World Food Day 2023: ପୌଷ୍ଟିକ ଆହାର କାହାକୁ କୁହାଯାଏ, କେଉଁ ଖାଦ୍ୟରୁ କ’ଣ ମିଳେ

ପ୍ରତିବର୍ଷ ୧୬ ଅକ୍ଟୋବରରେ ‘ବିଶ୍ୱ ଖାଦ୍ୟ ଦିବସ’ ପାଳନ କରାଯାଏ। ମିଳିତ ଜାତିସଂଘର ଖାଦ୍ୟ ଏବଂ କୃଷି ସଂଗଠନ ପ୍ରଥମ ଥର ପାଇଁ ୧୯୪୫ରେ ସ୍ଥାପନା ହୋଇଥିଲା। ଅନାହାର ବିରୋଧରେ କାର୍ଯ୍ୟପନ୍ଥା ଗ୍ରହଣ କରିବା ଏହି ସଂଗଠନର ଉଦ୍ଦେଶ୍ୟ ଥିଲା। ଏହା ପରେ, ୧୬୭୯ରେ ପ୍ରଥମ ଥର ପାଇଁ ‘ବିଶ୍ୱ ଖାଦ୍ୟ ଦିବସ’ ପାଳନ କରାଯାଇଥିଲା। ସେବେଠାରୁ ‘ବିଶ୍ୱ ଖାଦ୍ୟ ଦିବସ’ ପ୍ରତିବର୍ଷ ୧୬ ଅକ୍ଟୋବରରେ ପାଳନ କରାଯାଉଛି। ଏହି ଦିନ ପାଳନ କରିବାର ବିଶେଷ ମହତ୍ତ୍ୱ ମଧ୍ୟ ରହିଛି।

ଖାଦ୍ୟ ଦିବସ ଅବସରରେ ଲୋକଙ୍କୁ ଖାଦ୍ୟ ନିରାପତ୍ତା ଏବଂ ପୁଷ୍ଟିକର ଖାଦ୍ୟର ଆବଶ୍ୟକତା ବିଷୟରେ ସଚେତନ କରାଯାଏ। ଯେକୌଣସି ଶରୀରକୁ ସୁସ୍ଥ ରଖିବା ପାଇଁ ପୁଷ୍ଟିକର ଖାଦ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ସ୍ୱାଦ ସହିତ ସ୍ୱାସ୍ଥ୍ୟର ଯତ୍ନ ନେବାକୁ ହେଲେ ଖାଦ୍ୟରେ ପୁଷ୍ଟିକର ଖାଦ୍ୟକୁ ସାମିଲ୍ କରିବା ଜରୁରୀ। ତେବେ ଆସନ୍ତୁ ‘ବିଶ୍ୱ ଖାଦ୍ୟ ଦିବସ’ରେ ସ୍ୱାସ୍ଥ୍ୟ ପାଇଁ ସୁସ୍ଥ ଖାଦ୍ୟ ବିଷୟରେ ଜାଣିନେବା।

ଅଧିକ ପଢ଼ନ୍ତୁ: ହାଡ ଏବଂ ମାଂସପେଶୀକୁ ମଜବୁତ କରେ ଶାକାହାର ଖାଦ୍ୟ

ଇତିହାସ:

ଖାଦ୍ୟ ଏବଂ କୃଷି ସଂଗଠନ (FAO) ପ୍ରତିଷ୍ଠିତ ହେବା ପରେ ଏହା ଖାଦ୍ୟ ସୁରକ୍ଷା ଏବଂ ପୋଷକ ତତ୍ତ୍ୱ ଉପରେ କାମ କରୁଛି। ଏହି ସଂଗଠନ ଲୋକଙ୍କୁ ଖାଦ୍ୟ ଏବଂ ପୁଷ୍ଟିକର ଖାଦ୍ୟ ବିଷୟରେ ଅବଗତ କରାଏ। ସଂଗଠନର ଉଦ୍ୟମ ହେତୁ ୧୯୭୯ରେ ‘ବିଶ୍ୱ ଖାଦ୍ୟ ଦିବସ’ ପାଳନ କରିବାର ନିଷ୍ପତ୍ତି ନିଆଯାଇଥିଲା। ଏହାକୁ ୧୬ ଅକ୍ଟୋବର ୧୯୮୧ ରୁ ଆରମ୍ଭ କରାଯାଇଥିଲା।

ମହତ୍ତ୍ୱ:

ଦୁନିଆର ଅନେକ ଦେଶ ବର୍ତ୍ତମାନ ଦାରିଦ୍ର ସୀମାରେଖା ତଳେ ଅଛନ୍ତି। ଏହି ଦେଶଗୁଡିକର ଲୋକମାନେ ସନ୍ତୁଳିତ ଖାଦ୍ୟ ଗ୍ରହଣ କରିପାରୁ ନାହାଁନ୍ତି। ଏହି କାରଣରୁ ଅଧିକାଂଶ ଜନସଂଖ୍ୟା ପୁଷ୍ଟିହୀନ ହୋଇପଡୁଛନ୍ତି। ସନ୍ତୁଳିତ ଏବଂ ପୁଷ୍ଟିକର ଖାଦ୍ୟର ଅଭାବ ହେତୁ ଲୋକମାନେ ଅନେକ ରୋଗରେ ପୀଡିତ ହେଉଛନ୍ତି। ପୁଷ୍ଟିହୀନତାର ସମସ୍ୟା ଦୂର କରିବା ଏବଂ ଲୋକଙ୍କୁ ଏକ ସନ୍ତୁଳିତ ଏବଂ ପୁଷ୍ଟିକର ଖାଦ୍ୟ ବିଷୟରେ ଅବଗତ କରାଇବା ଲକ୍ଷ୍ୟରେ ଏହି ଦିନ ପାଳନ କରାଯାଏ।

ପୌଷ୍ଟିକ ଆହାର କାହାକୁ କୁହାଯାଏ:

ଯେଉଁ ଖାଦ୍ୟରେ କାର୍ବୋହାଇଡ୍ରେଟ୍, ଫ୍ୟାଟ୍, ପ୍ରୋଟିନ୍, ମିନେରାଲ୍, ଖଣିଜ ଲବଣ ଏବଂ ଭିଟାମିନ୍ ଥାଏ, ତାହାକୁ ପୌଷ୍ଟିକ ଆହାର ଖାଦ୍ୟ ଭାବେ ବିବେଚନା କରାଯାଏ। ଜାଣନ୍ତୁ କେଉଁ ଖାଦ୍ୟରୁ କ’ଣ ମିଳେ…

• କାର୍ବୋହାଇଡ୍ରେଟ୍ସ – ଚାଉଳ, ଗହମ, ମକା, ଆଳୁ, ସମସ୍ତ ମୋଟା ଶସ୍ୟ ଇତ୍ୟାଦି
• ଫ୍ୟାଟ୍ – ତେଲ, ଘିଅ, ଚର୍ବି ଇତ୍ୟାଦି
• ପ୍ରୋଟିନ୍ – ସମସ୍ତ ପ୍ରକାରର ଡାଲି, ସୋୟାବିନ୍, ମାଂସ, ମାଛ ଇତ୍ୟାଦି
• ଖଣିଜ ଲବଣ – ସବୁଜ ପନିପରିବା, ଖାଇବା ଲୁଣ ଇତ୍ୟାଦି
• ଭିଟାମିନ୍ – ଫଳ, ପନିପରିବା, ପତ୍ରଯୁକ୍ତ ପନିପରିବା ଇତ୍ୟାଦି
• ବିଶେଷ ଭିଟାମିନ୍-ଡି – ସକାଳର ସୂର୍ଯ୍ୟ କିରଣ

ଅଧିକ ପଢ଼ନ୍ତୁ: ଦୀର୍ଘ ବର୍ଷ ବଞ୍ଚିବା ପାଇଁ ଖାଦ୍ୟରେ ସାମିଲ କରନ୍ତୁ ଏହି ୫ ଜିନିଷ