LIVE TV
ବାଲିଯାତ୍ରାରେ ଓଡ଼ିଆ ଘରର ପିଠାର ମଜା । ସ୍ୱତନ୍ତ୍ର ଟେଷ୍ଟି ଟେଷ୍ଟି ଓଡ଼ିଆ ଘରର ପିଠାର ମଜା ଏଥର ବାଲିଯାତ୍ରାରେ ଆପଣ ପାଇପାରିବେ । ଚକୁଳି, କାକରାଠୁ ଆରମ୍ଭ କରି ସବୁ ପ୍ରକାର ପିଠା ପ୍ରସ୍ତୁତ କରୁଛନ୍ତି ମିଶନ ଶକ୍ତି ମହିଳା । ୧୪୨ରୁ ଊର୍ଦ୍ଧ୍ୱ ପ୍ରକାରର ପିଠା ଏଥର ବାଲିଯାତ୍ରାରେ ମିଳୁଛି । ଯାହାର ଖୁବ୍ ମଜା ନେଉଛନ୍ତି ଗ୍ରାହକ ।
ଓଡ଼ିଶାର ପାରମ୍ପରିକ ପିଠାର ସ୍ୱତନ୍ତ୍ର ଷ୍ଟଲ୍ ରହିଛି ଏଥର ବାଲିଯାତ୍ରାରେ । ପିଠା ସହିତ ସୁସ୍ୱାଦୁ ବ୍ୟଞ୍ଜନର ବ୍ୟବସ୍ଥା ମଧ୍ୟ କରାଯାଇଛି । ଯାହାକି ସମ୍ପୂର୍ଣ୍ଣ ଖାଣ୍ଟି ଓଡ଼ିଆ ଘରର ଖାଇବା । ଯେମିତିକି ମଞ୍ଜା ରାଇ, ସୋରିଷ ଶାଗ, ଡାଲମା, ଖେଚୁଡ଼ି, କଦଳୀ ଭଜା ଭଳି ନାନା ଖାଇବା ଜିନିଷ । କଟକରେ ଥିବା ମା’ ମହାଲକ୍ଷ୍ମୀ ମହିଳା ମିଶନ ଶକ୍ତିର ପ୍ରାୟ ୯୦ଜଣ ମହିଳା ଏହି ସମସ୍ତ ଜିନିଷ ପ୍ରସ୍ତୁତ କରିଛନ୍ତି ।
Also Read
ପିଠା ଲିଷ୍ଟରେ ସାମିଲ ହୋଇଛି ଆରିସା, ମଣ୍ଡା, କାକରା, ଚକୁଳି, ଅମୃତ କୁଣ୍ଡ, ତରଣ ଓ କ୍ଷୀରା ଭଳି ଅନେକ ଜିନିଷ । ପ୍ରାୟ ୧୪୨ରୁ ଊର୍ଦ୍ଧ୍ୱ ପ୍ରକାରର ପିଠାର ଏଥର ବାଲିଯାତ୍ରାରେ ବିକ୍ରି କରୁଛନ୍ତି ମହିଳାମାନେ । ଯାହାକି ଦେଖିବାକୁ ସୁନ୍ଦର ଓ ଖାଇବାକୁ ବେଶ ସୁଆଦିଆ । ଏବେ ପ୍ରାୟ ସମସ୍ତେ ଓଡ଼ିଆ ଖାଦ୍ୟକୁ ଭୁଲି ମୋମୋ, ପିଜା, ବର୍ଗର ଭଳି ଖାଦ୍ୟକୁ ପସନ୍ଦ କରୁଛନ୍ତି । ଫଳରେ ଓଡ଼ିଆ ପାରମ୍ପାରିକ ଖାଦ୍ୟର ଚାହିଦା ଦିନକୁ ଦିନ କମିଯାଉଛି । ତେଣୁ ମିଶନ ଶକ୍ତିର ମହିଳାମାନେ ଏଥର ବାଲିଯାତ୍ରାରେ ଓଡ଼ିଆ ପରମ୍ପରାର କଥା ମନେ ପକାଉଛନ୍ତି ।
ଆଜି କାଲିର ଲୋକେ ଓଡ଼ିଆ ପରମ୍ପରାର ଖାଦ୍ୟକୁ ଭୁଲି ଯାଉଥିବା ବେଳେ ଓଡ଼ିଆ ଖାଦ୍ୟକୁ ମନେ ରଖିବାର ଏକ ଛୋଟ ପ୍ରୟାସ କରାଯାଇଥିବା କହିଛନ୍ତି ମିଶନ ଶକ୍ତିର ମହିଳାମାନେ ।
- Reported by:
- Biswajit Acharya
