ଏଥର ବି ନିରାଶ ବ୍ୟବସାୟୀ, କଟକ ବାଲିଯାତ୍ରା ଆୟୋଜନକୁ ନା..

କଟକ: ଏଥର ବି ନିରାଶ କଲା ପ୍ରଶାସନ । ଏ ବର୍ଷ ବି ଐତିହାସିକ ବାଲିଯାତ୍ରା ବନ୍ଦ । କୋଭିଡ୍ ପାଇଁ ବାଲିଯାତ୍ରା ବନ୍ଦ ରଖିବାକୁ ନିଷ୍ପତ୍ତି । ବାଲିଯାତ୍ରା ବନ୍ଦ ନେଇ କଟକ ଜିଲ୍ଲାପାଳ ଭବାନୀ ଶଙ୍କର ଚଇନିଙ୍କ ସୂଚନା । ଗତବର୍ଷ ମଧ୍ୟ ବନ୍ଦ ରହିଥିଲା କଟକ ବାଲିଯାତ୍ରା ।

ବାଲି ଯାତ୍ରାରେ ବ୍ୟବସାୟ କରି ଭଲ ଦି ପଇସା ପାଇବା ଆଶାରେ ଥିବା ଛୋଟ ବଡ଼ ବେପାରୀ ଏଥର ବି ନିରାଶ ହୋଇଛନ୍ତି । କାରଣ ମହାମାରୀ କରୋନା ଯୋଗୁଁ ଏଥର ବି ବାଲିଯାତ୍ରା ଆୟୋଜନକୁ ସ୍ଥାନୀୟ ପ୍ରଶାସନ ପକ୍ଷରୁ ମନା କରାଯାଇଛି । ବାଲିଯାତ୍ରାରେ ହଜାର ହଜାର ଷ୍ଟଲ ପଡ଼ିଥାଏ । ବିଭିନ୍ନ ରାଜ୍ୟରୁ ଏଠାକୁ ବ୍ୟବସାୟୀମାନେ ଆସି ନିଜର ପସରା ମେଲାଇଥାନ୍ତି । ଆଉ ସେମାନଙ୍କ ଜିନିଷ କିଣିବାକୁ ମଧ୍ୟ ବିଭିନ୍ନ ସ୍ଥାନରୁ ବା ଦୂରଦୂରାନ୍ତରୁ ଲୋକ ଏଠାକୁ ଆସିଥାନ୍ତି ।

Also Read

ଏଇଠି ଚୋରା ଗାଡ଼ିକୁ କଟର୍‌ରେ କଟାଯାଉଛି, ଯଦି ଆପଣଙ୍କ ଗାଡ଼ି....

ପର୍ଯ୍ୟଟନ ଋତୁରେ ପର୍ଯ୍ୟଟକଙ୍କୁ ଆକୃଷ୍ଟ କରିବାକୁ ପ୍ରୟାସ : ରାଜ୍ୟର ବିଭିନ୍ନ ଜଳରାଶିରେ ହେବ କ୍ରୁଜ୍ ବ୍ୟବସ୍ଥା

ହୋଟେଲରେ ଗର୍ଲଫ୍ରେଣ୍ଡ୍ ସହ ଇନ୍ସପେକ୍ଟର : ଖବର ପାଇ ପହଞ୍ଚିଗଲେ ସ୍ତ୍ରୀ , ତା’ପରେ

ଆଉ ବାଲିଯାତ୍ରାରେ ଭିଡ଼ କଥା ତ ସମସ୍ତ ଜାଣନ୍ତି । ଏହି ଭିଡ଼କୁ ଏଡ଼ାଇବାକୁ ଯାଇ ପ୍ରଶାସନ ପକ୍ଷରୁ ଏଭଳି ନିଷ୍ପତ୍ତି ନିଆଯାଇଛି । କାରଣ କରୋନା ମହାମାରୀ ରାଜ୍ୟରେ ନିୟନ୍ତ୍ରିତ ଅବସ୍ଥାରେ ଥିଲେ ମଧ୍ୟ ଦେଶର ସବୁ ରାଜ୍ୟରେ କରୋନା, ନିୟନ୍ତ୍ରଣରେ ନାହିଁ । ସେପଟେ ଚୀନ୍‌ରେ ଓ ଆମେରିକାରେ ପୁଣି ଥରେ କରୋନା ସଂକ୍ରମଣ ବଢ଼ୁଥିବା ଖବର ମଧ୍ୟ ସାମ୍ନାକୁ ଆସିଛି । ଏସବୁ ଦିଗକୁ ଦୃଷ୍ଟିରେ ରଖି ଏଥର ମଧ୍ୟ ବାଲିଯାତ୍ରା ବନ୍ଦ କରିବାକୁ ନିଷ୍ପତ୍ତି ହୋଇଛି ।

ଗତବର୍ଷ କରୋନା ମହାମରୀ ପିକ୍‌ ଧରିଥିବାରୁ ବାଲିଯାତ୍ରା ହୋଇନଥିଲା । ତେବେ ଲଗାତର ଦୁଇବର୍ଷ ଧରି ବାଲିଯାତ୍ରା ବନ୍ଦ ହେବା ଫଳରେ ଅନେକ ବ୍ୟବସାୟୀ ନିରାଶ ହୋଇଛନ୍ତି । ଯାହାକୁ ନେଇ ସେମାନେ ଅସନ୍ତୋଷ ପ୍ରକାଶ କରିଛନ୍ତି ।