Republic Day 2025: ଚଳିତ ବର୍ଷ ଦେଶ ୭୬ତମ ନା ୭୭ତମ ‘ଗଣତନ୍ତ୍ର ଦିବସ’ ପାଳନ କରିବ…

ପ୍ରତିବର୍ଷ ୨୬ ଜାନୁଆରୀରେ ଭାରତ ‘ଗଣତନ୍ତ୍ର ଦିବସ’ ପାଳନ କରେ। ଏହି ଦିନ ରାଜଧାନୀ ଦିଲ୍ଲୀର କର୍ତ୍ତବ୍ୟ ପଥରେ ଏକ ଗ୍ରାଣ୍ଡ ପରେଡ୍‌ ଆୟୋଜିତ ହୁଏ ଯେଉଁଥିରେ ଦେଶର ସଶସ୍ତ୍ର ବାହିନୀ, ସାଂସ୍କୃତିକ ଟିମ୍ ଏବଂ ସ୍କୁଲ ପିଲାମାନେ ଅଂଶଗ୍ରହଣ କରନ୍ତି।

ଏହି ଦିନ ଆମକୁ ୨୬ ଜାନୁଆରୀ ୧୯୫୦ର ସେହି ଐତିହାସିକ ମୁହୂର୍ତ୍ତକୁ ମନେ ପକାଇଦିଏ ଯେତେବେଳେ ଭାରତର ସମ୍ବିଧାନ କାର୍ଯ୍ୟକାରୀ ହୋଇଥିଲା। ସମ୍ବିଧାନ ସଭା ଦ୍ୱାରା ଅକ୍ଲାନ୍ତ ପରିଶ୍ରମ ପରେ କରାଯାଇଥିବା ଏହି ସମ୍ବିଧାନ ଭାରତକୁ ଏକ ସାର୍ବଭୌମ, ସମାଜବାଦୀ, ଧର୍ମନିରପେକ୍ଷ ତଥା ଗଣରାଜ୍ୟ ଭାବେ ପ୍ରମାଣିତ କରିଛି।

ଅଧିକ ପଢ଼ନ୍ତୁ: ଗଣତନ୍ତ୍ର ଦିବସ ପରେଡ୍‌ରେ ସାମିଲ୍ ହେବ 'ନନ୍ଦିଘୋଷ', ଏମିତି କହିଲେ ମେଜର୍ ରାଧିକା ସେନ୍

‘ଗଣତନ୍ତ୍ର ଦିବସ’ ଆମକୁ ଆମର ଅଧିକାର ଏବଂ କର୍ତ୍ତବ୍ୟ ବିଷୟରେ ଜଣାଇ ଦିଏ ଏବଂ ଦେଶ ପ୍ରତି ଆମର ପ୍ରେମକୁ ମଜବୁତ କରେ।

ତେବେ ଅନେକ ସମୟ ଏହି ଦିନଟି ଅନେକଙ୍କୁ ଦ୍ୱନ୍ଦ୍ୱରେ ପକାଏ। ଆପଣ ଯଦି ଦ୍ୱନ୍ଦ୍ୱରେ ଅଛନ୍ତି ଯେ ଚଳିତ ବର୍ଷ ଆମେ ୭୬ ତମ ନା ୭୭ ତମ ‘ଗଣତନ୍ତ୍ର ଦିବସ’ ପାଳନ କରୁଛୁ, ତେବେ ଏହି ଲେଖାଟି କେବଳ ଆପଣଙ୍କ ପାଇଁ, କାରଣ ଏଠାରେ ଆମେ ସଠିକ୍ ଉତ୍ତର ଦେବାକୁ ଯାଉଛୁ।

ଲୋକଙ୍କ ଦ୍ୱନ୍ଦ୍ୱ:

ପ୍ରତିବର୍ଷ ୨୬ ଜାନୁଆରୀରେ ଭାରତ ଏହାର ‘ଗଣତନ୍ତ୍ର ଦିବସ’ ପାଳନ କରିଥାଏ। ଏହି ଦିନ ଦେଶ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ କାରଣ ଏହି ଦିନ ଭାରତ ଏହାର ସମ୍ବିଧାନ ଗ୍ରହଣ କରି ଏକ ଗଣତନ୍ତ୍ର ରାଷ୍ଟ୍ରର ପରିଚୟ ପାଇଥିଲା। କିନ୍ତୁ ପ୍ରତିବର୍ଷ ପ୍ରଶ୍ନ ଉଠେ ଯେ ଚଳିତ ବର୍ଷ କେତେ ତମ ଗଣତନ୍ତ୍ର ଦିବସ ପାଳନ କରାଯିବ?

୨୦୨୫ରେ ଭାରତ ଏହାର ୭୬ ତମ ନା ୭୭ ତମ ‘ଗଣତନ୍ତ୍ର ଦିବସ’ ପାଳନ କରିବ? ଏହି ପ୍ରଶ୍ନର ଉତ୍ତର ଜାଣିବା ପାଇଁ, ଆସନ୍ତୁ ଟିକିଏ ଇତିହାସକୁ ଦେଖିବା।

ଭାରତର ଗଣତନ୍ତ୍ର ଦିବସ:

• ୧୫ ଅଗଷ୍ଟ ୧୯୪୭ରେ ଭାରତ ବ୍ରିଟିଶ ଶାସନରୁ ସ୍ୱାଧୀନତା ପାଇଥିଲା।
• ତେବେ ଭାରତ ଏକ ଗଣତନ୍ତ୍ର ନୁହେଁ, ବରଂ ଏକ ରାଷ୍ଟ୍ରମଣ୍ଡଳ ଦେଶ ଥିଲା।
• ଭାରତର ସମ୍ବିଧାନ ପ୍ରସ୍ତୁତ କରିବାକୁ ପ୍ରାୟ ଅଢେଇ ବର୍ଷ ସମୟ ଲାଗିଥିଲା।
• ୨୬ ଜାନୁଆରୀ ୧୯୫୦ରେ, ଭାରତର ସମ୍ବିଧାନ କାର୍ଯ୍ୟକାରୀ ହେଲା ଏବଂ ଭାରତ ଏକ ଗଣତନ୍ତ୍ର ରାଷ୍ଟ୍ରରେ ପରିଣତ ହେଲା।
• ଏହି ଦିନଠାରୁ ଭାରତ ପ୍ରତିବର୍ଷ ୨୬ ଜାନୁଆରୀରେ ‘ଗଣତନ୍ତ୍ର ଦିବସ ପାଳନ’ କରିଆସୁଛି।

ଚଳିତ ବର୍ଷ କେତେ ତମ ‘ଗଣତନ୍ତ୍ର ଦିବସ’:

• ପ୍ରଥମ’ ଗଣତନ୍ତ୍ର ଦିବସ’ ୨୬ ଜାନୁୟାରୀ ୧୯୫୦ରେ ପାଳନ କରାଯାଇଥିଲା।
• ୨୦୨୫ରେ ୨୬ ଜାନୁଆରୀରେ ଭାରତ ଏହାର ୭୬ତମ ‘ଗଣତନ୍ତ୍ର ଦିବସ’ ପାଳନ କରିବ।
• ଏହାର କାରଣ ହେଉଛି ଆମେ ୧୯୫୦ରୁ ‘ଗଣତନ୍ତ୍ର ଦିବସ’ ପାଳନ କରିବା ଆରମ୍ଭ କରିଥିଲୁ।

ଦ୍ୱନ୍ଦ୍ୱ କାହିଁକି:

• ଅନେକ ସମୟରେ ଲୋକମାନେ ଭାବନ୍ତି ଯେ ଭାରତ ୧୯୪୭ରେ ହିଁ ଏକ ଗଣତନ୍ତ୍ର ହୋଇଗଲା, କିନ୍ତୁ ତାହା ନୁହେଁ।
• ୧୯୫୦ ମସିହାରେ ଭାରତ ଗଣତନ୍ତ୍ର ରାଷ୍ଟ୍ରରେ ପରିଣତ ହେଲା।
• ଏହି କାରଣରୁ ଅନେକ ଲୋକଙ୍କୁ ବୁଝିବାରେ ଅସୁବିଧା ହୁଏ ଯେ କେତେ ତମ ‘ଗଣତନ୍ତ୍ର ଦିବସ’ ପାଳନ କରାଯାଉଛି?

ଅଧିକ ପଢ଼ନ୍ତୁ: ଅପରେସନ ପରେ ଫେରିଲେ ଯବାନ; ବଖାଣିଲେ ଲୋମଟାଙ୍କୁରା କାହାଣୀ; କହିଲେ..