ସଂପୂର୍ଣ୍ଣ ସୁସ୍ଥ ହେଲେ ଶ୍ରୀଜିଉ; ଖବର ଦେବାକୁ ଯାଉଛନ୍ତି ଦଇତାପତି ସେବାୟତ

ଶ୍ରୀଜିଉ ସଂପୂର୍ଣ୍ଣ ସୁସ୍ଥ ହେଲେ । ଏହି ଖବର ଦେବାକୁ ଦଇତାପତି ସେବାୟତ ଶ୍ରୀନଅର ଯାଉଛନ୍ତି । ସ୍ନାନ ପୂର୍ଣ୍ଣିମାରେ ଅଧିକ ସ୍ନାନ ଯୋଗୁଁ ଜ୍ୱରରେ ପୀଡ଼ିତ ଥିଲେ ।

ଆଜି ଅଣସରର ଦ୍ଵାଦଶୀ। ଗତକଲି ରାଜବୈଦଙ୍କ ଦ୍ୱାରା ପ୍ରସ୍ତୁତ ଦଶମୂଳ ସେବନ ପରେ ଶ୍ରୀଜୀଉ ସୁସ୍ଥ ହୋଇଛନ୍ତି । ଏହି ସୁସ୍ଥତା ଖବର ସମ୍ପର୍କରେ ଗଜପତିଙ୍କୁ ଅବଗତ କରାଇବା ନିମନ୍ତେ ଦଇତାପତିମାନେ ଘଣ୍ଟ, ଘଣ୍ଟା, ଛତ୍ରୀ କାହାଳି ସହ ପଟୁଆରରେ ରାଜପ୍ରାସାଦ ବିଜେ କରିବେ ।

ସୂଚନା ଅନୁସାରେ, ରୂପା ଥଳିରେ କରାଳ,ଚନ୍ଦନ ପଟଡୋରୀ ଆଦି ରାଜପ୍ରସାଦ ଗଜପତିଙ୍କୁ ପ୍ରଦାନ କରିବେ । ଏହାସହ ମହାପ୍ରଭୁଙ୍କ ଶ୍ରୀଅଙ୍ଗ ସୁରକ୍ଷିତ ସମ୍ପର୍କରେ ଦଇତାପତି ଅବଗତ କରାଇବେ । ମହାପ୍ରଭୁଙ୍କ ପ୍ରିୟ ତୁଳସୀ ଲାଗି ହୋଇଛି । ଅଣସରରେ ଶ୍ରୀଜୀଉଙ୍କ ଗୁପ୍ତ ସେବା ପାଇଁ ଘଣ୍ଟ ବାଜିବା ବନ୍ଦ ଥିଲା । ହେଲେ ଗତକାଲି ଖଳି ଲାଗି ସମୟରେ ଘଣ୍ଟ କାହାଳୀ ବାଜିଥିଲା ।