣୁ ଗ୍ରୀଷ୍ମ ଋତୁରେ କଖାରୁ ଖାଇବା ଉଚିତ୍, ଯାହା ଆମ ଶରୀରକୁ ଥଣ୍ଡା ରଖିବାରେ ସାହାଯ୍ୟ କରିଥାଏ।
